I YOHANE 11:4 - Wunta Mempori

⁴ Tempono Dorongeo i Yesu lele atuu, Dopotae, ”Haki atuu nahi ta mowawa matea, sine ta mokomengkaao maramba-Do Ue Ala, hangano haki atuu Ana-Do Ue Ala Ira pinokomaramba.”

I YOHANE 11:4 ပူးပေါင်းရင်းမြစ်များ

Peluarakoa 16:7

Ka tempono mo'oru komiu mengkitao maramba-Do i Ue, nde Dorongeomo pewuruki miu ndi Ondae. Nde isemake omami andio, ka impewuruki ndi omami?”

I YOHANE 10:38

sine tewala Kuweweuo ka nahi behe mpe'ala-ala Aku, impe'ala-alaomo luwuno wineweu atuu, ka imento'oriomo ka mpokohawe laroo, nine Ondae i Ama i laro-Ku ka Ongkue i laro-Do i Ama.”

I YOHANE 11:40

Sumangki Ira i Yesu, ”Kombake umariomo Kupauakomu: Tewala upe'ala-alao kokumitao maramba-Do Ue Ala?”

I YOHANE 12:28

Ama, Ipokomarambaomo nee-Miu!” Ka terongeomo suara inso i suruga, ”Kupokomaramba Iramo, ka Aku mokomaramba Ira mbo'u!”

I YOHANE 17:1

Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

I YOHANE 17:10

ka luwuno mia-Ku onaemo mia-Miu ka mia-Miu onaemo mia-Ku, ka pinokomaramba Akumo ndi ondae.

I YOHANE 17:5

Onaemo pu'uno, oo Ama, Ipokomaramba Akumo ndi Omiu saru marambaa anu ndi Ongkue i aro-Miu se'eluno napi hina wawontolino.

I YOHANE 2:11

Mongkona atuu Doweweuo i Yesu i kota Kana i wita Galilea, gagi anu amba-ambano inso a luwuno petondoni-Do ka saru atuu Dopokomengkaaomo maramba-Do, ka dompe'ala-ala Ira ana guru-Do.

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

I YOHANE 8:54

Sumangki Ira i Yesu, ”Tewala Kupelangkaio koroi-Ku Ongkue-Ku, ka pompelangkai-Ku atuu maupo tedei nahina pengkonaano. Ondaemo Ama-Ku anu melangkai Aku, mongkona isema impotae: Ondaemo Ue Alamami,

I YOHANE 9:24

Ka i'amba pohona mbo'u domempoboio mia anu hieno morawu atuu ka dompotaeakono, ”Pauomo menteeano i aro-Do Ue Ala; kimento'orio nine mia atuu mia tehala.”

I YOHANE 9:3

Sumangki Ira i Yesu, ”Komba onae ka komba mbo'u mia mota'uno, sine hangano luwuno anggaa-Do Ue Ala asalakono pinokomengkaa a ngkoroino.

ROMA 11:11

Onaemo ka kupesikeno: Nde ntetidu irake ka asalakono ntebangku? Mentee ntu'u naahi! Sine hangano halado, tekaduduia haweomo a luwuno tongku susua, weweu ira ka domemonsiri.

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 1:20

Hangano anu tedoa kinekewoiku ka pinerorohiku onaemo nine a luwuakoano nahi aku mokoko'ii, tendeano kanakoa mpiha, kanatuu koa mbo'u kanandio-andio, Ondae i Kerisituu mengkaa Dopinokomaramba a ngkoroiku, moiko tuwuku maupo mateku.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

1 PETURU 4:14

Meme'ura komiumo, tewala mentinata komiu hangano nee-Do i Kerisituu, hangano Penaa marambaa, onaemo Penaa-Do Ue Ala kongko ndi omiu.