I YOHANE 10:32 - Wunta Mempori

³² Motae Ira i Yesu ndi ondae, ”Hadio anggaa moiko anu te'inso ndi Ondae Ama-Ku anu Kupopokitaakomiu; hangano anggaa isuake i olono ka komiu mewunoa-Kune watu?”

I YOHANE 10:32 ပူးပေါင်းရင်းမြစ်များ

Po'unde-unde 35:12

Moikoku domensuloakono mosa'oa; kana akumo tuwu asa-asaku.

Puu Pontutulu 4:4

Kukitao nine luwuno pene'isei ka luwuno pandeno mo'angga a laro anggaa mompu'u inso a mosisirino asa mia a mia susua. Ndio mbo'u nahina tuduno ka perokuhi mobuani angi.

Yeremia 37:18

Ka i'amba i Yeremia motae ndi mokole Sedekia, ”Hapake hala anu wineweuku ndi omiu, a luwuno pegawaimiu ka tongku andio, ka imewinso aku a laro torungku?

I MATIU 11:5

mia morawu mongkita, mia luuka melempa, mia haki ngkuli mesaki gagi tompa, mia mobongo moronge, mia mate winangu ka a mia memongkokolaro pinalele lele mawongkoa.

I YOHANE 10:25

Sumangki Ira i Yesu, ”Kupauakomiumo, sine nahi impe'ala-alao; luwuno anggaa anu Kuweweuo a nee-Do Ama-Ku, onaemo anu sumakosiio mongkona Ongkue,

I YOHANE 10:31

Pohona mbo'u dompo'ala watu to Yahudi ta wuno-Do i Yesu.

I YOHANE 10:33

Mesangki ira to Yahudi atuu, ”Komba hangano aasa anggaa moiko ka kami mewuno Komiu, tendeano hangano ipepaukiako Ira Ue Ala ka hangano Omiu, maupo butu koa tolino, Ipongkenaakono koroi-Miu saru Ondae Ue Ala.”

I YOHANE 10:37

Tewala nahi kuweweu ira anggaa-Do Ama-Ku, siimo impe'ala-ala Aku,

I YOHANE 5:36

Sine hinao aasa ponsakosii-Ku anu lalu mentudu sekono ponsakosiino i Yohane, onaemo luwuno anggaa anu Doweea-Kune i Ama, ka Ku'anggao. Anggaa mbo'u atuu anu inangga-Ku kanandio-andio, ka onaemo anu sumakosiio mongkona Ongkue, nine Ondae i Ama anu tumena Aku.

WINEWEUDO TINENA 10:38

onaemo mongkona Ondae i Yesu inso i Nasare: ba kana'umpe Do'urapiako Ira Penaa Mempori ka rosono pabawa, Ondae, anu melempa sumompoo wita moweweu anu moiko ka mokotompa ira luwuno mia anu pinabawaino i Mosa'o, hangano Ondae Ue Ala kumongkomi Ira.

WINEWEUDO TINENA 2:22

Hei to Isaraeli, imerongeomo pau andio: Anu tinooku onaemo Ondae i Yesu inso i Nasare, asa mia anu Dopakosiomo Ue Ala ka anu pinokomengkaako roso ka anu mengkinohali-haliako ka luwuno petondoni ndi omiu anu wineweu-Do Ue Ala mesala ndi Ondae i tonga-tongamiu, kana anu tino'orimiu.

1 YOHANE 3:12

komba kana i Kai, anu tepu'u inso ndi Mosa'o ka anu mepateo uaino. Ka hapake pu'uno ka ipepateo? Hangano luwuno wineweuno mosa'o ka wineweuno uaino mentee.