I YOHANE 16:7 - Wunta Mempori

⁷ Sine mentee anu Kupauakomiu andio: Mentuduopo ndi omiu, ba Kulako. Hangano tewala nahi Kulako, Pontarero atuu nahi Ira hawe ndi omiu, sine tewala lumako Aku, Aku tumena Ira ndi omiu.

I YOHANE 16:7 ပူးပေါင်းရင်းမြစ်များ

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

I LUKASI 24:49

Ka Aku umoliwio ndi omiu hapa anu dinandi-Do Ama-Ku. Sine asalakono ka impo'ia a laro ngkota andio hawe ka imempinokorosoako pabawa inso i wawono.”

I LUKASI 4:25

Ka Kupauakomiu, ka pinau-Ku andio mentee. Tempono i Elia hadio hinawe tuwu beine i Isaraeli tempono itepii langi i larono otolu nta'u ka onoo wula ka tempono mokoninggoa langkai anu umaluo asa wawo wita.

I LUKASI 9:27

Kupauakomiu: Menteeano i olodo mia anu mekongko i ndi'ai hinao anu nahi ta mate ba napi domengkitao Poparentaa-Do Ue Ala.”

I YOHANE 14:26

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

I YOHANE 14:28

Imerongeomo, nine Kupauakomiumo: Aku lumako, sine Aku wali hawe ndi omiu. Ba impehohawa Aku, asalakono komiu mpo'unde hangano Aku lumako ndi Ondae Ama-Ku, Hangano langkai Irapo i Ama sekono Ongkue.

I YOHANE 14:3

Ka tewala lumako Akumo i tu'ai ka Kupatindaomo po'iangamiu, Aku wali hawe ka wawa komiu a mpo'ianga-Ku, ka impo'ia koa mbo'u, ba isua Kupo'ia.

I YOHANE 15:26

Tewala hawe Pontarero anu Aku tumenao inso ndi Ondae i Ama, onaemo Penaa Menteea anu meluarako inso ndi Ondae i Ama, Ondae Ira mesakosii mongkona Ongkue.

I YOHANE 16:8

Ka tewala hawe Ira, Ira mopoto'oriakono ntu'u wawontolino mongkona hala, menteea ka pobitaraa;

I YOHANE 7:39

Anu tinoo-Do onaemo Penaa anu ira mentarimao anu mpompe'ala-ala ndi Ondae; hangano Penaa atuu napi hawe, hangano Ondae i Yesu napi Dopinokomaramba.

WINEWEUDO TINENA 10:34

Ka i'amba mompu'uomo i Peturu mepau, ipotae, ”Menteeano kupokonto'oriomo, nine Ondae Ue Ala nahi Dopobibiniki mia.

WINEWEUDO TINENA 2:33

Ka umari-Do tinandeako kae ngkoana-Do Ue Ala ka montarima Penaa Mempori anu dinandi atuu, ka Dopotiio hapa anu kinitamiu ka rinongemiu i ndi'ai.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.