I YOHANE 14:12 - Wunta Mempori

¹² Kupauakomiu: Menteeano ba isema me'ala-ala Aku, onae ta weweuo mbo'u luwuno anggaa anu wineweu-Ku, tendeano anggaa anu langkaiopo sekono atuu. Hangano Aku lumako ndi Ondae i Ama;

I YOHANE 14:12 ပူးပေါင်းရင်းမြစ်များ

I MATIU 21:21

Dosangki ira i Yesu, ”Kupauakomiu, menteeano tewala mpompe'ala-ala komiu ka nahi menanta-nanta, komba butu komiu mpokoweweuo hapa anu wineweu-Ku a ngkeu ara atuu, sine mbo'u tewala impotaeakono torukuno andio: Pelimbamo ka utetadiako a laro ntahi! Anu kanatuu ta gagi.

I MARAKUSU 11:13

Ka inso olai Dokitao keu ara anu meleweomo. Dorangkuhio Ira kumitao ba mansa mohawe Ira hapa-hapa a ngkeu atuu. Sine tempono Dohawe i tu'ai, nahi Dopohawe hapa-hapa sangkadio butu leweno, hangano komba tempo pewuaano ara.

I MARAKUSU 16:17

Luwuno petondoni andio ta kumongkomi ira mia anu mpompe'ala-ala: ira mponsaari onitu nsa'o a nee-Ku, ira mpepau a luwuno pau anu nahi dohori mpepauako,

I YOHANE 14:28

Imerongeomo, nine Kupauakomiumo: Aku lumako, sine Aku wali hawe ndi omiu. Ba impehohawa Aku, asalakono komiu mpo'unde hangano Aku lumako ndi Ondae Ama-Ku, Hangano langkai Irapo i Ama sekono Ongkue.

I YOHANE 16:7

Sine mentee anu Kupauakomiu andio: Mentuduopo ndi omiu, ba Kulako. Hangano tewala nahi Kulako, Pontarero atuu nahi Ira hawe ndi omiu, sine tewala lumako Aku, Aku tumena Ira ndi omiu.

I YOHANE 4:37

Hangano mongkona anu kanandio menteeomo pompotundaa pau: Anu asa mia morawo ka anu susua sumowi.

I YOHANE 5:20

Hangano Ama mompehohawa Ana ka luwuakoano anu inangga-Do Ondae-Do Dotisoako Ira, tendeano Ira tumisoako Ira luwuno anggaa anu langkaiopo mbo'u sekono luwuno anggaa atuu, ranta ka imengkohali-hali.

I YOHANE 7:33

Motae Iramo i Yesu, ”Saraimo koa Kupo'ia meronga omiu ka umarino atuu Aku lumako ndi Ondae anu tumena Akumo.

I YOHANE 7:39

Anu tinoo-Do onaemo Penaa anu ira mentarimao anu mpompe'ala-ala ndi Ondae; hangano Penaa atuu napi hawe, hangano Ondae i Yesu napi Dopinokomaramba.

WINEWEUDO TINENA 10:46

hangano domeronge ira mia atuudo mpepauako pau-Do penaa ka me'unde-unde Ira Ue Ala. Ka i'amba motae i Peturu,

WINEWEUDO TINENA 16:18

Kanatuumo wineweuno ba opia oleo. Sine mansano nahi pokompeteao mbo'u i Paulu ponsosanggoli atuu, mewolili ka ipotaeakono onitu nsa'o atuu, ”A nee-Do i Yesu Kerisituu kutenako ka upeluarako inso a beine andio.” I tempo koa mbo'u atuu meluarakoomo onitu nsa'o atuu.

WINEWEUDO TINENA 19:12

tendeano mia mpowawa lenso ke sawu anu horio ipakeo i Paulu ka domenaao a wawodo mia memahaki, ka moliuomo hakido ka mpeluarako iramo onitu nsa'o.

WINEWEUDO TINENA 2:33

Ka umari-Do tinandeako kae ngkoana-Do Ue Ala ka montarima Penaa Mempori anu dinandi atuu, ka Dopotiio hapa anu kinitamiu ka rinongemiu i ndi'ai.

WINEWEUDO TINENA 2:41

Mia anu mentarimao pinauno atuu mpepebaho ka a oleo atuu porokodo tetiangi bara'ura tolu nsowu mia.

WINEWEUDO TINENA 4:16

ka dompotae, ”Kana'umpeke kita mbio ira mia andio? Hangano mengkaaomo a luwuno palilino i Yerusale, nine mompokohina iramo anu tedoa kinohali-haliako ka nahi kita mpokohapuo.

WINEWEUDO TINENA 4:33

Ka saru pabawa anu langkai luwuno tinena mpesakosii mongkona pewangu-Do Ue Yesu ka luwudo mentuwu a laro mare'eno pompehohawa.

WINEWEUDO TINENA 4:4

Sine i olodo mia anu merongeo pompaguru atuu hadio anu gagi mpompe'ala-ala, ranta porokodo bara'ura gagi lima nsowu mia tama.

WINEWEUDO TINENA 5:15

maupo mia memahaki mewinawa mpeluarako, a sala langkai, ka mpombole ira a wawo poturi-turia ka ompeodo, nde ba telalo i Peturu, maupo butu eo-eono ka ikonao asa mia inso ndi ondae.

WINEWEUDO TINENA 6:7

Kotepale-paleleno pau-Do Ue Ala, ka koteti-tetiangino hadiodo ana guru i Yerusale; hadio mbo'u sando mpesomba anu mpetonda mpompe'ala-ala.

WINEWEUDO TINENA 8:7

Hangano hadio mia anu pinewinsokino onitu nsa'o mpeluarako onitu nsa'o atuu saru mpebooli meroku, ka hadio koa mbo'u mia puungku ka mia tiimpa karu anu pinokotompa.

WINEWEUDO TINENA 9:34

Motae i Peturu ndi onae, ”Eneasi, Ondae i Yesu Kerisituu mokotompako; pewangumo ka pakaleomo poturiamu!” I tempo koa mbo'u atuu mewanguomo mia atuu.

WINEWEUDO TINENA 9:40

Sine itena ira luwu i Peturu ka dompeluarako, ka i'amba menggolontu ka ipekakai. Ka i'amba mewolili a wata ngkoroi atuu ka ipotae, ”Tabita, pewangumo!” Ka i'amba i Tabita memata ka mansano kumitao i Peturu, mewanguomo ka ipentoro.

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.