I YOHANE 15:14 - Wunta Mempori

¹⁴ Omiumo sambe'e-Ku, tewala imeweweuo hapa anu Kuparentaakomiu.

I YOHANE 15:14 ပူးပေါင်းရင်းမြစ်များ

1 Mokole 4:5

I Asaria anano i Nata kumitao inanggado luwuno petewawa, i Sabudi anano i Nata, asa mia sando mpesomba sambe'edo mokole.

2 Mokole 18:6

Onae me'ini moroso ndi Ondae i Ue. Onae nahi pebungkui Ira i Ue, tendeano me'ini a luwuno parenta anu Dopohaweomo ndi Musa.

2 Tawarika 20:7

Komba Omiuke Ue Alamami anu sumaario palilino wita andio inso i arodo bawaa-Miu Isaraeli ka meweengakono a inuleno i Burahima, sambe'e-Miu atuu, ranta nahina tampulaano?

Peluarakoa 7:6

Kanandiomo doweweuo i Musa ka i Haruni kana songka-Do i Ue ndi ondae.

Powadi 18:24

Hinao wali-wali anu mowawa masolaa, sine hinao sambe'e anu rangkuopo sekono asa mia pepaekompo.

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 41:8

Sine omue, hei Isaraeli, tetenaa-Ku, hei Yako anu bininiki-Ku, inuleno i Burahima anu pinehohawa-Ku;

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yehesikieli 12:7

Ka ku'amba weweuo kana anu kupinarentaako. Kuwawao meluarako luwuno parewa tempono meene kana luwuno parewano mia tinadi ka tempono ngkiniwia kuweweuakono kaeku asa bolo a rere watu. A laro wongi-wongi ongkue meluarako ka i arono matado kunaao luwuno parewaku a wawo owea.

I MATIU 12:50

Hangano isema anu weweuo po'ehe-Do Ama-Ku i suruga, onaemo pepaekompo-Ku tama, pepaekompo-Ku beine, ka ine-Ku.”

I LUKASI 12:4

Kupauakomiu, hei luwuno sambe'e-Ku, si medoitoako ira anu polio mompepate koroi ka umarino atuu nahi polio mbo'u moweweu hapa-hapa.

I YOHANE 13:17

Tewala imento'orio luwuno andio, meme'ura komiumo, tewala imeweweuo.

I YOHANE 14:15

”Tewala impehohawa Aku, komiu mentondao luwuno parenta-Ku.

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

I YOHANE 14:28

Imerongeomo, nine Kupauakomiumo: Aku lumako, sine Aku wali hawe ndi omiu. Ba impehohawa Aku, asalakono komiu mpo'unde hangano Aku lumako ndi Ondae Ama-Ku, Hangano langkai Irapo i Ama sekono Ongkue.

I YOHANE 2:5

Sine ine-Do i Yesu motaeako ira anu mpompekakaako, ”Hapa anu imempinauako, imeweweuomo atuu!”

YAKOBU 2:23

Hangano mesala kanandio inihiiomo pauno Wunta Mempori anu motae, ”Ka i'amba mompe'ala-alaomo i Burahima ndi Ondae Ue Ala, ka Ondae Ue Ala mototoiakono mongkona atuu gagi menteea.” Onaemo pu'uno i Burahima ka inineeako, ”Sambe'e-Do Ue Ala.”

1 YOHANE 5:3

Hangano ndiomo pongkekewoi ndi Ondae Ue Ala, onaemo, nine tomentondao luwuno petena-Do. Luwuno petena-Do atuu komba mobea,

Ruti 3:6

Umari atuu lumakoomo a mponsesaa ka iweweuo kana anu i'oliwiakono ponino.