I YOHANE 10:4 - Wunta Mempori

⁴ Tewala iluarako iramo luwu bimbano, onae melempa i arodo ka bimba atuudo mentondao, hangano domento'orio suarano.

I YOHANE 10:4 ပူးပေါင်းရင်းမြစ်များ

Penani Maramba 2:8

Rongeomo! Pinehohawaku! Kitaomo, onae hawe, melonso-lonso a wawo ntorukuno, melonso-lonso a wawo pongku.

Penani Maramba 5:2

Ongkue moturi, sine aroaku mewangu. Rongeomo, pinehohawaku motingko-tingko. ”Ungkahiomo tondo, uai, pinehohawaku, marapatiku, rinorondoku, hangano uluku buke tontoru, ka wuuku buke te'itino tontoru wongi!”

I MATIU 16:24

Ka Do'amba i Yesu motaeako ira ana guru-Do, ”Sompo mia anu tumonda Aku, asalakono ka ihapuo koroino, po'ahao keu pinotambano tumonda Aku.

I YOHANE 10:16

Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi.

I YOHANE 10:27

Luwuno bimba-Ku domperorongeakono suara-Ku ka Kuto'ori ira ka domentonda Aku,

I YOHANE 10:3

Tiano anu modagai umungkahio pewowa ka bimba merongeo suarano ka ipoboi ira bimbano montonda needo nte'o'asa ka itaate ira mpeluarako.

I YOHANE 10:5

Sine mia susua manasa nahi domentondao, tendeano dompolaiakono, hangano suarado mia susua nahi domento'orio.”

I YOHANE 10:8

Luwuno mia anu hawe se'elu sekono Ongkue, ondaemo mia mponako ka mporontu, ka bimba atuudo nahi domperorongeako ira.

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

I YOHANE 13:15

hangano Kupoweeakomiumo aasa pandiri, ka imeweweuo koa mbo'u mengkena kana anu umariomo Kuweweuo ndi omiu.

I YOHANE 18:37

Onaemo ka ipotaeako Ira i Pilatu, ”Gagi Omiumo mokole?” Sumangki Ira i Yesu, ”Omiu pauo, nine Ongkue mokole. Onaemo ka Kuhina ka onaemo ka Kuhawe i wawontolino andio, ka Kupesakosii mongkona menteea; sompo mia anu inso a menteea merorongeakono pau-Ku.”

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

1 KORINTI 11:1

Imetonda akumo, mengkena koa mbo'u kana ongkue metonda ndi Ondae i Kerisituu.

EPESU 5:1

Onaemo pu'uno imegagimo anu metonda Ira Ue Ala, kana nana'ote anu pinehohawa

Winali 1:30

Ondae i Ue, Ue Alamiu melempa i aromiu. Ondaemo anu ta meteaakomiu, mengkena kana anu wineweu-Do ndi omiu i wita Masiri i arono matamiu,

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 6:20

i tu'aimo Dopewinso i Yesu gagi Pese'eluto, tempono Dogagi Sando Mpesomba Langkai ranta nahina tampulaano, montonda atorano i Melekisede.

1 PETURU 2:21

Hangano onaemo atuu ka imempinoboi, hangano maupo Ondae i Kerisituu Dotebobarasaiakomiumo ka Dopobintaakomiumo pandiri, ka imentondao wineweu-Do.

1 PETURU 4:1

Gaagi, hangano marasai Iramo i Kerisituu tebobarasai ngkoroi, maupo omiu mbo'u asalakono imemparewaakono pompewowolo kanatuu koroimiu, – hangano ba isema marasaiomo tebobarasai ngkoroi, menaa-naaomo moweweu hala –,

1 PETURU 5:3

Si mpoweweu kana komiu meparenta ira anu pine'ala-alaako ndi omiu, sine moikoomo imegagi pandirido bawaano bimba atuu.