I YOHANE 1:49 - Wunta Mempori

⁴⁹ Motae i Natanae ndi Ondae, ”Guru, Omiu Ana-Do Ue Ala, Omiu Mokoledo to Isaraeli!”

I YOHANE 1:49 ပူးပေါင်းရင်းမြစ်များ

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Danieli 9:25

To'oriomo ka pokonto'oriomo: inso a tempo ipeluarako pau atuu, tempono ta pinomule Yerusale ka wali winangu, ranta haweno asa mokole, asa mia anu inurapi, hinao opitu meluka opitu tempo. Ka i'amba i larono nomo pulu ka orua meluka opitu tempo tehineno kota atuu ta wali winangu saru tana lapa ka pangkorono, sine a tempo masukara.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Sepanya 3:15

Dotadiomo i Ue hukumu, Dowowangunsule iramo iwalimu. Ondae i Ue, Mokole i Isaraeli kongko i tonga-tongamu. Omue nahi kodoito mbo'u a masolaa.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I MATIU 14:33

Ka mia anu a laro bangka mpesombai Ira, dompotae, ”Menteeano Omiu Ana-Do Ue Ala.”

I MATIU 2:2

ka mpesisikeno, ”Isua Iramoke, mokoledo to Yahudi anu da iaopo Dohina atuu? Kimengkitaomo buntala-Do isabaano oleo ka kami mehawe mesombai Ira.”

I MATIU 21:5

”Pauakono ana beine Sioni: Kitao, Mokolemu hawe ndi omue, Ondae mauru ka mesawi a ngkalide, aasa kalide pateke anu mongura.”

I MATIU 23:7

inehedo mempinelangkai a olu ka inehedo mempinoboiako Guru.

I MATIU 23:8

Sine omiu, si mempinotaeako Guru; hangano aasa koa Gurumiu ka luwumiu mpepaekompo.

I MATIU 27:11

Ka Do'amba i Yesu pino'aro a pentewawa i wita atuu. Ka pentewawa i wita atuu mesikeno ndi Ondae, ”Omueke mokoledo to Yahudi?” Sumangki Ira i Yesu, ”Omuemu anu pauo.”

I MATIU 27:42

”Mia susua Ikadudui ira, sine koroi-No Onae-No nahi pokokaduduio! Onae mokoledo to Isaraeli? Po'ineeomo Ipetii inso a ngkeu pinotamba atuu ka kimpompe'ala-ala ndi Onae.

I MATIU 4:3

Ka i'amba haweomo puu po'ara-arahako atuu, ka ipotaeako Ira, ”Tewala Omiu Ana-Do Ue Ala, parenta iramo watu andiodo gagi roti.”

I MARAKUSU 15:32

Moikoomo i Mesia, Mokoledo to Isaraeli atuu, Dopetii inso a ngkeu pinotamba atuu, ka tomengkitao ka mpompe'ala-ala.” Maupo orua mia anu pinaso a ngkeu pinotamba meronga saru Ondae dotata Ira koa mbo'u.

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

I LUKASI 19:38

Dompotae, ”Rinonso Iramo anu hawe gagi Mokole a nee-Do i Ue, rodoa i suruga ka marambaa a mpo'ianga anu i wawono ntu'u!”

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 1:34

Ka kukita Iramo ka mesakosii: Ondaemo andio Ana-Do Ue Ala.”

I YOHANE 1:38

Sine mewolili Ira i Yesu i bungku-Do. Dokitao, nine dotonda Ira ka Do'amba motaeako ira, ”Hapake inungkemiu?” Dopotae ndi Ondae, ”Guru, isuake Ipo'ia?”

I YOHANE 1:50

Sumangki Ira i Yesu, Dopotae, ”Kupauakomu: Hangano Kukitako a ntoto ngkeu ara, onaemo ka upompe'ala-ala? Kokumita ira anu lalu langkai sekonopo atuu”

I YOHANE 18:37

Onaemo ka ipotaeako Ira i Pilatu, ”Gagi Omiumo mokole?” Sumangki Ira i Yesu, ”Omiu pauo, nine Ongkue mokole. Onaemo ka Kuhina ka onaemo ka Kuhawe i wawontolino andio, ka Kupesakosii mongkona menteea; sompo mia anu inso a menteea merorongeakono pau-Ku.”

I YOHANE 4:31

Kontongaano atuu ana guru-Do umoluako Ira, dompotae, ”Guru, Ipongkaamo.”