I MATIU 7:14 - Wunta Mempori

¹⁴ hangano ma'iso pewowa ka kodei sala anu te'aro a ntuwua, ka tedei mia anu humaweo.”

I MATIU 7:14 ပူးပေါင်းရင်းမြစ်များ

Po'unde-unde 16:11

Omiu pauakune sala ntuwua; i aro-Miu hinao mawongkoa anu hadio ntu'u, a ngkae koana-Miu hinao mpiha momoikoa.

Powadi 8:20

Melempa aku a nsala menteea, i tonga-tongano sala moleoa,

Yesaya 30:21

Birimu ta rumongeo pau andio inso i bungkumu, ”Ndiomo salano, pelempamo tumondao,” tewala komiu mpekoana ke mpemanggali.

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yesaya 57:14

Hinao anu mepau, ”Ungkahiomo, ungkahiomo, patindaomo sala. Tandeomo watu tetidua inso a nsalado bawaa-Ku!”

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

I MATIU 20:16

Kanandiomo mia anu pokotompa ta gagi anu tese'elu ka anu tese'elu ta pokotompa.”

I MATIU 22:14

Hangano hadio anu mempinoboi, sine tedei anu bininiki.”

I MATIU 7:13

Impewinsomo a mpewowa anu ma'iso atuu, hangano langkai pewowa ka malua sala anu te'aro a matea, ka hadio mia anu mpewinso telaloio;

I MATIU 7:15

”Imetangkoro ira nabi mpegaupi anu mehawe ndi omiu kana bimba, sine menteeano ondae onaemo serigala anu lambaha.

I MARAKUSU 8:34

Ka Do'amba i Yesu moboi ira mia hadio ka ana guru-Do ka Dopotaeako ira, ”Sompo mia anu ineheno tumonda Aku, asalakono ka ihapuo koroino, po'ahao keu pinotambano ka itonda Aku.

I LUKASI 12:32

Si medoito, hei omiu bawaa kodei! Hangano Ondae Amamiu Dopemoikomo weeakomiu Poparentaa atuu.

I YOHANE 16:2

Komiu meliniahako, tendeano ta hawe tempono nine sompo mia anu mepate komiu ira mpotae nine mpesomba ira ndi Ondae Ue Ala.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 9:32

Hapa pu'uno? Hangano to Isaraeli me'ungkeo komba hangano pompe'ala-ala, sine hangano wineweu. Mentetidu ira a watu tetidua,