I YOHANE 10:3 - Wunta Mempori

³ Tiano anu modagai umungkahio pewowa ka bimba merongeo suarano ka ipoboi ira bimbano montonda needo nte'o'asa ka itaate ira mpeluarako.

I YOHANE 10:3 ပူးပေါင်းရင်းမြစ်များ

Po'unde-unde 80:1

Tiano petewawa mpenani. Montonda nanino Sisi bonse. Pesakosiino i sapi. Penani po'unde-unde.

Peluarakoa 33:17

Mepau Iramo i Ue ndi Musa, ”Maupo anu pinaumu andio Aku mokogagio, hangano omue mohawekomo pompehohawa i aro-Ku ka Kuto'orio koroimu saru neemu.”

Powadi 27:23

To'oriomo temoi-moiko teweweudo bawaano bembe bimbamu, pepentee iramo bawaano pinotuwumu.

Penani Maramba 8:13

Hei, omue anu mo'ia i lere, wali-wali mpekokoongakono suaramu, poporongeomo atuu ndi ongkue!

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

I YOHANE 10:14

Ongkuemo Puu Pompakambi anu moiko ka Kuto'ori ira bimba-Ku ka bimba-Ku domento'ori Aku

I YOHANE 10:16

Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi.

I YOHANE 10:4

Tewala iluarako iramo luwu bimbano, onae melempa i arodo ka bimba atuudo mentondao, hangano domento'orio suarano.

I YOHANE 10:9

Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo.

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

ROMA 8:30

Ka ondae anu pinakosi-Do se'eluno, ondae koa mbo'u pinoboi-Do. Ka ondae anu pinoboi-Do, ondae koa mbo'u pinokomentee-Do. Ka ondae anu pinokomentee-Do, ondae koa mbo'u pinokomaramba-Do.

1 KORINTI 16:9

hangano i ndi'ai hadio tempoku umanggao anggaa anu langkai ka mentudu, maupo hadio anu umewaio.

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

KOLOSE 4:3

Impekakaiakami koa mbo'u, ka Do'ungkahiakami Ue Ala pewowa a pompaleleamami, ranta ka kimempolio mpepau mongkona rahasia-Do i Kerisituu, anu hangano onae ka kutinorungku.

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”

1 PETURU 1:12

Ndi ondae pinokomengkaaomo, nine ondae komba pompekakaako koroido ondaedo, sine mpekakaakomiu a luwuakoano anu pinaleleomo ndi omiu kanandio-andio mesala ndi ondae, anu hangano Penaa Mempori, anu tinena inso i suruga, mohaweo Lele Mawongkoa ndi omiu, onaemo mongkona luwuno anu domingki mento'orio mala'eka.

1 YOHANE 4:6

Omami nte'inso ndi Ondae Ue Ala: ba isema tumo'ori Ira Ue Ala, iperorongeakami; ba isema komba te'inso ndi Ondae Ue Ala, onae nahi perorongeakami. Onaemo tondonino Penaa menteea ka penaa anu mompopo'oo.

3 YOHANE 1:14

Momperorohi aku ronga tepohaweakomu ka mepau tepo'aro rupa.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.

MENGKAAA 3:20

Kitao, mentade Aku i arono pewowa ka metingko-tingko; tewala hinao mia anu rumongeo suara-Ku ka umungkahia-Kune pewowa, Aku koa mewinso tepohaweakono ka Aku mongkaa meronga saru onae, ka onae meronga saru Ongkue.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”