I YOHANE 10:16 - Wunta Mempori

¹⁶ Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi.

I YOHANE 10:16 ပူးပေါင်းရင်းမြစ်များ

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

Po'unde-unde 86:9

Luwuno tongku anu pinokogagi-Miu ira mehawe mpengolontu mpesomba i aro-Miu, oo Ue, ka ira mpelangkaio nee-Miu.

Puu Pontutulu 12:11

Pauno mia monto'ori kana untuno tuko ponsaari pinotuwu ka luwuno bawaano kana paso anu mentepaho, anu iweeakono asa puu mpompakambi.

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 52:10

Dopopokitaomo i Ue kae-Do anu mempori i arono matado luwuno tongku; luwuno tompano tolino kumitao tekaduduia inso ndi Ondae Ue Alato.

Yesaya 56:8

Pau-Do Ue Ala anu pumpu ira to Isaraeli anu ntesiarawo: Aku mopumpu mbo'u mia ndi onae gagi tiangido miano anu tepumpuomo.”

Yehesikieli 34:12

Kana asa mia puu pompakambi umungkeo bimbano i tempono bimba atuu teponsia inso a bawaano bimbano, kanatuumo Aku umungke ira bimba-Ku ka kumadudui ira inso a luwuno po'ianga, ba isua domensiniarawo a oleo menseru ka wongi-wongi.

Yehesikieli 34:23

Aku mompotoro ndi ondae asa mia puu pompakambi, i Daudi, tetenaa-Ku, anu ta pakambi ira. Onae ta pakambi ira ka gagi puu pompakambido.

Yehesikieli 34:6

Luwuno bimba-Ku ntesaa a luwuno torukuno ka pongku anu mantande. Humbee, i luwuno wita atuu bimba-Ku ntesiarawo, nahina maupo te'asa mia anu merio ira ke umungke ira.

Yehesikieli 37:22

Aku mokogagi ira asa tongku i witado, a wawo luwuno ntorukuno Isaraeli, ka asa mokole parenta ira luwu. Ondae nahi domegagi mbo'u orua tongku ka nahi tetia mbo'u gagi orua poparentaa.

Yehesikieli 37:24

Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I LUKASI 15:8

”Ke beine isuake anu hinao dirihamino hopulu, ka tewala tetadi aasa i olono, nahi polangao hulu ka iroahio raha saru mompesu'ui umungkeo ranta ka ihaweo?

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

I YOHANE 10:2

sine isema anu mewinso telalo a mpewowa, onae puu pompakambi bimba.

I YOHANE 10:27

Luwuno bimba-Ku domperorongeakono suara-Ku ka Kuto'ori ira ka domentonda Aku,

I YOHANE 10:3

Tiano anu modagai umungkahio pewowa ka bimba merongeo suarano ka ipoboi ira bimbano montonda needo nte'o'asa ka itaate ira mpeluarako.

I YOHANE 10:4

Tewala iluarako iramo luwu bimbano, onae melempa i arodo ka bimba atuudo mentondao, hangano domento'orio suarano.

I YOHANE 10:5

Sine mia susua manasa nahi domentondao, tendeano dompolaiakono, hangano suarado mia susua nahi domento'orio.”

I YOHANE 11:52

ka komba butu tiano tongku atuu, sine ka itepumpu mbo'u ka mo'asa ira ana-Do Ue Ala anu ntesiarawo.

I YOHANE 17:20

Ka komba butu tiado ondae andio Kupekakai, sine tiado mbo'u luwuno mia anu mpe'ala-ala Aku hangano pompaleledo;

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

WINEWEUDO TINENA 15:14

I tutuluomo i Simo, nine inso a pompu'uano Dopopokitao Ue Ala pompehohawa-Do a luwuno tongku susua, onaemo Dobinikio aasa bawaa inso i olodo pelangkaino nee-Do.

WINEWEUDO TINENA 18:10

Hangano Kukongkomiko ka nahina maupo te'asa mia anu ta motiio kaeno ka bobarasaiko, hangano hadio bawaa-Ku i kota andio.”

WINEWEUDO TINENA 22:14

Ka i'amba motae: Dopakosikomo Ue Alado uempu'uto ka uto'orio po'ehe-Do, ka ukitao Anu Mentee ka urongeo suara anu meluarako inso a nganga-Do.

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

2 TESALONIKA 2:13

Sine omami asalakono wela pontarimakasi ndi Ondae Ue Ala hangano omiu, pepaekompo luwu-luwu, anu pinehohawa-Do i Ue, hangano inso a pompu'uano Dobiniki komiumo Ue ala ka imengkinadudui a Mpenaa anu mokomempori komiu ka a menteea anu pine'ala-alamiu.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

1 PETURU 2:10

Omiu, anu i ndi'upua komba bawaa-Do Ue Ala, sine anu kanandio-andio megagi komiumo bawaa-Do, anu i ndi'upua nahi mempinehohawa sine kanandio-andio mpohawe komiumo pe'aroa.

1 PETURU 2:25

Hangano i ndi'upua ntesaa komiu kana bimba, sine kanandio-andio mpepokule komiumo a puu pompakambi ka mpekariao sumangamiu.

1 PETURU 5:4

Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

MENGKAAA 3:20

Kitao, mentade Aku i arono pewowa ka metingko-tingko; tewala hinao mia anu rumongeo suara-Ku ka umungkahia-Kune pewowa, Aku koa mewinso tepohaweakono ka Aku mongkaa meronga saru onae, ka onae meronga saru Ongkue.