I MATIU 7:21 - Wunta Mempori

²¹ Komba sompo mia anu mebooli ndi Ongkue: Ue, Ue! ta mewinso a laro Poparentaa suruga, tendeano mia anu weweuo po'ehe-Do Ama-Ku anu i suruga.

I MATIU 7:21 ပူးပေါင်းရင်းမြစ်များ

I MATIU 12:50

Hangano isema anu weweuo po'ehe-Do Ama-Ku i suruga, onaemo pepaekompo-Ku tama, pepaekompo-Ku beine, ka ine-Ku.”

I MATIU 16:17

Dopotae i Yesu ndi onae, ”Me'urakomo Simo anano i Yunu hangano komba mia anu mokomengkaao atuu ndi omue, tendeano Ondae Ama-Ku anu i suruga.

I MATIU 18:10

Impopesu'ui, si hina mompokongkodei te'asa inso a nana'ote kodei andiodo. Hangano Kupauakomiu: Hinao mala'ekado i suruga anu wela kumitao rupa-Do Ama-Ku anu i suruga. [

I MATIU 18:19

Ka Kupauakomiu mbo'u: Tewala orua mia inso ndi omiu i wawontolino andio moroko mo'ema hapamo koa, po'emado atuu ira uminduo AmaKu anu i suruga.

I MATIU 18:3

Ka Do'amba motae, ”Kupauakomiu, menteeano tewala nahi ntepidi ka gagi kana nana'ote kodei andio, nahi komiu mpewinso a laro Poparentaa Suruga.

I MATIU 18:35

Ka Ondae Ama-Ku anu i suruga Ira moweweu kanatuu mbo'u ndi omiu, tewala singge mia nahi ampunio pepaekompono tompaano aroano.”

I MATIU 19:24

Pohona mbo'u Kupauakomiu, moruanaopo asa unta mewinso telalo a bolono seu sekonopo asa mia kaea mewinso a Poparentaa-Do Ue Ala.”

I MATIU 25:10

Sine, tempono dontepusa melako mpo'oli, haweomo umbu ngkoroi atuu ka ondae anu ntetinda iramo mpewinso mperonga saru onae a bolongko pelimbua petaoa, ka i'amba tinondo pewowa.

I MATIU 25:21

Onaemo ka ipotae ueno atuu ndi onae: Moiko ntu'u wineweumu atuu, hei ataku anu moiko ka metenunu; metenunukomo a wineweu kodei, aku me'ala-alaakomu anggaa anu langkai. Pewinsomo ka petondamo a me'uraano uemu.

I MATIU 26:39

Ka Dopelelaako tedei, ka Do'amba menggolontu mesomba ka mekakai, Dopotae, ”Oo Ama-Ku, ba mansa Ipemoikoo, po'ineeomo tonde andio ka itelalo inso ndi Ongkue, sine siimo kana po'ehe-Ku, tendeano kana po'ehe-Miu.”

I MATIU 26:42

Ka Do'amba lumako anu kompenduano ka Dopekakai, Dopotae, ”Oo Ama-Ku tewala nahi pemoikoo tonde andio itelalo, sangkadio ba Ku'inuo, ka igagimo po'ehe-Miu!”

I MARAKUSU 3:35

Ba isema weweuo po'ehe-Do Ue Ala, onaemo pepaekompo-Ku tama, onaemo pepaekompo-Ku beine, onaemo ine-Ku.”

I MARAKUSU 9:47

Ka tewala matamu mopo'ooko, gogoiomo, hangano moikoopo upewinso a laro poparentaa-Do Ue Ala memata aasa sekonopo memata orua ka upinetadiako a laro naraka,

I LUKASI 11:28

Sine Dopotae, ”Anu me'ura onaemo ondae anu mporonge pau-Do Ue Ala ka anu mpekariao.”

I LUKASI 13:25

Tewala mentadeomo umbu raha ka itondoomo pewowa, komiu mpentade i bungkuno ka metingko-tingkoo tondo saru mpotae: Ue, I'ungkahiakami tondo! Ka Ira sumangki ka motaeakomiu: Nahi Kuto'orio ba isua ime'inso.

I LUKASI 18:25

Hangano moruanaopo aasa unta mewinso a bolono seu sekonopo aasa mia kaea mewinso a laro Poparentaa-Do Ue Ala.”

I LUKASI 6:46

”Tembio ka impebooli ndi Ongkue: Ue, Ue, kahinaano nahi meweweuo hapa anu pinau-Ku?

I YOHANE 14:7

Tewala imento'ori Aku, manasa imento'ori Ira mbo'u Ama-Ku. Kanandio-andio imento'ori Ira ka imengkita Iramo.”

I YOHANE 15:23

Ba isema umo'aliaa-Kune, i'o'aliaako Ira mbo'u Ama-Ku.

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 5:17

Sine Dopotaeako ira, ”Ondae Ama-Ku mo'angga Ira hawe kanandio-andio, onaemo ka Kupo'angga mbo'u.”

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 2:13

Hangano komba mia anu moronge songka Taura anu mentee i aro-Do Ue Ala, sine mia koa anu weweuo songka Taura anu pinokomentee.

EPESU 6:6

si komba butu i arodo ka isanaa aroado mia, sine kana tetenaa-Do i Kerisituu anu meweweuo po'ehe-Do Ue Ala tompaano aroado,

KOLOSE 4:12

Tabeano i Eparasi ndi omiu; onae asa mia inso i olomiu, tetenaa-Do i Kerisituu Yesu, anu mokua wela mekakaiakomiu, ka imemoroso mpentade, gagi mia anu sompo tinuwudo ka anu mpe'ala-alao ntu'u luwuakoano anu po'ehe-Do Ue Ala.

1 TESALONIKA 4:3

Hangano ndiomo po'ehe-Do Ue Ala: pokomemporiamiu, onaemo ka ime'olaiakono pebelesua,

1 TESALONIKA 5:18

Impontarimakasimo a luwuakoano, hangano onaemo po'ehe-Do Ue Ala ndi omiu a ntepo'asaa ka Ondae i Kerisituu Yesu.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

IBARANI 4:6

Gaagi mengkaaomo, nine hinao asa ntia mia ira mpewinso a mpo'ianga penaa-naaa atuu, sekono ondae anu ntese'elu domempinaleleako lele mawongkoa atuu, nahi dompewinso hangano nahi dompomperorongeako.

YAKOBU 1:22

Sine ka imegagimo anu meleluakono pau ka komba butu anu mporonge mpena; hangano tewala komba kanandio imempopo'oo omiu-miu koroimiu.

1 PETURU 2:15

Hangano onaemo andio po'ehe-Do Ue Ala, onaemo saru poweweu moiko ka imempokongkomino ira mia anu mebenge-benge anu nahi malua pinewowolodo.

1 PETURU 4:2

ka si mempakeo tempo anu da hinao montonda mosisirino mia, sine montonda po'ehe-Do Ue Ala.

MENGKAAA 2:27

ka onae ta parentaako ira tuko labu; ondae ira mempinuro kana kuro witano puu ponsuu – mengkena kana anu tinarima-Ku inso ndi Ondae Ama-Ku –

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

MENGKAAA 3:5

Ba isema monangi, onae ta pinokonaako sangka mopute anu kanandio; Nahi Aku pahihio neeno inso a wunta tuwua, tendeano Aku mangakuakono neeno i aro-Do Ama-Ku ka i arodo luwuno mala'eka-Do.