I YOHANE 13:34 - Wunta Mempori

³⁴ Kupoweeakomiu parenta wo'ohu, onaemo ka imambe pehohawa; mengkena kana Kupehohawa komiumo kanatuu koa mbo'u imambe pehohawa.

I YOHANE 13:34 ပူးပေါင်းရင်းမြစ်များ

Po'unde-unde 119:63

Gagi aku wali-walido luwuno mia anu doitoa-Komiu, ka mia anu me'ini a luwuno parenta-Miu.

Po'unde-unde 16:3

Luwuno mia mempori anu kongko i wita andio, ondaemo mia mempinelangkai anu wela gagi ku'ineheakono.

Imama 19:18

Siimo potuntu pobalasi, ka siimo ponaa-naa aroa a luwuno mia pe'asa tongkumu, tendeano pehohawaomo pe'asa miamu kana koroimu. Ongkuemo Ue.

Imama 19:34

Mia hawe anu mo'ia ndi omiu asalakono imentuduo mengkena kana to Isaraeli ntu'u i olomiu. Impehohawaomo kana koroimiu, hangano i ndi'ipua omiu mbo'u mia hawe i wita Masiri; Ongkuemo Ue, Ue Alamiu.

I MATIU 5:44

Sine Kupauakomiu: Pehohawa iramo iwalimiu ka pekakaiako ira anu bobarasai komiu.

I YOHANE 15:17

Ndiomo parenta-Ku ndi omiu: Imambe pehohawa.”

I YOHANE 17:21

ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

ROMA 12:10

Asalakono ka imambe pehohawa kana pepaekompo ka mambepese'elungi a mpompelangkai.

ROMA 13:10

Pompehohawa nahi poweweu mosa'o a mpe'asa miano, hangano atuu pompehohawa onaemo ihiino songka Taura.

ROMA 13:8

Si mpepasua hapa-hapa maupo ndi semamo koa, sine asalakono ka imambepehohawa. Hangano ba isema mehohawao pe'asa miano, i'ihiiomo songka Taura.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

GALATIA 6:10

Onaemo pu'uno, tekonai da hinao tempoto, aiwamo ka tompoweweu moiko a luwuno mia, sine tamoako lahi a wali-walito pe'asa pompe'ala-ala.

GALATIA 6:2

Imemambetulungimo tumembio tinembimiu! Kanandiomo ime'ihiio songka-Do i Kerisituu.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

KOLOSE 1:4

hangano kimerongeomo mongkona pompe'ala-alamiu ndi Ondae i Yesu Kerisituu ka mongkona pompehohawamiu a luwuno mia mempori,

1 TESALONIKA 3:12

Ka po'ineeomo Ondae i Ue ka dopokogagi komiu koteti-tetiangi ka memare'e a laro mambe pehohawa ka a luwuno mia, mengkena koa mbo'u kana omami mpehohawa komiu.

2 TESALONIKA 1:3

Omami asalakono pontarimakasi mpiha ndi Ondae Ue Ala hangano omiu, pepaekompoku luwu-luwu. Ka lano tekona ka ikanandio, hangano pompe'ala-alamiu koteti-tetiangino ka mambe pehohawamiu komoro-morosono i olomiu,

IBARANI 13:1

Pompehohawa pepe'etua ka ikongko koa mpiha!

YAKOBU 2:8

Sine, tewala impeleluakono songka anu lalu i wawono anu teburi a Wunta Mempori, ”Pehohawaomo pe'asa miamu kana koroimu,” moiko wineweumiu.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

2 PETURU 1:7

ka a moleoa pompehohawa a luwuno pepaekompo, ka a pompehohawa a luwuno pepaekompo pompehohawa a luwuno mia.

1 YOHANE 3:11

Hangano ndio lele anu imerongeomo inso a pompu'uano, onaemo nine asalakono ka tomemambe pehohawa;

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.

1 YOHANE 4:21

Ka parenta andio tomentarimao inso ndi Ondae: Ba isema kumekewoi Ira Ue Ala, asalakono ka ipehohawao koa mbo'u pepaekompono.

2 YOHANE 1:5

Ka kanandio-andio ku'emao ndi omiu, Ine – komba kupoburiakomiu kana parenta wo'ohu, sine montonda parenta anu hinaomo ndi ontae inso pompu'uano – ka tomemambe pehohawa.