I YOHANE 11:25 - Wunta Mempori

²⁵ Sumangki Ira i Yesu, ”Ongkuemo pewangua ka tuwua; ba isema me'ala-ala Aku, onae ta tuwu maupo mateomo,

I YOHANE 11:25 ပူးပေါင်းရင်းမြစ်များ

Po'unde-unde 36:9

Dompokomowohiakono taba koroido a raha-Miu; Omiu moweeako ira mpo'inu inso a ngkorono sanaa-Miu.

Yesaya 26:19

Oo, Ue, mia-Miu anu memate ira mentuwu mbo'u, wata ngkoroido ta mewangu mbo'u. Hei mia anu mengkinaburu iramo a laro wita impewangumo ka imengkokora-koramo! Hangano tontoru-Do i Ue onaemo tontoru mewine, ka tolino ta wali me'anaako onitu,

Yesaya 38:16

Oo Ue, hangano ndiomo aroaku merorohi Komiu; pokorodoomo aroaku, pokomadoo aku, po'ineeomo ka kukongko tuwu!

I LUKASI 23:43

Motae Ira i Yesu ndi onae, ”Kupauakomu, menteeano oleo koa mbo'u andio omue kohawe meronga saru Ongkue i Paradesi.”

I YOHANE 1:4

I laro-Do hinao tuwua ka tuwua atuu onaemo mewineno mia.

I YOHANE 14:19

Saraimo koa ka nahi ta kumita Aku mbo'u wawontolino, sine omiu imengkita Aku, hangano Ongkue tuwu ka omiu mbo'u komiu mentuwu.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 3:36

Ba isema me'ala-ala Ira Ana, onae mohawe tuwua anu nahina tampulaano, sine ba isema nahi petenunui Ira Ana, onae nahi ta kumitao tuwua, tendeano pontekudaako-Do Ue Ala kongko mpiha ndi onae.”

I YOHANE 5:21

Hangano mengkena kana Ondae i Ama wangu ira mia mate ka motuwu ira, kanatuu koa mbo'u Ondae i Ana motuwuo ba isema anu inehe-Do.

I YOHANE 5:26

Hangano mengkena kana Ondae i Ama hinao tuwua a ngkoroi-Do Ondae-Do, kanandio koa mbo'u Doweeako Ira Ana ka ihina tuwua a ngkoroi-Do Ondae-Do.

I YOHANE 6:35

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

I YOHANE 6:44

Nahina maupo te'asa mia anu moko'aiwa ndi Ongkue, tewala nahi Dopadiio i Ama anu tumena Aku, ka onae Aku wanguo a pokotampulaano wawontolino.

WINEWEUDO TINENA 3:15

Kanandiomo Ondae, Petewawa a ntuwua, impepate Iramo, sine Dowangu Iramo Ue Ala inso i olodo mia mate; ka mongkona luwuno atuu omamimo sakosii.

ROMA 4:17

kana hinao teburi, ”Omue Kupakosikomo gagi amado hadio tongku” – i aro-Do Ue Ala anu pine'ala-alano onaemo Ondae Ue Ala anu mompotuwu mia mate ka anu mokogagiakono pau-Do hapa anu nahina gagi hinao.

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

1 KORINTI 15:18

Kanandiomo memasola ira koa mbo'u anu memate mpompe'ala-ala ndi Ondae i Kerisituu.

1 KORINTI 15:29

Tewala komba kanandio, hapake tuduno wineweudo mia anu mebinaho tiado mia memate? Tewala mia mate nahi ta winangu, tembio ka domebehe mebinaho tiado mia anu memate iramo?

2 KORINTI 4:14

Hangano kimento'orio, nine Ondae, anu wangu Iramo Ue Yesu, Ira koa mbo'u wangu kami meronga saru Ondae i Yesu. Ka Ira wawa kami mpe'aro ndi Ondae meronga saru omiu.

PILIPI 1:23

Pinakada aku inso a orua rupa: ineheku lumako ka kupo'ia meronga saru Ondae i Kerisituu – atuu lano laluaopo moiko;

PILIPI 3:10

Po'eheno aroaku onaemo ka kuto'ori Ira ka pabawano pewangu-Do ka tepo'asaa a nteweweu nsa'o-Do, ka kugagi mengkenaako Ira a matea-Do,

1 TESALONIKA 4:14

Hangano tewala tompe'ala-alao, nine Ondae i Yesu mate Iramo ka mewangu Iramo, ka tompe'ala-alao koa mbo'u nine ondae anu memate iramo ndi Ondae i Yesu Ira pumpu ira Ue Ala meronga saru Ondae.

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.

MENGKAAA 20:5

Sine mia memate anu mehano nahi dompewangu se'eluno napi tampula tempo anu asa nsowu ta'u atuu. Onaemo andio pewangua amba-ambano.

MENGKAAA 21:4

Ka Ira pahihio luwuno uwoi mata inso a matado, ka matea nahi ta hina mbo'u; nahi ta hina mbo'u po'inomboa, ke ponsabangi, ke pompemasusa, hangano luwuakoano anu tehine atuu telaloomo.”

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!