I YOHANE 12:32 - Wunta Mempori

³² ka Ongkue, tewala tinande Aku inso i tolino, Aku dumii ira luwu mia me'aiwa ndi Ongkue.”

I YOHANE 12:32 ပူးပေါင်းရင်းမြစ်များ

2 Samueli 18:9

Nahi kookooo i Abisalo tepohaweako ira miano i Daudi. I Abisalo atuu mompesawiki bagali. Tempono bagali atuu telalo i totono sampa keu tarabanti langkai anu tepo'ena, tekai uluno a ngkeu tarabanti atuu, ranta ka itendoe i olono langi ka tolino, sine bagali anu pinesawikino melulu mpiha.

Penani Maramba 1:4

Padii akumo i bungkumu, aiwamo topontuturako! Dowawa akumo mokole a laro bolongko mpo'iangado. Kami memaroa mpebooli ka memawongko hangano omue, kami umunde-undeo pompehohawamu laluaopo sekono anggoro! Lano tekona dompehohawako!

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Hosea 11:4

Kudiiako ira koloro pontulungi winutuako pompehohawa. Ndi ondae Ongkue kana mia anu montande pasanga inso a wuku asedo; me'odo Aku moweeako ira kaanga.

Podoaa 21:9

Ka i'amba i Musa moweweu ule mala ka inaao a asa keu pinontade. Tewala asa mia itungkuo ule, sine mengkita a ule mala atuu, manasa ta kongko tuwu.

I YOHANE 1:7

onae hawe gagi sakosii sumakosiio mongkona mewine atuu, ka dogagi mpompe'ala-ala luwu mia hangano onae.

I YOHANE 12:34

Ka do'amba mesangki mia hadio atuu, ”Kimerongeomo inso a songka Taura, nine i Mesia tuwu mpiha ranta nahina tampulaano; nde kana'umpe ka Ipotae, nine i Ana Manusia asalakono tinande? Isemake i Ana Manusia atuu?”

I YOHANE 18:32

Kanandiomo ka i'inihii koa pauDo i Yesu, anu pinau-Do mokomengkaao ba kana'umpe teweweuno ba Domate.

I YOHANE 19:17

Meluarako Ira ka Dopo'ahao keu pinotamba-Do lumako a mpo'ianga anu meneeako Po'iangano Taku ulu, a mpau Ibarani: Gologota.

I YOHANE 3:14

Ka mengkena kana i Musa mompokomantande ule i pada one, kanatuu koa mbo'u i Ana Manusia asalakono Ira pinokomantande,

I YOHANE 6:44

Nahina maupo te'asa mia anu moko'aiwa ndi Ongkue, tewala nahi Dopadiio i Ama anu tumena Aku, ka onae Aku wanguo a pokotampulaano wawontolino.

I YOHANE 8:28

Ka Dopotae i Yesu, ”Tewala impelangkai Iramo i Ana Manusia, ka i'amba mento'orio, nine Ongkuemo andio, ka nine nahi Kupoweweu hapa-hapa inso a ngkoroi-Ku Ongkue-Ku, sine mongkona luwuno pinau-Ku, kana Dopagurua-Kune i Ama.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

1 TIMOTIU 2:6

anu meweengakonomo koroi-Do gagi tolosido luwuno mia: onae atuu ponsakosii a tempo anu pinakosi.

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 2:2

Ka Ondaemo mompokosintuwu a luwuno halato, ka komba butu halato, sine halado mbo'u asa wawontolino.

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.