I YOHANE 10:36 - Wunta Mempori

³⁶ nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala?

I YOHANE 10:36 ပူးပေါင်းရင်းမြစ်များ

Po'unde-unde 2:2

Luwuno mokole ntolino mpepatinda ka luwuno anu langkai potorono ntepo'asa umewai Ira i Ue ka anu inurapi-Do,

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 42:3

Balo anu telupe nahi ta umotuhio, sumbu anu mo'oro langano nahi ta mepateo; onae ta metenunu mokomengkaao songka.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yeremia 1:5

”Se'eluno napi Kupokogagiko a laro mpe'anakaano inemu, Kuto'orikomo, ka se'eluno napi upeluarako inso a mpe'anakaa, Kupokomemporikomo, Kupakosikomo gagi nabido luwuno tongku.”

I MATIU 27:43

Onae momperorohi ndi Ondae Ue Ala: po'ineeomo Ondae Ue Ala kumadudui Ira, tewala Dopemoikoo! Hangano motaeomo: Ongkue Ana-Do Ue Ala.”

I MATIU 27:54

Petewawado sorodadu ka luwuno sorodaduno anu dumagai Ira i Yesu gagi tedoa medoito tempono domengkitao leelu ka hapa anu gagiomo, ka do'amba mpotae, ”Mentee ntu'u, Ondae andio Ana-Do Ue Ala.”

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

I YOHANE 10:35

Tewala ondae, ndi sema ipinohawe pau tuu, nineeako pinesombai susua – sine Wunta Mempori asalakono inihii –,

I YOHANE 17:18

Mengkena kana Itena Aku i wawontolino kanandio koa mbo'u Kutena ira i wawontolino;

I YOHANE 17:21

ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

I YOHANE 17:8

Hangano luwuno pau anu pinohawe-Miu ndi Ongkue Kupohaweomo ndi ondae ka domentarimaomo. Domento'orio ntu'u, nine Ongkue hawe inso ndi omiu, ka dompe'ala-alao, nine Omiumo anu tumena Aku.

I YOHANE 19:7

Domesangkio to Yahudi, ”Hinao songkamami ka montonda songka atuu Ondae asalakono mate, hangano Dopauo Ondae AnaDo Ue Ala.”

I YOHANE 20:28

Sumangki i Toma, ”Oo Ueku ka Ue Alaku!”

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

I YOHANE 3:17

Hangano Ondae Ue Ala tumenao Ana-Do hawe i wawontolino komba ka Dobitarao wawontolino tendeano ka Dokaduduio.

I YOHANE 3:34

Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

I YOHANE 5:30

Nahi Kupolio moweweu hapa-hapa inso a ngkoroi-Ku Ongkue-Ku; Kupobitara menunu saru hapa anu rinonge-Ku, ka pobitara-Ku moleo, hangano nahi Kutondao po'ehe-Ku Ongkue-Ku, tendeano po'ehe-Do anu tumena Aku.

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

I YOHANE 6:38

Hangano metii Akumo inso i suruga komba ka Kupoweweu po'ehe-Ku, sine ka Kuweweuo po'ehe-Do anu tumena Akumo.

I YOHANE 6:57

Mengkena kana Ondae i Ama anu tuwu tumena Aku ka Kutuwu hangano Ondae i Ama, kanatuu koa mbo'u ba isema mongkaa koroi-Ku, ta tuwu hangano Ongkue.

I YOHANE 6:69

ka kimpe'ala-alaomo ka mento'orio nine Omiu Anu Mempori inso ndi Ondae Ue Ala.”

I YOHANE 8:42

Motae Ira i Yesu ndi ondae, ”Tewala Ondae Ue Ala Amamiu, komiu koa mpehohawa Aku, hangano Ongkue meluarako ka hawe inso ndi Ondae Ue Ala. Ka hawe-Ku komba po'ehe-Ku Ongkue-Ku, tendeano Ondaemo anu tumena Aku.

ROMA 1:4

ka montonda Penaa, memporia pinokomengkaa a mpewangu-Do inso i olodo mia mate, nine Ondaemo Ana-Do Ue Ala anu pabawa, i Yesu Kerisituu Ueto.

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

ROMA 9:5

Ondae inuledo luwuno uempu'u, anu umule Ira i Mesia a nteweweu-Do kana mia, anu i wawono luwuakoano. Ondaemo Ue Ala anu asalakono inunde-unde ranta nahina tampulaano. Ami!

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.