I YOHANE 13:3 - Wunta Mempori

³ Doto'orio i Yesu, nine luwuakoano Dopeweengakonomo Ama-Do ndi Ondae ka nine Dohawe inso ndi Ondae Ue Ala ka mekule ndi Ondae Ue Ala.

I YOHANE 13:3 ပူးပေါင်းရင်းမြစ်များ

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 13:1

Tempo atuu napi pinu'u oleo langkai Pasa, Doto'oriomo i Yesu, nine haweakoomo tempo-Do melimba inso i wawontolino andio ndi Ondae i Ama. Mengkena kana Dowela mehohawa ira ana guru-Do kanandiomo kanandio-andio Dopehohawa ira hawe a mpoko'ariano.

I YOHANE 17:2

Mengkena kana Ipoweeako Iramo pabawa a luwuno anu tuwu, kanatuu koa mbo'u Ira moweeako ira tuwua anu nahina tampulaano a luwuno anu Iweeako Iramo.

I YOHANE 3:13

Nahina maupo te'asa mia anu mewuatakoomo i suruga, sangkadio Ondae anu metii Iramo inso i suruga, onaemo i Ana Manusia.

I YOHANE 3:35

Ondae i Ama mehohawao Ana-Do ka Dopeweengakonomo luwuakoano ndi Ondae.

I YOHANE 7:29

Ongkue Kuto'ori Ira, hangano Ongkue hawe inso ndi Ondae ka Ondaemo anu tumena Aku.”

I YOHANE 7:33

Motae Iramo i Yesu, ”Saraimo koa Kupo'ia meronga omiu ka umarino atuu Aku lumako ndi Ondae anu tumena Akumo.

I YOHANE 8:14

Sumangki Ira i Yesu ndi ondae, Dopotae, ”Maupo Kupesakosii mongkona koroi-Ku Ongkue-Ku, sine pensokosii-Ku atuu mentee, hangano Kuto'orio ba i sua insoa-Ku ka Kuto'orio ba i sua Kulako. Sine nahi imento'orio, ba i sua insoa-Ku ka ba i sua Kulako.

I YOHANE 8:42

Motae Ira i Yesu ndi ondae, ”Tewala Ondae Ue Ala Amamiu, komiu koa mpehohawa Aku, hangano Ongkue meluarako ka hawe inso ndi Ondae Ue Ala. Ka hawe-Ku komba po'ehe-Ku Ongkue-Ku, tendeano Ondaemo anu tumena Aku.

WINEWEUDO TINENA 2:36

Gagi luwuno suku Isaraeli asalakono mento'orio manasa, nine Dopokogagi Iramo Ue Ala i Yesu, anu pinasomiu atuu a ngkeu pinotamba, gagi Ue ka i Kerisituu.”

1 KORINTI 15:27

Hangano luwuakoano Donangiomo a ntoto ngkaru-Do. Sine tewala pinau, nine ”luwuakoano ninangiomo,” ka mengkaaomo, nine Ondae-Do isa'a anu numangio luwuakoano a ntoto ngkaru-Do i Kerisituu atuu nahi tewinso i larono.

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.