I YOHANE 14:2 - Wunta Mempori

² I raha-Do Ama-Ku hadio po'ianga. Tewala komba kantuu, asalakono Kupauakomiu. Hangano Kulako i tu'ai mompatindaakomiu po'ianga.

I YOHANE 14:2 ပူးပေါင်းရင်းမြစ်များ

I LUKASI 14:22

Ka i'amba ata atuu pauakono ueno: Ue, hapa anu iparentaakune kuweweuomo, sine maupo kanatuu da hinao po'ianga.

I YOHANE 13:33

Hei luwumiu ana-Ku, saraimo koa Kukongko meronga omiu. Komiu me'ungke Aku, ka kana anu Kupauako iramo to Yahudi: A mpo'ianga lakoa-Ku, nahi komiu mpokohawe, kanatuu koa mbo'u Kupauakomiu kanandio-andio.

I YOHANE 13:36

I Simo Peturu motaeako Ira i Yesu, ”Ue, isuake ba Ilako?” Sumangki Ira i Yesu, ”A mpo'ianga lakoa-Ku, nahi komokotonda Aku kanandio-andio, sine te'ipua kokoa tumonda Aku.”

I YOHANE 14:28

Imerongeomo, nine Kupauakomiumo: Aku lumako, sine Aku wali hawe ndi omiu. Ba impehohawa Aku, asalakono komiu mpo'unde hangano Aku lumako ndi Ondae Ama-Ku, Hangano langkai Irapo i Ama sekono Ongkue.

I YOHANE 17:24

Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

WINEWEUDO TINENA 9:16

Ongkue-Ku tumisoakono, hadio ntu'u marasaia anu asalakono ipembasaio hangano nee-Ku.”

2 KORINTI 5:1

Hangano kimento'orio, nine tewala rinongka kema po'iangato i tolino andio, Dopatindaomo Ue Ala aasa po'iangato i suruga, aasa po'ianga anu nahina tampulaano, anu komba wineweuno kaeno mia.

1 TESALONIKA 5:9

Hangano komba Dopakosio Ue Ala ka i'alu kita pontekudaako, sine ka tompohawe tekaduduia hangano Ondae i Yesu Kerisituu, Ueto,

TITU 1:2

ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,

IBARANI 11:10

Hangano isisikorio kota anu hinao empehino, anu sinongka ka winangu-Do Ue Ala.

IBARANI 13:14

Hangano i ndi'ai nahina ta po'iangato mpiha; tome'ungkeo kota anu ta hawe.

IBARANI 6:20

i tu'aimo Dopewinso i Yesu gagi Pese'eluto, tempono Dogagi Sando Mpesomba Langkai ranta nahina tampulaano, montonda atorano i Melekisede.

IBARANI 9:8

Saru andio Dopokomengkaao Penaa Mempori, nine sala lumako a mpo'ianga anu mempori atuu napi te'ungkahi, tewala kema anu amba-ambano atuu da kongkoo.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.