I YOHANE 15:2 - Wunta Mempori

² Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio.

I YOHANE 15:2 ပူးပေါင်းရင်းမြစ်များ

Ayubi 17:9

Maupo kanatuu mia mentee kongko a nsalano, ka mia anu nahi poweweu mosa'o tekense moroso.

Po'unde-unde 92:14

ondae anu mempinaho a Raha-Do i Ue ira mentumba a kintala-Do Ue Alato.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

Yesaya 29:19

Mia ntebobarasai ira mpo'unde mbo'u ndi Ondae i Ue, ka mia anu tedoa memongkokolaro ira mengkokora-kora mpo'unde ndi Ondae Anu Tedoa Mempori, Ue Alado to Isaraeli!

Danieli 11:35

Asa ntia inso a mia pande mposongka atuu ira mentenangi, ka hangano kanandio ira me'inara-arahako, pinokomolino, ka pinokomempori hawe a tampulaano wawontolino. Hangano tampulaano wawontolino atuu napi haweako tempo anu pinakosi.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Maleaki 3:3

Ira mentoro kana mia anu mompokolono ka mompokomorina salaka. Ondae mokomorina ira to Lewi, mokomempori ira kana wulaa ka salaka. Ondaemo anu mpompesombaako pesomba ndi Ondae i Ue a laro menteea.

I MATIU 13:12

Hangano isema anu hina, ndi onae ta pinowee, ranta ka imare'e; sine isema anu nahina, maupo hapa anu hina ndi onae ta inala inso ndi onae.

I MATIU 13:33

Ka Dotutuluako ira mbo'u potundaano andio ndi ondae, ”Mongkona Poparentaa Suruga atuu pinotundaako kana ragi anu inalano asa beine ka isaloo a laro ntarigu otolu ponsa'u hawe ka isoopio luwu.”

I MATIU 15:13

Sumangki Ira i Yesu, ”Sompo pinopaho anu nahi Dopahoo Ama-Ku anu i suruga ta binuta saru luwuno hakano.

I MATIU 21:19

Rangku a nsala Dokitao keu ara ka Do'amba lumako tu'ai, sine nahi Dopohawe hapa-hapa a ngkeu atuu sangkadio butu leweno. Dopotaeakono keu atuu, ”Nami komewua mbo'u ranta nahina tampulaano!” Ka i tempo koa mbo'u atuu mokariomo keu ara atuu.

I MATIU 25:29

Hangano sompo mia anu hinao, ndi onae ta pinowee, ranta ka ihadio ntu'u. Sine isema anu nahina, maupo hapamo koa anu hina ndi onae ta inala inso ndi onae.

I MATIU 3:10

Uase tepatindaomo a hakano keu ka sompo keu anu nahi pewua moiko, manasa tinuehi ka tinadi a api.

I MATIU 3:12

Poduku kongkoomo a ngkae-Do. Ira mokomorinao ponsesaa-Do ka pumpuo gandu-Do a laro nsi'e, sine awuno seami atuu Ira tumunuo a laro api anu nahi pinokompepate.”

I MATIU 7:19

Ka sompo keu anu nahi pewuaako wua anu moiko, manasa tinuehi ka pinetadiako a laro api.

I MARAKUSU 4:20

Ka poko'ariano anu rinawo a wita anu moiko, ondaemo mia anu merongeo ka mentotowoo pau-Do i Ue atuu ka i'amba mewua, hinao anu meluka tolu pulu, hinao anu meluka nomo pulu, ka hinao anu meluka asa etu.”

I LUKASI 8:13

Anu tedonta a wita anu melaro watu atuu onaemo mia, anu mansado merongeo pau atuu, mawongko aroado mentarimao, sine ondae atuu nahi pehaka, sarai koa dompe'ala-alao ka a tempo po'ara-arahakoa mpeposuka ira.

I YOHANE 15:1

”Ongkuemo keu anggoro anu mentee ka Ondaemo Ama-Ku anu mekariao.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 15:3

Omiu lano memorina komiumo hangano pau anu Kupauakomiumo.

I YOHANE 15:6

Ba isema nahi po'ia i laro-Ku, onae tinadi i bungkuno kana sampa ka igagi mokari, ka do'amba mepumpuo mia ka ipinetendeako a laro api ka imo'ai.

I YOHANE 15:8

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

I YOHANE 17:12

Tempono Kupe'asaako ira, Kupekaria ira a nee-Miu, onaemo nee-Miu anu Iwee Akumo; Kudagai iramo ka nahina maupo te'asa mia inso ndi ondae anu mate sangkadio onae anu Ipakosiomo ka imate, ka i'inihii koa anu teburi a Wunta Mempori.

ROMA 11:17

Onaemo pu'uno tewala pinuduomo ba te'opia sampano ka omiu kana tumba susua pinotakoomo i olono ka mpohawe mbo'u tia a hakano saitu anu buke uwoino,

ROMA 11:22

Onaemo pu'uno imengkitaomo pe'aroa-Do Ue Ala ka motea-Do, onaemo motea Ira a mia anu mentedonta iramo, sine ndi omiu pe'aroa-Do, onaemo tewala mekongko komiu mpiha a mpe'aroa-Do; tewala naahi, komiu koa me'inonini mbo'u.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

1 KORINTI 13:1

Maupo kupolio mepauako luwuno paudo mia ka paudo mala'eka, sine tewala nahina pompehohawaku, mengkena akumo saru tawa-tawa anu me'uni ka dio-dio anu mangkii.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

1 YOHANE 2:19

Lano ondae mente'inso i oloto, sine komba inso ntu'u i aroado ntewinso ndi ontae; hangano tewala inso ntu'u i aroado ntewinso ndi ontae, asalakono ira koa mperonga-ronga mpiha saru ontae. Sine ka igagi mongkona atuu, ka igagi mengkaa, nine komba luwudo inso ntu'u i aroado ntewinso ndi ontae.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!