I YOHANE 15:18 - Wunta Mempori

¹⁸ ”Tewala i'o'aliaakomiu wawontolino, impewowoloomo nine se'eluomo i'o'aliaa-Kune sekonopo omiu.

I YOHANE 15:18 ပူးပေါင်းရင်းမြစ်များ

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

Powadi 29:27

Mia mentee mokoburuakono mia benge-benge; mia mosa'o gauno mokoburuakono anu moleo pesalaano.

Yesaya 49:7

Kanandiomo pau-Do i Ue, Anu Tedoa Mempori, Pontolosido to Isaraeli, ndi onae anu tedoa domentatao mia, ndi onae anu gagi mokoburudo tongku, a atado anu mempabawa, ”Luwuno mokole ira mengkitao wineweu-Ku, ka do'amba mpentade mpelangkaio, ka luwuno anu langkai potorono ira mpenggolontu mpesomba, hangano Ondae i Ue anu uminio dandi-Do hangano Anu Tedoa Mempori, Ue Alado to Isaraeli, anu binikiko.”

Yesaya 53:3

Onae tinata ka dome'olaiakono mia, asa mia anu bukeako tebobarasaia ka leleo marasai mompemahaki. Mia mbo'u domentutuwio rupado ba domengkitao; kanatuumo itinata ka ndi ontae nahi tewinso a mporeke.

Yesaya 66:5

Rongeomo pau-Do i Ue, hei omiu anu medoitoakono pau-Do! Ondae pepaekompomiu anu umo'aliaakomiu, ka lumiahako komiu hangano nee-Ku, mpotae iramo, ”Moikoomo Dopopokitao i Ue maramba-Do, ka kimengkitao mawongkomiu!” Sine, tendeano ondaemo anu ira mempinokoko'ii.

Sakaria 11:8

I larono asa wula kuliahakono otolu puu mpopakambi. Ka i'amba nahi kupokompeteao mbo'u aroaku a asa bawaa bembe bimba atuu, ka ondae nte'osa iramo ndi ongkue.

I MATIU 10:22

Ka ira me'o'aliaakomiu luwuno mia hangano nee-Ku; sine mia anu mompedato hawe a pokotompaano ta tekadudui.

I MATIU 24:9

I tempo atuu komiu mempineweengako ka imebinobarasai, ka komiu mempinepate ka ira me'o'aliaakomiu luwuno tongku hangano nee-Ku,

I MATIU 5:11

Meme'ura komiumo, ba hangano Ongkue ka imentinata ka binobarasai ka imempinosebeako luwuno anu mosa'o.

I MARAKUSU 13:13

Ira me'o'aliaakomiu luwuno mia hangano nee-Ku. Sine mia anu mompetea hawe a pokotampulaano onae ta tekadudui.”

I LUKASI 6:22

Meme'ura komiumo, tewala hangano i Ana Manusia ka dome'o'aliaakomiu mia, ka tewala domentadi komiu, ka mentata komiu saru mpokomosa'oo neemiu.

I YOHANE 16:1

”Luwuno andio Kupauakomiu, ka si mengkodei aroa ka nahi mentarima Aku.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

I YOHANE 3:20

Hangano ba isema moweweu mosa'o, i'o'aliaakono mewine ka nahi aiwa a mewine atuu, ka si tengkita luwuno wineweuno anu mosa'o atuu;

I YOHANE 7:7

Wawontolino nahi poko'o'aliaakomiu, sine i'o'aliaa-Kune, hangano mesakosii Aku mongkona onae, nine luwuno inanggano mosa'o.

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

1 YOHANE 3:13

Si mengkohali-hali, pepaekompo luwu-luwu, tewala i'o'aliaakomiu wawontolino.

1 YOHANE 3:3

Sompo mia anu momperorohi atuu ndi Ondae, mepokomempori mengkena kana Ondae anu mempori Ira.