I YOHANE 15:16 - Wunta Mempori

¹⁶ Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 15:16 ပူးပေါင်းရင်းမြစ်များ

Tegagia 18:18

Kombake i Burahima ta gagi tongku anu langkai ka pabawa, ka hangano onae luwuno tongku i tolino ira mpohawe ronso?

Po'unde-unde 145:4

Mapa'api-api inule ta pinelangkai luwuno inangga-Miu ka ira mempaleleo langkaino roso-Miu.

Po'unde-unde 71:18

hawe mbo'u tempono kumota'u ka mopute wuuku, oo Ue Ala, si binta aku, ka kupaleleo moroso-Miu a luwuno inule anu ta hawe, moroso

Powadi 11:30

Wuano mia mentee onaemo keu tuwua, ka isema pande mosongka, mo'ala aroano mia.

Yesaya 27:6

A oleo anu ta hawe, i Yako ta mehaka, Isaraeli ta gagi hadio ka mentumba ka wawontolino ibuketiakono hasilino.

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

I MATIU 21:22

Ka hapamo koa inemamiu a laro mpekakai saru buuke pompe'ala-ala, komiu koa mentarimao.”

I MATIU 7:7

”Impo'emamo, ka komiu mewineeako; Impo'ungkemo, ka komiu mpohawe; impetingko-tingkomo, ka komiu me'inungkahiako tondo.

I LUKASI 6:13

Mansano meene, Dopoboi ira ana guru-Do, ka Do'amba mobiniki inso i olodo hopulu ka orua mia, anu Doneeakono tinena:

I YOHANE 13:18

Komba mongkona omiu luwu Kupepau. Kuto'orio, isema anu Kubinikiomo. Sine asalakono inihii anu teburi a Wunta Mempori andio: Mia anu mongkaa roti-Ku, itandeomo tundono ndi Ongkue.

I YOHANE 15:19

Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino.

I YOHANE 15:5

Ongkuemo keu anggoro ka omiumo luwuno sampano. Ba isema mo'ia i laro-Ku ka Ongkue mo'ia i larono, onae mewua hadio, hangano ba nahi saru Ongkue nahina hapa-hapa pinokoweweumiu.

I YOHANE 6:70

Sumangki Ira i Yesu, ”Kombake Ongkue-Ku anu biniki komiu anu hopulu ka orua andio? Sine asa mia i olomiu onaemo i Mosa'o.”

WINEWEUDO TINENA 1:24

Luwudo mpekakai ka dompotae, ”Oo Ue, Omiumo anu tumo'orio aroano luwuno mia, po'ineeomo ka Itisoakami isema anu bininiki-Miu inso a mia orua andio,

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

WINEWEUDO TINENA 10:41

komba a luwuno tongku, sine a luwuno sakosii, anu se'eluno Dotiso iramo Ue Ala, onaemo omami anu mpongkaa ka mpo'inu merongaako Ira, umari-Do mewangu inso i olodo mia mate.

WINEWEUDO TINENA 22:14

Ka i'amba motae: Dopakosikomo Ue Alado uempu'uto ka uto'orio po'ehe-Do, ka ukitao Anu Mentee ka urongeo suara anu meluarako inso a nganga-Do.

WINEWEUDO TINENA 9:15

Sine pau-Do i Ue ndi onae, ”Lakomo, hangano mia andio onaemo parewa bininiki-Ku ka ipaleleo nee-Ku a luwuno tongku susua saru luwuno mokole ka to Isaraeli.

ROMA 1:13

Pepaekompo, ineheku, ka imento'orio, nine mararuomo kupontoo aku aiwa ndi omiu – sine ranta kanandio-andio wela aku tetombolei – ka kupohawe wua i tonga-tongamiu, kana koa mbo'u i tonga-tongado tongku komba to Yahudi anu susua.

ROMA 1:5

Omami mpohawe pompehohawa inso ndi Ondae ka potoro tinena anu tumaate ira luwu tongku, ka dompompe'ala-ala ka mpetenunu a nee-Do.

ROMA 15:4

Hangano luwuakoano anu binuri i ndi'upua, binuriomo ka igagi pepaguruato, ka tomemoroso mpe'ini a pomperorohia hangano modato aroa ka pontarero inso a Wunta Mempori.

ROMA 9:21

Nde nahina pabawanoke puu mponsuu kuro a wita puluno, ka iweweuo inso a aasa boto anu mengkena aasa parewa ka ipinake a ntinoo anu maramba ka aasa parewa susua anu pinake a ntinoo anu biasa?

1 KORINTI 10:11

Luwuno andio i'alu iramo gagi pandiri ka binuri gagi pompopoto'ori ndi ontae anu mentuwu a mpokotompaano tempo.

GALATIA 1:15

Sine tempono Ondae, anu biniki akumo mompu'u inso a mpe'anakaado ineku ka moboi aku hangano pompehohawa-Do,

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 1:6

anu haweomo ndi omiu. Lele Mawongkoa atuu mewua ka koteti-tetiangino i asa wawontolino, kanatuu koa mbo'u i olomiu mompu'u tempono imerongeo ka mento'orio ntu'u pe'aroa-Do Ue Ala.

1 TIMOTIU 2:7

Hangano ponsakosiimo atuu ka kupinakosi gagi pompalele ka tinena – anu pinauku andio mentee, nahi kupegaupi – ka gagi pompaguru mia anu komba to Yahudi, a pompe'ala-ala ka menteea.

2 TIMOTIU 1:11

Tianomo Lele Mawongkoa andio ka kupinakosimo gagi puu pompalele, gagi tetenaa ka gagi guru.

2 TIMOTIU 2:2

Hapa anu urongeomo inso ndi ongkue i arodo hadio sakosii, pe'ala-alaakonomo atuu a mia anu tekona domempine'ala-ala, anu mempande koa mbo'u mpompaguru mia susua.

TITU 1:5

Kubintakomo i Kereta saru tinoo andio, ka upatindao hapa anu napi umari ka upakosi ira penatua i sompo kota, kana anu ku'oliwiakomu,

IBARANI 11:4

Hangano pompe'ala-ala ipesombaakonomo i Habeli ndi Ondae Ue Ala pesomba anu lalu moiko sekonopo pesombano i Kai. Hangano koa atuu ka ipohawe ponsakosii ndi onae, nine onae mentee, hangano Dopemoikoo Ue Ala pesombano atuu ka hangano pompe'ala-ala onae da mepau, umarino mate.

YAKOBU 3:18

Ka wua anu inso a menteea rinawo a sintuwu tiado mia anu mpompokosintuwu.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,

1 PETURU 3:2

tewala domengkitao, ba kana'umpe memporino ka moleono tuwudo beinedo atuu.

1 YOHANE 4:10

Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

1 YOHANE 4:19

Mpompehohawa kita, hangano Ondae Ue Ala tese'elu mehohawa kita.