I YOHANE 1:12 - Wunta Mempori

¹² Sine luwuno mia anu tumarima Ira Dopoweeako ira pabawa ka domegagi ana-Do Ue Ala, onaemo ondae anu mpompe'ala-ala a nee-Do;

I YOHANE 1:12 ပူးပေါင်းရင်းမြစ်များ

2 Samueli 7:24

Ipokoroso iramo bawaa-Miu Isaraeli gagi bawaa-Miu ranta nahina tampulaano, ka Omiu, oo Ue, gagi Ue Alado.

Yesaya 56:5

ndi ondae Aku weeako ira laro raha-Ku ka i horino rere watu po'ianga-Ku asa tondonino pepopoto'ori ka nee, anu moikoopo sekonopo luwuno nana'ote ntama ka beine, asa nee nahi bali anu nahi ta tampula Aku weeako ira.

Yeremia 3:19

Kupewowoloo, ”Mentee ntu'u Aku pakosiko gagi nana'ote-Ku ka moweeakomu wita anu tekosi, tia pusaka anu lalu tekosi inso a luwuno tongku. Kupewowoloo, omue komoboi Aku: Amaku, ka nahi komewolili mebinta Aku.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

I MATIU 10:40

Ba isema tumotowo komiu, itotowo Aku, ka ba isema tumotowo Aku, itotowo Ira anu tumena Aku.

I MATIU 12:21

Ka ndi Ondaemo pomperorohiado luwuno tongku.”

I MATIU 18:5

Ka ba isema anu tumarimao asa nana'ote kanandio a nee-Ku, Ongkuemo tinarimano.”

I YOHANE 1:11

Hawe Ira a mia-Do, sine mia-Do atuudo nahi domentarima Ira.

I YOHANE 1:7

onae hawe gagi sakosii sumakosiio mongkona mewine atuu, ka dogagi mpompe'ala-ala luwu mia hangano onae.

I YOHANE 11:52

ka komba butu tiano tongku atuu, sine ka itepumpu mbo'u ka mo'asa ira ana-Do Ue Ala anu ntesiarawo.

I YOHANE 2:23

Ka kontongaa-Do i Yerusale tempono oleo langkai Pasa, hadio mpompe'ala-ala a nee-Do, hangano domengkitaomo luwuno petondoni anu wineweu-Do.

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

I YOHANE 3:18

Ba isema me'ala-ala Ira, nahi ta hinuku; ba isema nahi pompe'ala-ala, lano hinikuomo, hangano nahi pompe'ala-ala a nee-Do Ana-Do Ue Ala Anu Asa-asa.

WINEWEUDO TINENA 3:16

Ka hangano pompe'ala-ala a Nee-Do i Yesu, ka Neemo atuu mokorosoo mia anu kinitamiu ka anu tino'orimiu andio; ka pompe'ala-alamo atuu anu mokotompao mia andio i aromiu luwu.

ROMA 8:14

Luwuno mia anu tinaate-Do Penaa-Do Ue Ala, ondaemo ana-Do Ue Ala.

ROMA 8:16

Penaa atuu mesakosii meronga saru penaato, nine ontaemo ana-Do Ue Ala.

ROMA 8:19

Hangano tedoa domengkekewoio luwuno anu tuwu mensikorio tempo domempinokomengkaa ana-Do Ue Ala.

GALATIA 3:26

Nde luwumiu onaemo ana-Do Ue Ala hangano pompe'ala-ala ndi Ondae i Yesu Kerisituu.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

KOLOSE 2:6

Imentarima Iramo i Kerisituu Yesu, Ueto. Onaemo pu'uno po'ineeomo tuwumiu ka kongko mpiha ndi Ondae.

2 PETURU 1:4

Mesala kanatuu Doweeakitamo luwuno dandi anu masuli olino ka anu tedoa langkai, ka ihangano onae moiko impo'ala tia a pabawa-Do i Ue, ka mentola inso a mpo'eheno aroa ntolino anu sumolangio wawontolino.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.