I YOHANE 13:8 - Wunta Mempori

⁸ Motae i Peturu ndi Ondae, ”Nahi Komiu wo'ohiakune karuku hawe nahina tampulaano.” Sumangki Ira i Yesu, ”Tewala nahi Kuwo'ohiko, nahi komohawe tia ndi Ongkue.”

I YOHANE 13:8 ပူးပေါင်းရင်းမြစ်များ

Tegagia 42:38

Sine sangkino, ”Anaku atuu nahi ta lumako merongaakomiu, hangano pepaekompono mateomo ka butumo koa onae anu mo'ia. Tewala masolaa umaluo a nsala anu tinondamiu, komiu meweweuo wuu me'uwa andio metii a mpo'iangado mia mate a laro masusaa.”

2 Samueli 20:1

I ra'ai hinao asa mia lambaha, meneeako i Seba anano i Bikiri, to Benami. Ipuurio tawuwua ka ipotae, ”Nahi tompohawe tia a poparentaano i Daudi. Nahi tompohawe tia pusaka a inuleno i Isai. Singge mia lumako a ngkemano, hei to Isaraeli!”

1 Mokole 12:16

Mansado mengkitao luwuno to Isaraeli nine nahi perorongeako ira mokole, mesangki ira palili ndi mokole, ”Hapa kita mpohawe ndi Daudi? Nahina tia pusakato ndi anano i Isai atuu! Imelako a ngkemamiu, hei to Isaraeli! Kanandio-andio orusuomo omuemu rahamu, hei Daudi!” Onae ka domelakomo to Isaraeli a ngkemado.

Po'unde-unde 51:2

tempono Nabi Nata aiwa ndi onae umarino mewowaliakono i Batiseba.

Po'unde-unde 51:7

Menteeano, a laro sala mpoweweu kupine'anaako, a laro hala domentiaakune ineku.

Yesaya 4:4

Tewala Dopokomorinaomo i Ue mokoburuno ana beine Sioni ka pahihio luwuno itino rea i Yerusale inso i tonga-tongano saru roso moleoa ka pompokomorina,

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

I MATIU 16:22

Sine i Peturu dumii Ira i Yesu i horino ka ikuahako Ira, ipotae, ”Ue, po'ineeomo ka Dopoko'olaio Ue Ala mongkona atuu! Anu kanatuu naahi ntu'u ta umalu Komiu.”

I MATIU 21:29

Sumangki anano atuu: Moiko, ama. Sine nahi lako.

I MATIU 26:33

Sumangki i Peturu, ”Maupo luwudo telelu pompe'ala-alado hangano Omiu, ongkue naahi ntu'u.”

I MATIU 26:35

Motae i Peturu ndi Ondae, ”Maupo kumate merongaa-Komiu, nahi aku humapu Komiu.” Luwuno ana guru mbo'u anu susua mpotae mbo'u kanatuu.

I YOHANE 13:6

Ka hawe Iramo ndi Simo Peturu. Motae i Peturu ndi Ondae, ”Ue, Komiu wo'ohiakune karuku?”

I YOHANE 13:9

Motae i Simo Peturu ndi Ondae, ”Ue, si butu karuku, sine kaeku mbo'u ka uluku!”

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

WINEWEUDO TINENA 22:16

Ka kanandio-andio, tembio ka da unanta-nanta? Pentademo ka pepebahomo ka luwuno halamu pinokomempori ka upebooli a nee-Do i Ue!

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

Winali 12:12

Asalakono imemawongko i aro-Do i Ue, Ue Alamiu, omiu saru anamiu tama ka beine, atamiu tama ka beine ka to Lewi i kotamiu, hangano to Lewi nahi dompohawe tia pusaka meronga saru omiu.

KOLOSE 2:18

Si mpo'ineeo ponangimiu nahi pokogagio mia anu mo'onde-onde me'urumako ka mesomba a mala'eka, saru me'ini moroso a luwuno pongkita ka nahina pu'uno ka ipompelangka-langkaiako pinewowolono ntolino,

KOLOSE 2:23

Luwuno atora andio, maupo tengkita buke ponto'ori a mpesomba wineweudo ondaedo, kana mpe'urumako, mebobarasaio koroi, nahina tuduno butu motendeo tuwu ntolino.

TITU 3:5

i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,

IBARANI 10:22

Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 7:14

Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.