Hangano hapa anu nahi tengkita inso ndi Ondae, onaemo roso-Do anu nahina tampulaano ka pabawa-Do, pinokompewowolo inso a inangga-Do mompu'u ipinokogagi wawontolino, ranta nahi domempolio mpokomenteeo koroido.
Ba isema nahi tarima Aku ka nahi tarimao pau-Ku, onae hinaomo puu mpobitarano, onaemo pau anu Kupauomo, onaemo atuu anu ta gagi puu mpobitarano a tampulaano wawontolino.
Imentuwumo kana mia maradeka ka komba kana ondae anu mensala pakeo maradekaa atuu ka itetutuwi luwuno wineweudo anu mosa'o, sine imentuwumo kana tetenaa-Do Ue Ala.
Onaemo pu'uno, hei mia, maupo isema omue, anu mompokonsala mia susua, omuemu isa'a nahi tola inso a mpoweweu anu sala. Hangano, i larono mompokonsala mia susua, upokonsalao koroimu omuemu, hangano omue anu mompokonsala mia susua, weweu ira anu kanatuu pengkenano.
ka ueno ata atuu ta hawe a oleo anu nahi koo-kooo, ka a tempo anu nahi to'orio, ka ta mepateo ka iweweuo mengkena kana teweweudo mia anu nahi dompetenunu.
Sumangki Ira i Yesu, ”Nahina maupo hapa pabawamiu ndi Ongkue, tewala pabawa atuu nahi iwineeako inso i wawono. Onaemo pu'uno: onae anu meweenga-Kune ndi omiu, langkaiopo halano.”
Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku.