I MATIU 7:2 - Wunta Mempori

² Hangano kana koa pobitaramiu, kanatuu koa mbo'u komiu mebinitara ka kana koa ponsa'umiu, onae koa mbo'u komiu mensina'uako.

I MATIU 7:2 ပူးပေါင်းရင်းမြစ်များ

2 Samueli 21:5

Umarino atuu mpepau iramo ndi ondae mokole, ”Inso a mia anu mingki rumopu kami ka anu montoo ta rumopu kami, ranta nahi kimpohawe po'ianga maupo isuamokoa i wita Isaraeli,

Po'unde-unde 109:17

Ikekewoio totonaa, onaemo ka itetotonaa; onae nahi behe ronso, onaemo ka i'olai ronso inso ndi onae.

Peluarakoa 21:24

mata ineuako mata, ngisi ineuako ngisi, kae ineuako kae, karu ineuako karu,

Yesaya 33:1

Masolakomo ntu'u, hei anu monsolangi anu napi sinolangi, ka omue, hei puu mporuntu anu napi rinontu! Tewala umarikomo monsolangi, omue isa'a kosinolangi; tewala omue umari morontu, omue isa'a korinontu.

Yeremia 34:17

Onaemo pu'uno kanandiomo pau-Do i Ue: Omiu nahi meronge Aku nine sompo mia asalakono mopoto'orio pompotolaa a mpe'asa miano ka a mpepaekompono. Onaemo pu'uno, Ongkue mopoto'oriakomiu pompotolaa, kanandiomo pau-Do i Ue, ka ipineweengako a mponai, haki lele ka mokoninggoa. Aku weweu komiu gagi mongkokongiriado luwuno poparentaa i tolino.

Yeremia 51:24

Aku mombalo ndi Babeli ka a luwuno palilino witado to kasidimi hangano luwuno mosa'oa anu domeweweuomo ndi Sioni, i arono matamu, kanandiomo pau-Do i Ue.

Obaja 1:15

Hangano oleo-Do i Ue rangkuomo umaluo luwuno tongku. Kana anu wineweumu, kanandiomo ta wineweu ndi omue, wineweumu ta mepokule umaluo ulumu omuemu.

I MATIU 6:14

Hangano tewala ime'ampunio salado mia, Ondae Amamiu i suruga Ira umampuni komiu mbo'u.

I MARAKUSU 4:24

Ka Do'amba motae mbo'u, ”Impe'ihi laroomo hapa anu rinongemiu! Ponsa'u anu pinakemiu mponsa'uako ta sina'uako ndi omiu, ka umarino atuu komiu mentiniangiako mbo'u.

I LUKASI 6:38

Impompoweemo ka komiu mempinowee: aasa ponsa'u anu moiko, anu pinokomodato, anu hineho ka anu te'uwu i bungkuno ta tinawa a laro mpo'awiamiu. Hangano ponsa'u anu imponsa'uako, komiu mensina'uako.”

2 KORINTI 9:6

Impe'ihilaroomo andio: Mia anu morawo tedei, ta sumowi tedei koa mbo'u, ka mia anu morawo hadio, ta sumowi hadio koa mbo'u.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

MENGKAAA 18:6

Pombalomo ndi onae, mengkena kana onae mbo'u mombalo, ka weeakonomo meluka mpendua montonda inanggano, saloakonomo meluka mpendua a laro tonde ponsaloano;

Puu Mpobitara 1:7

Motae i Adoni-Bese, ”Hinao pitupulu mokole anu tinotopi ine ntoniso kaeno saru ine ntoniso karuno. Mpobini ira toreano kaanga a ntoto medaku; kanamo anu wineweuku, kanandiomo Dosulooakune i Ue Ala ndi ongkue.” Ka do'amba mewawao i Yerusale, ka imate i ra'ai.

Puu Mpobitara 5:27

Tebangku mia atuu a olono karuno, tedonta mate tepombole, tebangku ka tedonta a olono karuno, ia tebangkuano, i ra'aimo mia atuu imate.

1 Samueli 15:33

Sine ipotae i Semueli, ”Kana pinembasaido hadio beine anu ntetadi anado hangano ponaimu, kanatuukoa mbo'u ta membasaio inemu tetadi anano i olodo hadio beine.” Ka i'amba i Semueli sumumbeleo i Aga i aro-Do i Ue i Giliga.