I YOHANE 10:14 - Wunta Mempori

¹⁴ Ongkuemo Puu Pompakambi anu moiko ka Kuto'ori ira bimba-Ku ka bimba-Ku domento'ori Aku

I YOHANE 10:14 ပူးပေါင်းရင်းမြစ်များ

Po'unde-unde 1:6

hangano Ondae i Ue tumo'orio pesalaano mia mentee, sine pesalaano mia mosa'o gauno te'aro a matea.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Nahumi 1:7

Ondae i Ue atuu moiko; mepekadudui i tempono masusaa; Doperio ira mia anu mepekadudui ndi Ondae

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

I YOHANE 10:13

Onae molai hangano onae mia tinambo ka nahi perio ira bimba atuu.

I YOHANE 10:27

Luwuno bimba-Ku domperorongeakono suara-Ku ka Kuto'ori ira ka domentonda Aku,

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 17:8

Hangano luwuno pau anu pinohawe-Miu ndi Ongkue Kupohaweomo ndi ondae ka domentarimaomo. Domento'orio ntu'u, nine Ongkue hawe inso ndi omiu, ka dompe'ala-alao, nine Omiumo anu tumena Aku.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 3:19

ka mpokonto'orio pompehohawa atuu, maupo ilaloio luwuno ponto'ori. Mekakai aku, ka imempinokobuke a laro luwuno bobotoli-Do Ue Ala.

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 2:19

Kuto'orio luwuno inanggamu: moiko pompehohawamu maupo pompe'ala-alamu, moiko pompekakaakomu maupo pompedatomu. Kuto'orio, nine anggaamu anu pokotompa hadioopo sekono anu amba-ambano.

MENGKAAA 2:2

Kuto'orio luwuno inanggamu: moiko pe'iseimu maupo pompedatomu. Kuto'orio, nine nahi upokompeteao aroamu a mia anu me mosa'o, nine u'ara-arahako iramo mia anu mempauo koroido tinena, sine anu menteeano komba kanandio, nine uhawe iramo mpegaupi.

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

MENGKAAA 3:1

”Ka buriakonomo mala'ekado bawaa i Saradisi: Ndiomo pau-Do, anu me'ueo opitu Penaa-Do Ue Ala ka opitu anano wula atuu: Kuto'orio luwuno inanggamu: omue pinotaeako tuwu, kahinaano mateko!

MENGKAAA 3:15

Kuto'orio luwuno inanggamu: omue komba morini ka komba mokula. Tedoa moiko tewala moriniko ke mokula!

MENGKAAA 3:8

Kuto'orio luwuno inanggamu: kitaomo, Ku'ungkahiakomumo pewowa, anu nahina maupo te'asa mia mokotondoo. Kuto'orio nine rosomu nahi te'asa hapa, sine utondao pau-Ku ka nahi uhapuo nee-Ku.