I YOHANE 10:30 - Wunta Mempori

³⁰ Ongkue ka Ondae i Ama aasa koa.”

I YOHANE 10:30 ပူးပေါင်းရင်းမြစ်များ

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

I YOHANE 10:29

Ondae Ama-Ku, anu meweengako ira ndi Ongkue, langkaiopo sekono isemamo koa, ka maupo te'asa mia nahi ta mokorontuo inso a ngkae-Ku.

I YOHANE 10:36

nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala?

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 14:9

Motae Ira i Yesu ndi onae, ”Tehineomo Kuperongaakomiu, Pilipu, sine nahi uto'ori Aku? Ba isema kumita Akumo, ikita Iramo Ondae i Ama; kana'umpe ka upotae: Tisoakamimo Ondae i Ama atuu.

I YOHANE 16:15

Luwuakoano anu ndi Ondae i Ama, Ongkue me'ueo; onaemo pu'uno ka Kupotae: Ira paleleakomiu hapa anu tinarima-Do inso ndi Ongkue.”

I YOHANE 17:10

ka luwuno mia-Ku onaemo mia-Miu ka mia-Miu onaemo mia-Ku, ka pinokomaramba Akumo ndi ondae.

I YOHANE 5:17

Sine Dopotaeako ira, ”Ondae Ama-Ku mo'angga Ira hawe kanandio-andio, onaemo ka Kupo'angga mbo'u.”

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

I YOHANE 8:58

Dopotae i Yesu, ”Kupauakomiu, menteeano napi gagi i Burahima, kongko Akumo.”

Winali 6:4

Imerongeomo, hei to Isaraeli: Ondaemo i Ue, Ue Alato, Ondae i Ue atuu aasa!

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

1 YOHANE 5:7

Hangano otolu anu mompowee ponsakosii [i laro nsuruga: Ondae i Ama, Pau ka Penaa Mempori; ka otolu Ira aasa koa.