I YOHANE 15:7 - Wunta Mempori

⁷ Tewala mpo'ia komiu i laro-Ku ka pau-Ku mo'ia i laromiu, impo'emamo hapamo koa anu inehemiu, ka komiu mentarimao.

I YOHANE 15:7 ပူးပေါင်းရင်းမြစ်များ

1 Mokole 3:5

I Gibeoni, Ondae i Ue mepopokita ndi Salomo a laro mo'ipino i tempono wongi. Mepau Iramo Ue Ala, ”Emaomo hapa anu inehemu Kuweeko.”

Ayubi 22:26

ka menteeano komesana-sanaa hangano Ondae Anu Tedoa Pabawa, ka komentombu ndi Ondae Ue Ala.

Ayubi 23:12

Parenta inso a wiwi-Do nahi kulimpaio, i laro aroaku kunaao pinau-Do.

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 37:4

Po'undemo ndi Ondae i Ue; ka Ira moweeakomu tinoono aroamu.

Powadi 10:24

Hapa anu mokodoitoo mia mosa'o gauno, onaemo anu ta umaluo, sine po'eheno mia mentee ta ininduako.

Powadi 4:4

dopaguru aku amaku, dopotae ndi ongkue, ”Po'ineeomo aroamu uminio pauku; pe'inimo a luwuno pontisoku, ka omue kotuwu.

Yesaya 58:8

I tempomo atuu mewinemu ta mewanta kana towea ka mobelamu ta ronga tompa; menteea gagi baresi i aromu ka maramba-Do i Ue baresi i bungkumu.

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

I MATIU 7:7

”Impo'emamo, ka komiu mewineeako; Impo'ungkemo, ka komiu mpohawe; impetingko-tingkomo, ka komiu me'inungkahiako tondo.

I YOHANE 14:13

ka hapa anu inemamiu a nee-Ku, Aku weweuo, ka Dopinokomaramba i Ama i larono Ana.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 16:23

Ka a oleo atuu nahi komiu mpompesikenoako hapa-hapa ndi Ongkue. Kupauakomiu: Menteeano luwuakoano anu inemamiu ndi Ondae i Ama, Ira weeakomiu a nee-Ku.

I YOHANE 8:31

Onaemo ka Dopotaeako ira to Yahudi anu mpe'ala-ala Ira, ”Tewala mekongko komiu mpiha a mpau-Ku, omiu mentee ntu'u ana guru-Ku

I YOHANE 8:37

”Kuto'orio, nine omiu inuleno i Burahima, sine ime'ungkeakono komiu mpepate Aku hangano pau-Ku nahi pohawe po'iangano i laromiu.

GALATIA 4:2

sine onae mo'ia i totono anu mekariao ka dinagai hawe a tempo anu ipakosiomo amano.

GALATIA 5:16

Tinooku onaemo: imentuwumo hangano Penaa, ka nahi komiu mentondao po'eheno koroi ntolino.

Winali 6:6

Hapa anu kuparentaa komiu a oleo andio, asalakono impekokoongakono.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

1 YOHANE 2:14

Kupoburiakomiu, hei luwuno nana'ote, hangano imento'ori Ira i Ama. Kupoburiakomiu, hei luwuno ama, hangano imento'ori Ira, anu kongko Ira inso a pompu'uano. Kupoburiakomiu, hei luwuno mia mongura, hangano memoroso komiu ka pau-Do Ue Ala mo'ia i laromiu ka imenangiomo anu mosa'o.

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

1 YOHANE 3:22

ka hapamo koa anu inemato, tomehaweo inso ndi Ondae, hangano tomentondao luwuno parenta-Do ka mpoweweu hapa anu Dopemoikoo.

1 YOHANE 5:14

Ka ndiomo mosiano pompe'ala-alato ndi Ondae, onaemo nine Do'induo pekakaito, tewala hinao inemato ndi Ondae montonda po'ehe-Do.