I YOHANE 16:3 - Wunta Mempori

³ Ira mpoweweu kanandio, hangano nahi domento'orio moiko Ondae i Ama maupo Ongkue.

I YOHANE 16:3 ပူးပေါင်းရင်းမြစ်များ

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 15:21

Sine luwuno atuu ira meweweuo ndi omiu hangano nee-Ku, hangano nahi domento'ori Ira, anu tumena Aku.

I YOHANE 15:23

Ba isema umo'aliaa-Kune, i'o'aliaako Ira mbo'u Ama-Ku.

I YOHANE 17:25

Oo Ama anu moleo, lano nahi to'ori Komiu wawontolino, sine Kuto'ori Komiu, ka ondae andio domento'orio, nine Omiumo anu tumena Aku;

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 8:19

Ka dompotaeako Ira, ”I sua Irake Ama-Miu?” Sumangki Ira i Yesu, ”Moiko Ongkue, maupo Ondae Ama-Ku nahi imento'orio. Bakanaano imento'ori Aku, komiu koa mento'ori Ira mbo'u Ama-Ku.”

I YOHANE 8:55

kahinaano nahi imento'ori Ira, sine Ongkue tumo'ori Ira. Ka tewala motae Aku: Nahi Kuto'ori Ira, megaupi Akumo, mengkena kana omiu, sine Kuto'ori Ira ka Kutondao pau-Do.

WINEWEUDO TINENA 3:17

Hei luwuno pepaekompo, kuto'orio nine mpoweweu komiumo kanandio hangano nahi imento'orio, mengkena kana luwuno petewawamiu.

1 KORINTI 2:8

Nahina anu pabawa i wawontolino andio tumo'orio, hangano bakanaano domento'orio, nahi domempaso Ira i Ue anu maramba a ngkeu pinotamba.

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

1 TIMOTIU 1:13

ongkue anu se'eluno asa mia anu mompepaukiako ka asa mia anu mobobarasai ka asa mia anu lambaha, sine Dopehohawa akumo, hangano luwuno atuu kuweweuo nahina ponto'oriku onaemo nahina pompe'ala-ala.

1 YOHANE 2:23

Hangano ba isema humapu Ira i Ana, onae mbo'u nahi pe'umbu Ira i Ama. Ba isema umakui Ira Ana, ipe'umbu Ira mbo'u i Ama.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

1 YOHANE 4:8

Ba isema nahi pompehohawa, onae nahi to'ori Ira Ue Ala, hangano Ondae Ue Ala Ondaemo pompehohawa.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.