I YOHANE 11:19 - Wunta Mempori

¹⁹ I tu'ai hadio iramo to Yahudi mehawe tumarero ira i Marita ka i Maria hangano mateno pepaekompodo.

I YOHANE 11:19 ပူးပေါင်းရင်းမြစ်များ

Tegagia 37:35

Luwuno anano tama ka beine mpopete'umala mentareroo, sine nahi behe tinarero. Ipotae, ”Naahi! Aku mompemasusa ranta ka kupetii tepohaweakono anaku a mpo'iangado mia mate!” Kanandiomo amano mengeseio i Yusupu.

2 Samueli 10:2

Ka i'amba motaeomo i Daudi, ”Aku mopokitao petenunuku ndi Hanuni anano i Nahasi, kana dopopokitaomo amano petenununo ndi ongkue.” Onaemo ka i Daudi mo'oliwi pau pompemasusa ndi onae molalo luwuno pegawaino hangano mateno amano. Sine mansado mehawe pegawaino i Daudi a witado inuleno i Amoni,

1 Tawarika 10:12

melako iramo luwuno mia moroso ntu'u me'alao wata ngkoroino i Saulu ka wata ngkoroido luwuno anano. Domewawao i Yabesi ka mengkaburuo luwuno wukudo i totono keu tarabanti, i Yabesi. Umarino atuu mempuasa ira i larono opitu oleo.

Ayubi 2:11

Otolu ira sambe'eno i Ayubi merongeo mongkona luwuno urasa'o anu umaluo, ka do'amba me'aiwa singe mia inso a mpo'iangado. Ondae onaemo i Elipasi, to Temani, ka i Bilidadi, to Suahi, saru i Sopari, to Na'ama. Ondae ntepo'asa ira a masusano ka mentareroo.

Ayubi 42:11

Ka i'amba luwuno pepaekompono tama ka beine saru luwuno tepoto'orino i ndi'ipua me'aiwa ndi onae ka mpongkaa meronga saru onae i rahano. Mpetonda ira mpompemasusa ka mentareroo hangano luwuno urasa'o anu Dopokonaakono i Ue ndi onae. Ondae singge mpoweeakono doi asa kesita ka asa sinsi wulaa.

Puu Pontutulu 7:2

Lumako a raha matea moikoopo sekono lumako a mpogawea, hangano a raha matea pokotampulaano sompo mia; asalakono mia anu tuwu mekokoongakono.

Yesaya 51:19

Orua urasa'o andio i'alukomo, – isemake anu ta mompemasusa saru omue? – matea maupo tekale-kalea, mokoninggoa maupo ponai. Isemake anu ta tumareroko?

Ponsabangi 1:16

Onaemo ka kupengese, mataku mompowaa uwoi; hangano olai pontarero inso ndi ongkue anu mompokomadoo sumangaku; ntededengke iramo anaku, hangano iwaliku tedoa moroso.”

Ponsabangi 1:2

Ia wongi onae sensedu mengese, uwoi matano tewaa a kombisi; inso a luwuno pinehohawano, nahina maupo te'asa mia anu tumareroo. Luwuno walino nahi dompetenunu, ondae megagi iwalino.

Ponsabangi 1:21

Ondae merongeo tedoa pompemasusaku, sine nahina tumarero aku; domerongeo iwaliku mongkona masolaaku, ka ondae mpo'unde hangano ndi Omiu insoano! Po'ineeomo ka ihawe oleo anu Ipakosiomo atuu, ka po'ineeomo ka domegagi kana ongkue!

Ponsabangi 1:9

Mokoburuno metako a tompa sawuno; nahi ipewowoloo poko'ariano, tedoa ondalo itedonta, nahina mia tumareroo. ”Oo, Ue, kitaomo tebobarasaiku, hangano iwaliku mompelangka-langkai!”

Ponsabangi 2:13

Hapa anu aku mokomengkaao ndi omue, saru hapa anu aku mokomengkenaakomu, hei ana beine Yerusale? Saru hapa aku mokompongkenaakomu ka utinarero, oo ana beine, ana beine Sioni? Hangano malua kana tahi terawo-rawomu; isema ta momuleko?

I LUKASI 10:39

Beine atuu hinao pepaekompono asa mia anu meneeako i Maria. I Maria andio mentoro umpeda a ngkaru-Do i Ue ka merorongeakono mpiha pinau-Do,

I LUKASI 10:42

Sine butu aasa anu kinere: I Maria mo'alomo tiano anu lalu moiko, anu nahi ta inala inso ndi onae.”

I YOHANE 1:19

Ka ndiomo ponsakosiino i Yohane tempono to Yahudi inso i Yerusale mpontena ba opia ira sando mpesomba ka to Lewi ndi onae ka domensikenoo, ”Isemake omue?”

I YOHANE 11:1

Hinao asa mia kontongaano mahaki, neeno i Lasaru. Onae mo'ia i Betania, iniano i Maria ka uaino i Marita.

I YOHANE 11:31

Tempono to Yahudi anu mekongko saru i Maria a raha atuu mentareroo, mengkitao nine i Maria montuturako mentade ka ipeluarako, domentondao, hangano potaedo ta lumako a ngkaburu monsabangi i tu'ai.

I YOHANE 11:33

Tempono Dokitao i Yesu i Maria mengese ka to Yahudi mbo'u anu mehawe perongano, onaemo ka imasusa aroa-Do. Tedoa te'urense laro-Do ka Dopotae,

I YOHANE 11:36

Dompotae to Yahudi, ”Kitaomo, tedoa Dopehohawao!”

I YOHANE 11:45

Hadio i olodo to Yahudi anu mehawe suminggerahaio i Maria ka anu mensakosiio ondaedo hapa anu Doweweuomo i Yesu, mpompe'ala-ala ndi Ondae.

I YOHANE 11:8

Dompotaeako Ira ana guru-Do, ”Guru, dasarai andio to Yahudi mpo'arahako wuno-Komiu, da behe Komiu koake mekule i ra'ai?”

ROMA 12:15

Impo'undemo saru mia anu mo'unde, ka impengesemo saru mia anu mengese!

2 KORINTI 1:4

anu tumarero kami a luwuno marasaiamami, onaemo ka kipolio tumareroako ira pontarero anu tinarimamami inso ndi Ondae Ue Ala, anu mekongko a laro mperupa-rupa marasaia.

1 TESALONIKA 4:18

Onaemo pu'uno imemambe tareroakomo luwuno pau andio.

1 TESALONIKA 5:11

Onaemo pu'uno imemambe patudumo ka memambe pokoroso kana anu lano imeweweuomo.

1 Samueli 31:13

Dome'alao wukudo ka domengkaburuo a ntoto ngkeu tamarisika i Yabesi. Umarino atuu, mempuasa ira opitu oleo tehineno.