I MATIU 8:11 - Wunta Mempori

¹¹ Kupauakomiu: Hadio mia ira mehawe inso i sabaano oleo ka sumooano oleo ka mpentoro mpongkaa mperonga-ronga saru i Burahima, i Saki ka i Yako a laro Poparentaa suruga,

I MATIU 8:11 ပူးပေါင်းရင်းမြစ်များ

Tegagia 12:3

Aku rumonso ira mia anu rumonsoko, ka tumotonaa ira mia anu tumotonaako, ka hangano omue luwuno suku i wawontolino ira mpohawe ronso.”

Tegagia 22:18

Molalo inulemu luwuno tongku i tolino ira mpohawe ronso, hangano omue momperorongeako pau-Ku.”

Tegagia 28:14

Inulemu ira megagi kana awu wita hadiono, ka omue kotesiarawo te'alaako i sabaano oleo, i sumooano oleo, i utara ka i selata ka hangano omue saru inulemu luwuno suku i wawontolino ira mpohawe ronso.

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 49:12

Kitao, hinao mia hawe inso a olaiano, hinao anu inso i utara ka inso i sumooano oleo, ka hinao anu inso i wita Sinimi.”

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 52:10

Dopopokitaomo i Ue kae-Do anu mempori i arono matado luwuno tongku; luwuno tompano tolino kumitao tekaduduia inso ndi Ondae Ue Alato.

Yesaya 59:19

Mia ta doitoakono nee-Do i Ue i sumooano oleo ka a maramba-Do i sabaano oleo, hangano Ira hawe kana uwoi mansolo anu idandao penaa-Do i Ue.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

I MATIU 21:41

Mpotae ira ndi Ondae, ”Onae ta mepate ira mia memosa'o atuudo ka lere anggorono ta metamboakono a mia mpo'angga lere anu susua anu ta weeakono hasilino ia tempono.”

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

I MATIU 3:2

”Intepidimo, hangano Poparenta Nsuruga rangkuomo!”

I MATIU 8:10

Mansa-Do rumongeo i Yesu mongkona atuu, kohali-hali Iramo ka Dopotae ndi ondae anu tumonda Ira, ”Kupauakomiu, menteeano pompe'ala-ala langkai kanandio nahi Kuhori mohawe maupo te'asa mia i olodo to Isaraeli.

I LUKASI 12:37

Meme'ura iramo ata anu ihawe ira uedo mpedaga-dagai tempono ihawe. Kupauakomiu: Menteeano onae ta meboo ntonga ka itena ira mpentoro mpongkaa, ka onae ta aiwa mekakaako ira.

I LUKASI 16:22

Ka i'amba mateomo mia mongkokolaro atuu, ka do'amba mewawao mala'eka a mpo'awiano i Burahima.

WINEWEUDO TINENA 10:45

Ka luwuno mia mpompe'ala-ala inso anu mentondao gau mpetindi anu mentondao i Peturu, mengkohali-hali, hangano mengkitao, nine Penaa Mempori pinotii koa mbo'u a tongku susua,

WINEWEUDO TINENA 11:18

Mansado merongeo mongkona atuu, rodoomo aroado, ka do'amba me'unde-unde Ira Ue Ala, dompotae, ”Gaagi a luwuno tongku susua mbo'u Ondae Ue Ala moweeako ira tepidia anu wawa ira a ntuwua.”

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

WINEWEUDO TINENA 14:27

Sahawedo i tu'ai dopoboi ira bawaa mpepumpu, ka do'amba tumutuluo luwuakoano anu wineweu-Do Ue Ala mesala ndi ondae, ka nine Do'ungkahiako iramo tongku susua pewowa a pompe'ala-ala.

1 KORINTI 15:20

Sine anu mentee onaemo, nine Ondae i Kerisituu winangu Iramo inso i olodo mia mate, gagi anu amba-ambano inso a mia anu memate iramo.

1 KORINTI 6:9

Ke nahi imento'orioke, nine mia anu nahi domemoleo nahi ira mpohawe tia a laro Poparentaa-Do Ue Ala? Si ntepopo'oo! Mia mebelesu, mpesomba a lahumoa, mia mpososabo, salabai, tama mewowaliako tama,

EPESU 3:6

onaemo nine anu komba to Yahudi, hangano Lele Mawongkoa, megagi ira mbo'u mpompe'umbu pusaka ka luwuno parewa ngkoroi ka mpetonda a laro dandi anu wineeako a ntepo'asaa ndi Ondae i Kerisituu Yesu.

KOLOSE 3:11

mongkona andio nami hina mbo'u to Yunani ke to Yahudi, mia metindi ke mia nahi petindi, to Barabara ke to Sikiti, ata ke mia maradeka, sine luwuno Ondae i Kerisituu ka a luwuakoano.

2 TESALONIKA 1:5

aasa tondonino mongkona moleono pobitara-Do Ue Ala, anu mokomengkaao nine omiu tekona gagi palili a Poparentaa-Do Ue Ala, omiu anu kanandio-andio memarasai hangano Poparentaa atuu.

MENGKAAA 7:6

inso a nsuku Asere hopulu ka orua nsowu, inso a nsuku Napatali hopulu ka orua nsowu, inso a nsuku Manase hopulu ka orua nsowu,