I YOHANE 1:29 - Wunta Mempori

²⁹ Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

I YOHANE 1:29 ပူးပေါင်းရင်းမြစ်များ

Peluarakoa 28:38

Lempe atuu asalakono kongko a ra'ino i Haruni ka onae sumusuruo pokotompaano anu sala a luwuakoano pinesombaakodo to Isaraeli gagi pesombado anu mempori. Lempe atuu asalakono kongko mpiha a ra'ino, ka Dopekono ira i Ue.

Yesaya 53:10

Sine po'ehe-Do i Ue piregoo, mokomahakio. Tewala sumangano pineweengako gagi pesomba pontolosi sala, onae ta kumitao inuleno, tinuwuno ta melai, ka po'ehe-Do i Ue ta mokoweweuo.

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yesaya 53:7

Onae binobarasai, sine ipo'ineeo koroino pinokomahaki ka nahi pepau kana ana bimba anu winawa a mposumbelea; kana ineno bimba anu beebe i arodo mia anu megontio wuluno, nahi pebeeli.

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Imama 10:17

”Tembio nahi imengkaano pesomba po'onini hala atuu a mpo'ianga anu mempori? Kombake atuu anu tedoa mempori ka Doweeakomiu i Ue kai meliahakono salado bawaa atuu ka impoweweu pesintuwua tiado i aro-Do i Ue?

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

Podoaa 18:1

Mepau Ira i Ue ndi Haruni, ”Omue, luwuno anamu ka pe'etumu asalakono tumembio anu sala a mpo'ianga mempori. Sine butu omue ka luwuno anamu asalakono tumembio maupo hapa anu sala a laro mpo'anggamiu gagi sando mpesomba.

Podoaa 18:23

Sine to Lewi, ondaemo anu asalakono me'anggao pompekakaako a Ngkema Tepotowoa ka mentembio salado. Onaemo asa pompakosi anu nahina tampulaano ndi omiu hawe a inulemiu. Ondae nahi ira mpohawe tia pusaka i tonga-tongado to Isaraeli.

Podoaa 21:9

Ka i'amba i Musa moweweu ule mala ka inaao a asa keu pinontade. Tewala asa mia itungkuo ule, sine mengkita a ule mala atuu, manasa ta kongko tuwu.

Podoaa 7:27

Asa sapi lakino mongura, asa bimba lakino, ka asa bimba lakino tinuwuno asa nta'u, weweua pesomba tinunu.

Podoaa 7:39

asa sapi mongura, asa bimba lakino ka asa bimba lakino tinuwuno asa nta'u, weweua pesomba tinunu;

I MATIU 1:21

Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.”

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I YOHANE 1:35

Tisomo i Yohane mentade mbo'u i tu'ai saru orua mia ana guruno.

I YOHANE 1:36

Ka mansano kumita Ira i Yesu telalo, ipotae, ”Kita Iramo Ana bimba-Do Ue Ala!”

I YOHANE 1:43

Tisomono Ondae i Yesu mo'asao aroa-Do Ira lumako i Gelilea. Dotepohaweakono i Pilipu, ka Dopotaeakono, ”Tonda Akumo!”

I YOHANE 2:1

A oleo ko'otolu hinao petaoa i kota Kana i wita Galilea, ka ine-Do i Yesu kongko ira i tu'ai;

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 4:42

ka dompotaeakono beine atuu, ”Mpompe'ala-ala kami, sine komba hangano mbo'u anu pinaumu, hangano omami isa'a rumonge Ira ka kimento'orio, nine mente ntu'u Ondaemo Puu Pongkaduduino wawontolino.”

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

WINEWEUDO TINENA 13:39

Ka ndi Ondaemo sompo mia anu mompe'ala-ala ipohawe tepotolaa inso a luwuno hala, anu nahi komiu mpohawe inso a songkano i Musa.

WINEWEUDO TINENA 8:32

Puu mpau anu binasa atuu kanandio ipotae: Kana aasa bimba Dowinawa a mposumbelea; ka kana anano bimba anu bebe i arono mia anu gumontio wuluno, kanandiomo Dokomino.

1 KORINTI 15:3

Hangano anu lalu i wawonoako kupohaweakomiumo, onaemo hapa anu kutarimaomo ongkueku, onaemo nine Ondae i Kerisituu mate Iramo hangano luwuno halato, menunu saru Wunta Mempori,

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

1 TIMOTIU 2:6

anu meweengakonomo koroi-Do gagi tolosido luwuno mia: onae atuu ponsakosii a tempo anu pinakosi.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 2:2

Ka Ondaemo mompokosintuwu a luwuno halato, ka komba butu halato, sine halado mbo'u asa wawontolino.

1 YOHANE 3:5

Ka imento'orio, nine mepokomengkaa Iramo, ka Dopahihio luwuno hala, ka ndi Ondae nahina hala.

1 YOHANE 4:10

Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 14:1

Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.

MENGKAAA 14:10

asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba.

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 19:7

Aiwamo tompo'unde ka mengkokora-kora memawongko, ka melangkai Ira! Hangano oleo petaoa-Do Ana Bimba haweakoomo, ka umbu ngkoroi-Do tetindaomo.

MENGKAAA 19:9

Ka i'amba motaeakune, ”Buriomo: Meme'ura iramo anu me'inolu a mpelimbua petaoa-Do Ana Bimba.” Ipotaeakune mbo'u, ”Pau andio mentee, luwuno pau inso ndi Ondae Ue Ala.”

MENGKAAA 21:14

Ka rere watuno kota atuu hinao hopulu ka orua watu empehino ka i wawono teburi hopulu ka orua needo hopulu ka orua tinena-Do Ana Bimba atuu.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

MENGKAAA 21:9

Ka haweomo asa mia inso a opitu mala'eka anu mpo'ini opitu tonde, anu bukeako opitu masolaa poko'ariano atuu, ka i'amba motaeakune, ipotae, ”Aiwamo i ndi'ai, aku tumisoakomu umbu ngkoroi baine, umbu ngkoroi-Do Ana Bimba.”

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.

MENGKAAA 5:8

Tempono Do'alao paluluno wunta atuu, mpenggolontu iramo opaa anu tuwu ka ruapulu ka opaa mia mempinemota'u i aro-Do Ana Bimba atuu, singge mia mo'ini aasa katapi ka aasa tonde wulaa, bukeako dupa: onaemo atuu pekakaido mia mempori.

MENGKAAA 6:1

Ka kukitao Ana Bimba atuu umungkahio anu amba-ambano inso a opitu pontondoni atuu, ka kurongeo anu amba-ambano inso a opaa anu tuwu atuu mepau saru suara kana unino rundu, ”Aiwa!”

MENGKAAA 6:16

Ka dompotaeako ira torukuno ka watu atuudo, ”Intehoamo dumunsi kami ka imewuni kamimo inso ndi Ondae, anu mentoro a wawo ngkadera poparentaa ka a ntekuda-Do Ana Bimba atuu.”

MENGKAAA 7:14

Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”