I MATIU 7:12 - Wunta Mempori

¹² ”Luwuakoano anu inehemiu ka domeweweuo mia ndi omiu, weweuomo mbo'u kanatuu ndi ondae. Onaemo ihino luwuno songka Taura ka wuntado nabi.

I MATIU 7:12 ပူးပေါင်းရင်းမြစ်များ

Yehesikieli 18:21

Sine, tewala mia mosa'o gauno tepidi inso a luwuno hala anu wineweuno ka me'ini a luwuno pompakosi-Ku saru weweuo moleoa ka menteea, ka onae manasa tuwu, nahi ta mate.

Imama 19:18

Siimo potuntu pobalasi, ka siimo ponaa-naa aroa a luwuno mia pe'asa tongkumu, tendeano pehohawaomo pe'asa miamu kana koroimu. Ongkuemo Ue.

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 5:17

”Si mengkolaro-laro, nine Aku hawe mokotampulao songka Taura ke wuntado nabi. Hawe-Ku komba mokotampulao, tendeano Aku umihiio.

I LUKASI 6:31

Ka ba kana'umpe inehemiu ka domeweweuo mia ndi omiu, kanatuumo mbo'u imeweweuo ndi ondae.

1 TIMOTIU 1:5

Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

YAKOBU 2:8

Sine, tewala impeleluakono songka anu lalu i wawono anu teburi a Wunta Mempori, ”Pehohawaomo pe'asa miamu kana koroimu,” moiko wineweumiu.