I YOHANE 1:51 - Wunta Mempori

⁵¹ Ka Do'amba i Yesu motaeakono, ”Kupauakomu, menteeano kokumitao langi te'ungkahi ka mala'eka-Do Ue Ala ira mpetii ka mpewuatako ndi Ana Manusia.”

I YOHANE 1:51 ပူးပေါင်းရင်းမြစ်များ

Tegagia 28:12

Ka i'amba onae mo'ipi, tengkitaomo asa ensa pinontade i tolino anu untuno hawe i langi, ka tengkitaomo mala'eka-Do Ue Ala mpewuatako mpetii a ensa atuu.

Yehesikieli 1:1

A nta'u kotolu pulu, a wula ko'opaa tanggala olima wula atuu, tempono kuperongaako ira mia mentinadi kongko i wiwi Ngkoro Kebari, te'ungkahiomo langi ka kukita ira pongkita mongkona Ondae Ue Ala.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.

I MATIU 25:31

”Tewala hawe Ira i Ana Manusia a laro maramba-Do ka luwuno mala'eka mperongaako Ira, ka Ira mentoro a wawo ngkadera marambaa-Do.

I MATIU 26:24

I Ana Manusia lano Ira lumako menunu saru anu teburi mongkona Ondae, sine masolaomo mia anu hangano onae ka Dopineweengako i Ana Manusia atuu. Moikoopo mia atuu ba nahi pine'anaako.”

I MATIU 3:16

Umari-Do binaho, Ondae i Yesu ronga me'engka inso a uwoi ka itempo mbo'u atuu langi te'ungkahi ka Dokitao Penaa-Do Ue Ala kana manu-manu marapatii, metii i wawo-Do.

I MATIU 4:11

Ka i'amba i Mosa'o binta Ira, ka kitaomo, hadio mala'eka mehawe mekakaako Ira i Yesu.

I MATIU 8:20

Dopotae i Yesu ndi onae, ”Serigala hinao aano ka manu-manu hinao senono, sine i Ana Manusia nahina po'ianga pomboleano ulu-Do.”

I MATIU 9:6

Sine ka imento'orio, nine i wawontolino andio i Ana Manusia pabawa mo'ampuni hala” — ka i'amba mepau Iramo a mia luuka atuu —, ”Pewangumo, tandeomo poturiamu ka pekulemo i rahamu!”

I MARAKUSU 1:10

I tempono Dope'engka inso a uwoi, Dokitao langi teberi, ka Penaa kana manu-manu marapatii metii i wawo-Do.

I MARAKUSU 14:62

Sumangki Ira i Yesu, ”Ongkuemo Ondae, ka komiu mengkitao i Ana Manusia mentoro i koana-Do Anu Tedoa Pabawa ka aiwa i tonga-tongano seru i langi.”

I LUKASI 2:13

Ka borono tengkitaomo mperonga saru mala'eka atuu asa bawaa langkai sorodaduno suruga anu umunde-unde Ira Ue Ala, dompotae,

I LUKASI 2:9

Borono mentadeomo aasa mala'eka-Do i Ue umpeda ndi ondae ka maramba-Do i Ue wantahi ira ka tedoa ira medoito.

I LUKASI 22:43

Ka aasa mala'eka inso i langi mepopokita ndi Ondae mokoroso Ira.

I LUKASI 22:69

Mompu'u kanandio-andio i Ana Manusia mentoroomo i koana-Do Ue Ala Anu Tedoa Pabawa.”

I LUKASI 24:4

Kontongaado mpentade ntekokodoho hangano anu gagi atuu, borono hinao orua mia mentade umpeda ndi ondae mesangkaako sangka anu tesosangkilo.

I LUKASI 3:21

Tempono mebinaho iramo luwu mia hadio atuu ka tempono Ondae mbo'u i Yesu binaho ka tekonai mekakai, te'ungkahiomo langi

I YOHANE 1:50

Sumangki Ira i Yesu, Dopotae, ”Kupauakomu: Hangano Kukitako a ntoto ngkeu ara, onaemo ka upompe'ala-ala? Kokumita ira anu lalu langkai sekonopo atuu”

I YOHANE 10:1

”Kupauakomiu: Menteeano isema anu mewinso a laro rahano bimba nahi telalo a mpewowa, sine momaru a rere watu, onae mia anu monako ka mia puu mporontu;

I YOHANE 10:7

Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo.

I YOHANE 13:16

Kupauakomiu: menteeano aasa ata komba mantandeopo sekono ueno, ke maupo aasa mia tinena sekonopo onae anu tumenao.

I YOHANE 13:38

Sumangki Ira i Yesu, ”Komeweengakono penaamu hangano Ongkue? Menteeano Kupauakomu: Napi kumokoroido manu, pentolumo uhapu Aku.”

I YOHANE 14:12

Kupauakomiu: Menteeano ba isema me'ala-ala Aku, onae ta weweuo mbo'u luwuno anggaa anu wineweu-Ku, tendeano anggaa anu langkaiopo sekono atuu. Hangano Aku lumako ndi Ondae i Ama;

I YOHANE 16:20

Kupauakomiu: Menteeano komiu mpengese ka mposabangi, sine wawontolino ta mo'unde; komiu mpompemasusa, sine pompemasusamiu ta bali gagi po'undea.

I YOHANE 16:23

Ka a oleo atuu nahi komiu mpompesikenoako hapa-hapa ndi Ongkue. Kupauakomiu: Menteeano luwuakoano anu inemamiu ndi Ondae i Ama, Ira weeakomiu a nee-Ku.

I YOHANE 21:18

Kupauakomu: Menteeano tempono da umongura meboo ntongako omuemu ka upelempa ba isuamo koa inehemu, sine tewala mota'ukomo, kotumasio kaemu ka mia susua ta umonggoko ka wawako a mpo'ianga anu nahi ukakahanio.”

I YOHANE 3:3

Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 5:19

Ka Do'amba i Yesu sumangki ira, Dopotae, ”Kupauakomiu, menteeano, Ana nahi pokompo'angga maupo hapa inso a ngkoroi-Do Ondae-Do, tewala nahi Dokitao Do'anggao Ama-Do; hangano hapa anu inangga-Do Ama, onae koa mbo'u anu inangga-Do Ana.

I YOHANE 5:27

Ka Dopoweeako Iramo pabawa ka Dopobitara, hangano Ondae Ana Manusia.

I YOHANE 6:26

Sumangki Ira i Yesu, ”Kupauakomiu, menteeano ime'ungke Aku, komba hangano imengkita iramo petondoni, tendeano hangano mpongkaa komiumo roti atuu ka memowohi komiu.

I YOHANE 6:32

Ka motae Ira i Yesu ndi ondae, ”Kupauakomiu, menteeano komba i Musa anu moweeakomiu roti inso i suruga, tendeano Ondae Ama-Ku anu moweeakomiu roti anu mentee inso i suruga.

I YOHANE 6:47

Kupauakomiu, menteeano ba isema mompe'ala-ala, onae hinaomo tuwua anu nahina tampulaano.

I YOHANE 6:53

Ka motae Ira i Yesu ndi ondae, ”Kupauakomiu, menteeano tewala nahi imengkaano koroi-Do i Ana Manusia ka me'inuo rea-Do, nahina tuwua a ngkoroimiu.

I YOHANE 8:34

Motae Ira i Yesu ndi ondae, ”Kupauakomiu, menteeano sompo mia anu moweweu hala, onaemo atano hala.

I YOHANE 8:51

Kupauakomiu: Menteeano ba isema tumondao Pau-Ku, nahi ta membasaio matea hawe nahina tampulaano.”

I YOHANE 8:58

Dopotae i Yesu, ”Kupauakomiu, menteeano napi gagi i Burahima, kongko Akumo.”

WINEWEUDO TINENA 10:11

Ikitao langi te'ungkahi ka metiiomo aasa anu kana sawu molue anu mendoe a opaa siuno, anu pinotii a wita.

WINEWEUDO TINENA 7:56

Ka i'amba motae, ”Mentee ntu'u, kukitao langi te'ungkahi ka i Ana Manusia mentade i koana-Do Ue Ala.”

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

2 TESALONIKA 1:9

Ondae andio ira mehinukuako matea anu nahina tampulaano, pinoko'olai inso i aro-Do i Ue ka inso a marambano roso-Do,

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

YUDASI 1:14

Mongkona mbo'u ondae i Heno, inule ko'opitu inso ndi Adama, mompauomo anu ta gagi, ipotae, ”Menteeano Ondae i Ue hawe saru sowu-sowuno mia mempori-Do,

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

MENGKAAA 4:1

Ka i'amba umarino atuu kukitao: Menteeano, aasa pewowa te'ungkahi i suruga ka suara anu i ndi'upua kurongeomo, motae ndi ongkue kana unino tawuwua, ipotae: Pewuatakomo ramai ka Aku tumisoakomu hapa anu asalakono gagi umarino andio.