I YOHANE 14:9 - Wunta Mempori

⁹ Motae Ira i Yesu ndi onae, ”Tehineomo Kuperongaakomiu, Pilipu, sine nahi uto'ori Aku? Ba isema kumita Akumo, ikita Iramo Ondae i Ama; kana'umpe ka upotae: Tisoakamimo Ondae i Ama atuu.

I YOHANE 14:9 ပူးပေါင်းရင်းမြစ်များ

Tegagia 26:9

Ka i'amba i Abimele moboio i Saki ka ipotae, ”Menteeano onae beinemu, kana'umpe ka upotae: Onae pepaekompoku?” Sumangki i Saki ndi onae, ”Hangano kupewowoloo: Ba mansa aku mate hangano onae.”

Po'unde-unde 11:1

Tiano petewawado anu mpenani. Inso ndi Daudi. Ndi Ondae i Ue kupepekadudui, kana'umpe komiu memosia mpotae ndi ongkue, ”Peneemo a ntorukuno kana manu-manu!”

Yeremia 2:23

Nde kana'umpe ka upotae: Nahi kuhori mokoburutio koroiku, nahi kuhori tumonda ira Baala? Kitaomo pelelumu i lembono, to'oriomo hapa anu umari wineweumu: hei unta waino anu melulu-lulu ngkoraane ngkoramai,

I MARAKUSU 9:19

Onaemo Ondae i Yesu ka Dopotaeako ira, ”Hei omiu mia anu nahi mpompe'ala-ala, opiapo mbo'u tehineno Kupo'ia i olomiu? Opiapo mbo'u tehineno asalakono Kusabara ndi omiu? Wawaomo ramai nana'ote atuu!”

I LUKASI 12:56

Hei mia mpo'onde-onde, rupano tolino ka langi imento'orio mpetondonio, tembio ka nahi impokompetondonio tempo andio?

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 10:30

Ongkue ka Ondae i Ama aasa koa.”

I YOHANE 12:45

ka ba isema kumita Aku, ikita Ira anu tumena Aku.

I YOHANE 14:20

I tempomo atuu komiu mento'orio, nine Ongkue i laro-Do Ama-Ku ka omiu i laro-Ku ka Ongkue i laromiu.

I YOHANE 14:7

Tewala imento'ori Aku, manasa imento'ori Ira mbo'u Ama-Ku. Kanandio-andio imento'ori Ira ka imengkita Iramo.”

I YOHANE 8:19

Ka dompotaeako Ira, ”I sua Irake Ama-Miu?” Sumangki Ira i Yesu, ”Moiko Ongkue, maupo Ondae Ama-Ku nahi imento'orio. Bakanaano imento'ori Aku, komiu koa mento'ori Ira mbo'u Ama-Ku.”

1 KORINTI 15:12

Gaagi, tewala kimempaleleo, nine Ondae i Kerisituu winangu inso i olodo mia mate, kana'umpeke ka ihina i olomiu anu motae, nine nahina pewangudo mia mate?

PILIPI 2:6

anu maupo merupa kana Ondae Ue Ala, nahi Dotuduo pengkena-Do saru Ondae Ue Ala atuu gagi tia-Do anu asalakono kinorahako,

KOLOSE 1:15

Ondaemo gambara-Do Ue Ala anu nahi tengkita, anu amba-ambano, lalua Irapo sekono luwuno anu pinokogagi,

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.