I YOHANE 1:14 - Wunta Mempori

¹⁴ Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:14 ပူးပေါင်းရင်းမြစ်များ

Po'unde-unde 2:7

Akumo paleleo pompakosi-Do i Ue; Dopotae ndi ongkue, ”Omuemo ana-Ku! A oleo andio omue Kupokomengkaako gagi ana.

Po'unde-unde 45:2

Aroaku luluaako luwuno pau tekosi, aku mohaweo powadiku ndi mokole; eloku kana penano asa mia puu mpoburi anu pande ntu'u.

Po'unde-unde 85:9

Aku rumongeo hapa anu Ira pauo Ue Ala, mentee ntu'u, Ondae i Ue Ira mepau mongkona manangai a bawaa-Do ka a luwuno mia anu pinehohawa-Do, ka si dompepokule a benge-bengea.

Yesaya 40:5

asalakono maramba-Do i Ue ta pinokomengkaa ka luwuno mia ira mengkitao mperonga-ronga; mentee ntu'u, Dopauomo i Ue.”

Yesaya 53:2

Kana tumba onae tuwu i aro-Do i Ue ka kana haka inso a wita motu'i. Onae nahi montama ke tengkita maramba ba ikinita, ka nahina a rupano anu weweu kita ineheakono.

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yehesikieli 37:27

Po'ianga-Ku mbo'u ta kongko ndi ondae ka Aku gagi Ue Alado ka ondae gagi bawaa-Ku.

I MATIU 1:16

i Yako me'anaakono i Yusupu kombiano i Maria, anu me'anaako Ira i Yesu anu nineeako i Kerisituu.

I LUKASI 2:11

Oleo andio hina Iramo Puu Pongkaduduimiu, onaemo Ondae i Kerisituu, Ue a ngkotano i Daudi.

I LUKASI 2:7

ka ipe'anaakono aasa ana ntama, anano anu amba-ambano, ka i'amba tumongoakono tahu hawu ka ipomboleo a laro dulado pinotuwu, hangano nahina po'iangado a raha mperatoa.

I LUKASI 9:32

Tempo atuu i Peturu ka wali-walino ntekoturi iramo ka mansado ntelike domengkita Ira i Yesu a laro maramba-Do: ka orua mia anu mentade umpeda ndi Ondae atuu.

I YOHANE 1:1

Amba-ambano onaemo Pau; Pau atuu meronga saru Ondae Ue Ala ka Pau atuu Ondaemo Ue Ala.

I YOHANE 11:40

Sumangki Ira i Yesu, ”Kombake umariomo Kupauakomu: Tewala upe'ala-alao kokumitao maramba-Do Ue Ala?”

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 14:9

Motae Ira i Yesu ndi onae, ”Tehineomo Kuperongaakomiu, Pilipu, sine nahi uto'ori Aku? Ba isema kumita Akumo, ikita Iramo Ondae i Ama; kana'umpe ka upotae: Tisoakamimo Ondae i Ama atuu.

I YOHANE 17:22

Ka Kuweeako iramo marambaa, anu Iweea-Kune, ka domegagi aasa, mengkena kana Ontae aasa koa:

I YOHANE 17:24

Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

I YOHANE 18:37

Onaemo ka ipotaeako Ira i Pilatu, ”Gagi Omiumo mokole?” Sumangki Ira i Yesu, ”Omiu pauo, nine Ongkue mokole. Onaemo ka Kuhina ka onaemo ka Kuhawe i wawontolino andio, ka Kupesakosii mongkona menteea; sompo mia anu inso a menteea merorongeakono pau-Ku.”

I YOHANE 2:11

Mongkona atuu Doweweuo i Yesu i kota Kana i wita Galilea, gagi anu amba-ambano inso a luwuno petondoni-Do ka saru atuu Dopokomengkaaomo maramba-Do, ka dompe'ala-ala Ira ana guru-Do.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 3:18

Ba isema me'ala-ala Ira, nahi ta hinuku; ba isema nahi pompe'ala-ala, lano hinikuomo, hangano nahi pompe'ala-ala a nee-Do Ana-Do Ue Ala Anu Asa-asa.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

I YOHANE 8:32

ka komiu mento'orio menteea, ka menteea atuu ta mokomaradeka komiu.”

WINEWEUDO TINENA 13:33

Do'ihiiomo Ue Ala ndi ontae, inuledo, hangano Dowangu Ira i Yesu, kana anu hinao teburi a wunta penani po'unde-unde ko'orua: Omue Ana-Ku! Kupe'anaako-Mumo a oleo andio.

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

ROMA 9:5

Ondae inuledo luwuno uempu'u, anu umule Ira i Mesia a nteweweu-Do kana mia, anu i wawono luwuakoano. Ondaemo Ue Ala anu asalakono inunde-unde ranta nahina tampulaano. Ami!

1 KORINTI 15:47

Mia amba-ambano te'inso a awu wita ka mekoroi ntolino, mia anu ko'orua te'inso i suruga.

2 KORINTI 12:9

Sine sangki-Do i Ue ndi ongkue, ”Sompoomo pe'aroa-Ku ndi omue, hangano a laro molemamu ka igagi bobotoli pabawa-Ku.” Onaemo pu'uno inehekupo mawongko, ka ipetii pabawa-Do i Kerisituu kumongkomi aku.

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

KOLOSE 1:19

Hangano luwuno sompo-Do Ue Ala ka ipo'ia i laro-Do,

KOLOSE 2:3

hangano i laro-Do tewuni luwuno arataa ponto'ori mentee ka pande.

KOLOSE 2:9

Hangano i laro-Domo ipo'ia montonda koroi luwuno bukeano pe'Ue Alaa,

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 1:5

Hangano ndi sema i olodo mala'eka atuudo hori Ira motae, ”Ana-Ku Omue! Kupe'anaakomumo oleo andio?” ka ”Aku gagi Ama-Do, ka Ondae Ira gagi Ana-Ku?”

IBARANI 10:5

Onaemo pu'u tempono Dopewinso i wawontolino, mepau Ira, ”Pesomba ka anu pinesombaako nahi Ipe'eheo – sine koroi Ipatindaa-Kunemo –.

IBARANI 2:11

Hangano Ondae anu mompokomempori ka ondae anu mempinokomempori, luwudo tepu'u inso a anu Aasa; onaemo pu'uno nahi makoko'ii-Do moboiako ira pepaekompo,

IBARANI 5:5

Kanandio koa mbo'u Ondae i Kerisituu nahi Dopokomarambao Ondae-Do koroi-Do gagi Sando Mpesomba Langkai, sine Ondae anu mokomaramba Ira anu mepau, ”Ana-Ku Omue! Omue Kupe'anaako-Mu oleo andio.”

1 YOHANE 4:14

Ka kimengkitaomo ka mpesakosii, nine Dotena Iramo i Ama Ana-Do gagi Puu Pongkaduduino wawontolino.

1 YOHANE 4:9

I ndi'aimo pompehohawa-Do Ue Ala ipinokomengkaa i tonga-tongato, onaemo nine Dotena Iramo Ue Ala Ana-Do anu asa-asa aiwa i wawontolino, ka tomentuwu hangano Ondae.

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.

MENGKAAA 19:13

Ka Ondae mompokona lemba meloe anu inemoomo a rea ka nee-Do onaemo, ”Pau-Do Ue Ala.”

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.