I MATIU 9:6 - Wunta Mempori

⁶ Sine ka imento'orio, nine i wawontolino andio i Ana Manusia pabawa mo'ampuni hala” — ka i'amba mepau Iramo a mia luuka atuu —, ”Pewangumo, tandeomo poturiamu ka pekulemo i rahamu!”

I MATIU 9:6 ပူးပေါင်းရင်းမြစ်များ

Yesaya 43:25

Ongkue, Ongkuemo Onae anu umoninio pe'ewamu hangano Ongkue-Ku, ka nahi Kupewowoloo halamu.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

I MATIU 4:24

Ka tepalele iramo i asa wawo wita Siria ka mewinawa iramo luwuno mia anu nahi moiko teweweudo, anu memarasaiako mperupa-rupa haki ka tebobarasaia, anu pinewinsokino onitu nsa'o, anu matewula ka anu puungku, ka Do'amba i Yesu mokotompa ira.

I MATIU 8:20

Dopotae i Yesu ndi onae, ”Serigala hinao aano ka manu-manu hinao senono, sine i Ana Manusia nahina po'ianga pomboleano ulu-Do.”

I MATIU 9:2

Ka domewawaomo mia ndi Ondae aasa mia luuka anu kombole-mbole a mpoturiano. Mansa-Do kumitao i Yesu pompe'ala-alado, mepau Iramo a mia luuka atuu, ”Pe'ala-alaomo, hei ana-Ku, halamu inampuniomo.”

I MATIU 9:5

Isuake anu lalu moruana, motae: Halamu inampuniomo, ke motae: Pewangumo ka pelempamo?

I MATIU 9:7

Ka mewanguomo mia atuu ka ipekule.

I MARAKUSU 2:10

Sine ka imento'orio, nine i wawontolino andio i Ana Manusia pabawa mo'ampuni hala” — Dopotaeakono mia luuka atuu —,

I MARAKUSU 2:7

”Tembio mia andio ka ipepau kanatuu? Ipepauikoako Ira Ue Ala. Isema anu mokompo'ampuni hala sangkadio Ondae Ue Ala?”

I LUKASI 5:21

Sine anu mponto'ori Taura ka to Parisi mpompewowolo i laro aroado, ”Isemake mia anu mepaukiako Ira Ue Ala andio? Isema anu polio mo'ampuni hala sangkadio Ondae Ue Ala?”

I YOHANE 10:28

ka Kupoweeako ira tuwua anu nahina tampulaano ka manasa nahi ira memate hawe nahina tampulaano ka maupo te'asa mia nahi ta hina rumontu ira inso a ngkae-Ku.

I YOHANE 17:2

Mengkena kana Ipoweeako Iramo pabawa a luwuno anu tuwu, kanatuu koa mbo'u Ira moweeako ira tuwua anu nahina tampulaano a luwuno anu Iweeako Iramo.

I YOHANE 5:27

Ka Dopoweeako Iramo pabawa ka Dopobitara, hangano Ondae Ana Manusia.

I YOHANE 5:8

Dopotae i Yesu, ”Pewangumo, tandeomo poturiamu ka pelempamo.”

WINEWEUDO TINENA 5:31

Ondaemo anu Dotandeakono kae ngkoana-Do Ue Ala gagi Petewawa ka Puu Pongkadudui, ka dompokontepidi to Isaraeli ka mpontarima po'ampunia hala.

WINEWEUDO TINENA 9:34

Motae i Peturu ndi onae, ”Eneasi, Ondae i Yesu Kerisituu mokotompako; pewangumo ka pakaleomo poturiamu!” I tempo koa mbo'u atuu mewanguomo mia atuu.

2 KORINTI 2:10

Hangano ba isema anu inampunimiu salano, ku'ampunio koa mbo'u. Hangano tewala ku'ampunio, – ba hinao anu asalakono ka ku'ampunio –, ka mongkona atuu kuweweuo hangano omiu i aro-Do i Kerisituu,

2 KORINTI 5:20

Gaagi omami andio onaemo tinena-Do i Kerisituu, kana Ondae Ue Ala patudu komiu mesala ndi omami; a nee-Do i Kerisituu kime'emao ndi omiu: imesintuwumo saru Ondae Ue Ala.

EPESU 4:32

Sine po'ineeomo ka imemambe pe'aroaako, buke pompehohawa ka mambe'ampuni, kana Ondae Ue Ala Do'ampunikomiumo ndi Ondae i Kerisituu.

KOLOSE 3:13

Imemambe sabaramo, ka imemambe ampunimo tewala asa mia monaa-naa aroa a walino, mengkena kana Ondae i Ue Do'ampuni komiumo, imeweweuomo mbo'u kanatuu.