I YOHANE 14:6 - Wunta Mempori

⁶ Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 14:6 ပူးပေါင်းရင်းမြစ်များ

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

I YOHANE 1:4

I laro-Do hinao tuwua ka tuwua atuu onaemo mewineno mia.

I YOHANE 10:28

ka Kupoweeako ira tuwua anu nahina tampulaano ka manasa nahi ira memate hawe nahina tampulaano ka maupo te'asa mia nahi ta hina rumontu ira inso a ngkae-Ku.

I YOHANE 10:7

Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo.

I YOHANE 10:9

Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo.

I YOHANE 14:19

Saraimo koa ka nahi ta kumita Aku mbo'u wawontolino, sine omiu imengkita Aku, hangano Ongkue tuwu ka omiu mbo'u komiu mentuwu.

I YOHANE 15:1

”Ongkuemo keu anggoro anu mentee ka Ondaemo Ama-Ku anu mekariao.

I YOHANE 18:37

Onaemo ka ipotaeako Ira i Pilatu, ”Gagi Omiumo mokole?” Sumangki Ira i Yesu, ”Omiu pauo, nine Ongkue mokole. Onaemo ka Kuhina ka onaemo ka Kuhawe i wawontolino andio, ka Kupesakosii mongkona menteea; sompo mia anu inso a menteea merorongeakono pau-Ku.”

I YOHANE 5:21

Hangano mengkena kana Ondae i Ama wangu ira mia mate ka motuwu ira, kanatuu koa mbo'u Ondae i Ana motuwuo ba isema anu inehe-Do.

I YOHANE 6:33

Hangano roti anu inso ndi Ondae Ue Ala onaemo roti anu metii inso i suruga ka anu moweeakono tuwua wawontolino.”

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

I YOHANE 6:57

Mengkena kana Ondae i Ama anu tuwu tumena Aku ka Kutuwu hangano Ondae i Ama, kanatuu koa mbo'u ba isema mongkaa koroi-Ku, ta tuwu hangano Ongkue.

I YOHANE 6:68

Isangki Ira i Simo Peturu, ”Ue, ndi semake kami melako? Pau-Miu onaemo pau tuwua anu nahina tampulaano;

I YOHANE 8:32

ka komiu mento'orio menteea, ka menteea atuu ta mokomaradeka komiu.”

I YOHANE 8:51

Kupauakomiu: Menteeano ba isema tumondao Pau-Ku, nahi ta membasaio matea hawe nahina tampulaano.”

WINEWEUDO TINENA 3:15

Kanandiomo Ondae, Petewawa a ntuwua, impepate Iramo, sine Dowangu Iramo Ue Ala inso i olodo mia mate; ka mongkona luwuno atuu omamimo sakosii.

WINEWEUDO TINENA 4:12

Ka nahina tekaduduia maupo ndi sema sangkadio ndi Ondae, hangano i totono langi andio nahina nee susua anu wineeako a mia anu mokongkadudui kita.”

WINEWEUDO TINENA 9:2

ka ipo'ema wunta parenta inso ndi onae ta wawao a luwuno majelisi to Yahudi i Damasi, ka irako ira ka wawa ira i Yerusale, tewala hinao hinaweno tama ke beine anu mpontonda sala-Do i Ue.

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

ROMA 5:21

ka ipengkena kana pabawano hala a laro matea, kanatuu pompehohawa ta pabawa hangano menteea a ntuwua anu nahina tampulaano, hangano Ondae i Yesu Kerisituu, Ueto.

1 KORINTI 15:45

Kana hinao teburi, ”Mia amba-ambano, i Adama pinokogagi hinao penaano anu tuwu,” sine i Adama anu pokotompa gagi penaa anu mompotuwu.

EPESU 2:18

Nde hangano Ondae ontae anu orua ntia a laro aasa Penaa mpohawe pesalaa mewinso ndi Ondae i Ama.

KOLOSE 2:17

luwuno andio butu eo-eono hapa anu asalakono ta hawe, sine tadeno Ondaemo i Kerisituu.

KOLOSE 2:9

Hangano i laro-Domo ipo'ia montonda koroi luwuno bukeano pe'Ue Alaa,

KOLOSE 3:4

Tewala Ondae i Kerisituu, anu onaemo tuwuto, mepokomengkaa Ira te'upua, komiu koa mbo'u mpepokomengkaa meronga saru Ondae a marambaa.

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

IBARANI 9:8

Saru andio Dopokomengkaao Penaa Mempori, nine sala lumako a mpo'ianga anu mempori atuu napi te'ungkahi, tewala kema anu amba-ambano atuu da kongkoo.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 2:4

Ka ime'aiwamo ndi Ondae, watu anu tuwu atuu, anu lano domentadio mia, sine anu bininiki ka pinelangkai i aro-Do Ue Ala.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 1:8

Tewala mpotae kita, nine nahi tontehala, ka tomempopo'oo koroito ontaeto ka menteea nahina i laroto.

1 YOHANE 2:23

Hangano ba isema humapu Ira i Ana, onae mbo'u nahi pe'umbu Ira i Ama. Ba isema umakui Ira Ana, ipe'umbu Ira mbo'u i Ama.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

1 YOHANE 5:6

Ondaemo andio anu haweako uwoi ka rea, onaemo Ondae i Yesu Kerisituu, komba butu saru uwoi, sine saru uwoi ka saru rea. Ka Penaa anu mompowee ponsakosii, hangano Penaa Ondaemo menteea.

2 YOHANE 1:9

Sompo mia anu nahi po'ia a laro pompaguru-Do i Kerisituu, sine anu meluarako inso i tu'ai, nahi pe'umbu Ira Ue Ala. Ba isema mo'ia a laro pompaguru atuu, ipe'umbu Ira Ondae i Ama maupo Ondae i Ana.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala:

MENGKAAA 3:7

”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.