I YOHANE 15:11 - Wunta Mempori

¹¹ Luwuno atuu Kupauakomiu, ka ipo'ia i laromiu po'unde-Ku ka po'undemiu gagi soompo.

I YOHANE 15:11 ပူးပေါင်းရင်းမြစ်များ

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yesaya 62:4

Omue nahi kopinau mbo'u ”beine anu bininta”, ka witamu nahi ta pinau mbo'u ”beine nahi pinerio”, sine omue konineeako ”beine inehe-Ku” ka witamu ”beine hinao tamano”, hangano Ondae i Ue inehe-Do ndi omue, ka witamu ta hinao tamano.

Yeremia 32:41

Hangano ondae ta mawongko aroa-Ku moweweu moiko ndi ondae. Aku weweu ira mentuwu mpetenunu i wita andio, tompaano aroa-Ku ka tompaano sumanga-Ku.

Yeremia 33:9

Kota andio ta gagi nee anu mompokomawongko, inunde-unde ka pinelangkai ndi Ongkue i arono luwudo tongku i tolino anu rumongeomo mongkona luwuno moikoa anu Kuweweuo ndi ondae; ira ntededengke ka mpondidi-ndidi hangano luwuno moikoa ka manangaia anu Kuweweuo ndi ondae.

Sepanya 3:17

Ondae Ue Alamu kongko i tonga-tongamu; Ondaemo pongkiari anu mompowee ponangia. Domawongkoakomu saru buke po'unde. Dopokowo'ohuko a laro pompehohawa-Do, Ondae meboo-booliako pebooli mpo'unde hangano omue,

I LUKASI 15:23

Ka ime'alaomo ana nsapi mewalo atuu, imensumbeleomo ka aiwamo ka tompongkaa ka mpo'unde.

I LUKASI 15:32

Tekona tompo'unde ka memawongko hangano uaimu anu mateomo wali tuwu, umari tetadi ka wali hinawe.”

I LUKASI 15:5

Ka tewala ihaweomo, inaao a wawo oweano saru mawongko,

I LUKASI 15:9

Ka tewala ihaweomo, ipoboi ira sambe'eno ka pehori rahano ka ipotae: Impo'undemo saru ongkue, hangano dirihamiku kuhaweomo.

I YOHANE 16:24

Hawe kanandio-andio napi hina maupo te'asa impo'ema a nee-Ku. Impo'emamo ka komiu mentarimao, ka isompomo po'undemiu.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

I YOHANE 17:13

Sine kanandio-andio, aiwa Aku ndi Omiu ka Kupauo luwuno andio tekonai da Kongko Aku i wawontolino, ka isompomo po'unde-Ku i larodo.

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

2 KORINTI 1:24

Komba hangano kami mpetena hapa anu asalakono impe'ala-alao, nde mpentade komiu moroso a pompe'ala-alamiu. Tendeano, kami mpopokowali mpo'angga tiano mawongkoamiu.

EPESU 5:18

Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

PILIPI 1:25

Ka a laro pompe'ala-ala andio kuto'oriomo: aku mo'ia ka meronga-ronga mbo'u saru omiu luwu ka ikomoro-morosomiu ka memawongko a laro pompe'ala-ala,

1 TESALONIKA 5:16

Imemawongkomo mpiha.

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,

1 YOHANE 1:4

Ka luwuno andio kimeburiakomiu, ka igagi soompo po'undemami.

2 YOHANE 1:12

Maupo hadio anu asalakono kuburiakomiu, nahi kubehe mohaweakono wunta ka tinta, sine momperorohi ongkue isa'a hawe ndi omiu ka mepau tepo'aro saru omiu, ka isompo ntu'u mawongkono aroato.