I MATIU 6:9 - Wunta Mempori

⁹ Onaemo pu'uno impekakaimo kanandio: Amamami anu i suruga, nee-Miu ka ipinokomempori,

I MATIU 6:9 ပူးပေါင်းရင်းမြစ်များ

2 Samueli 7:26

Nee-Miu ta gagi langkai ranta nahina tampulaano ka dompotae mia, ’Ondae Ueno luwuakoano, onaemo Ondae Ue Alado to Isaraeli.’ Inuleno i Daudi, tetenaa-Miu andio ta moroso i aro-Miu.

1 Mokole 8:43

po'ineeomo Irongeo mbo'u i suruga, po'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoako-Miu mengkena kana bawaa-Miu Isaraeli. Onaemo ka domento'orio nine raha anu kuwanguomo andio pinesusua tiano nee-Miu.

1 Tawarika 17:24

Po'ineeomo atuu ipinokoroso ka nee-Miu ta gagi langkai ranta nahina tampulaano, ka dompotae mia, ’Ueno luwuakoano, Ue Alano i Isaraeli onaemo Ue Alado to Isaraeli.’ Inuleno i Daudi tetenaa-Miu anu moparenta, ta moroso i aro-Miu.

2 Tawarika 20:6

ka ipotae, ”Oo Ue, Ue Alado uempu'umami, komba Omiuke Ue Ala i laro nsuruga? Komba Omiuke moparenta a luwuno poparentaa tongku? Pabawa ka roso kongko a laro ngkae-Miu, ranta nahina mia anu mokopolio umewai Komiu.

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Po'unde-unde 111:9

Doweeako ira potolaa a bawaa-Do, Dopakosio ka ipinake dandi-Do ranta nahina tampulaano; mempori ka mongkokongiriomo nee-Do.

Po'unde-unde 115:3

Ondae Ue Alato kongko i suruga! Ondae weweuo hapa anu inehe-Do.

Po'unde-unde 72:18

Inunde-unde Iramo i Ue, Ue Alado to Isaraeli, asa-asa-Do weweuo wineweu kinohali-haliako!

Yesaya 37:20

Onaemo pu'uno, oo Ue, Ue Alamami, Ikadudui kamimo inso a ngkaeno, kai to'orio luwuno poparentaa i tolino nine butu koa Omiu Ue.”

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

Yesaya 63:16

Kombake Omiu Amamami? Mentee ntu'u, i Burahima nahi to'ori kami, ka Isaraeli nahi dome'akui kami. Oo Ue, Omiu isa'a Amamami; nee-Miu Puu pontolosimami mompu'u i ndi'ipua se'eluno.

Yesaya 64:8

Sine kanandio-andio, oo Ue, Omiumo Amamami! Omami andio wita pulu ka Omiumo anu weweu kami, luwumami onaemo wineweuno kae-Miu.

Yesaya 66:1

Kanandiomo pau-Do i Ue: Langi onaemo kadera poparentaa-Ku ka tolino onaemo pelandaano karu-Ku; raha hapake komiu mpowangua-Kune, ka po'ianga hapake anu ta gagi penaa-naaa-Ku?

Yehesikieli 36:23

Aku mokomemporio nee-Ku anu langkai anu kinokoburutiomo i olodo luwuno tongku, ka anu kinokoburutimiu i tonga-tongado. Ka luwuno tongku ira mento'orio nine Ongkuemo Ue, kanandiomo pau-Do Ue Ala, tempono Kupopokitao mempori-Ku ndi omiu i arodo luwuno tongku.

Yehesikieli 38:23

Aku mopokitao langkaino pabawa-Ku ka mempori-Ku, saru mokomengkaao koroi-Ku i arodo hadio tongku. Ka ira mento'orio nine Ongkuemo Ue.

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

Habaku 2:14

Hangano tolino ta bukeako ponto'ori mongkona maramba-Do i Ue, kana uwoi tumutuwio tahi molue.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

I MATIU 10:29

Kombake orua manu-manu dena inasa olino asa doi? Sine maupo te'asa inso ndi onae nahi ta tedonta i tolino ba nahi po'ehe-Do Amamiu.

I MATIU 23:9

Ka si mpopewua ama maupo isema i tolino andio, hangano aasa koa Amamiu, onaemo Ondae anu i suruga.

I MATIU 26:29

Sine Kupauakomiu: mompu'u kanandio-andio nahi Aku mo'inu mbo'u hasilino keu anggoro andio hawe a oleo ka Ku'inuo, onaemo anu wo'ohu merongaakomiu a laro Poparentaa-Do Ama-Ku.”

I MATIU 26:42

Ka Do'amba lumako anu kompenduano ka Dopekakai, Dopotae, ”Oo Ama-Ku tewala nahi pemoikoo tonde andio itelalo, sangkadio ba Ku'inuo, ka igagimo po'ehe-Miu!”

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I MATIU 5:48

Onaemo pu'uno asalakono ka imemempori, mengkena kana mempori Amamiu anu i suruga.”

I MATIU 6:14

Hangano tewala ime'ampunio salado mia, Ondae Amamiu i suruga Ira umampuni komiu mbo'u.

I MATIU 6:6

Sine tewala komekakai, pewinsomo a laro bolongkomu, tondoomo pewowa ka pekakaimo ndi Ondae Amamu anu kongko a ntewuniano. Ka Ondae Amamu kumitao anu tewuni Ira sumuloakomu.

I MATIU 7:11

Gagi tewala omiu anu mpoweweu mosa'o mponto'ori komiu mpompowee anu moiko a anamiu, tamoako Ondae Amamiu anu i suruga! Ira koa mompowee anu moiko a mia anu mo'ema ndi Ondae.”

I LUKASI 15:18

Aku mentade lumako ndi ondae amaku ka motaeako ira: Ama, tehala akumo i suruga ka ndi omiu ama,

I LUKASI 15:21

Motae ana atuu ndi onae: Ama, tehala akumo i suruga ka ndi omiu, nami pototoku mbo'u pinotaeako anamiu.

I LUKASI 2:14

”Marambaa tia-Do Ue Ala a mpo'ianga anu lalu i wawono ka rodoa i tolino i olodo mia anu pinemoiko-Do.”

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

ROMA 1:7

Ndi omiu luwu anu mpo'ia i Roma, anu pinehohawa-Do Ue Ala, anu mempinoboi ka mempinokogagi mia mempori: Pompehohawa ka pe'aroa kumongkomi komiu ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu.

ROMA 8:15

Hangano omiu nahi mpontarima penaa te'ataa anu weweu komiu gagi medoito mbo'u, sine mpontarima komiumo Penaa anu mokogagi komiu ana-Do Ue Ala. Hangano Penaa atuu ka tompebooli, ”Oo Aba, oo Ama!”

GALATIA 1:1

Inso ndi Paulu, asa mia tinena, komba hangano mia, komba mbo'u hangano asa mia, tendeano hangano Ondae i Yesu Kerisituu ka Ondae Ue Ala, Ama, anu wangu Iramo inso i olodo mia mate,

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

1 PETURU 1:17

Ka tewala imeneeako Ira Ama, onaemo Ondae anu nahi Dopompesusua bitarao luwuno mia montonda wineweuno, ka po'ineeomo ka imentuwu a laro doitoa tempono imperato i wawontolino andio.

MENGKAAA 4:11

”Oo Ue ka Ue Alamami, Omiu tekona tumarimao po'unde-unde ka pompelangkai ka pabawa; hangano Ipokogagiomo luwuakoano; ka hangano po'ehe-Miu luwuno atuu hinao ka pinokogagi.”

MENGKAAA 5:12

dompotae saru suara meroku, ”Ana Bimba anu sinumbele atuu tekona ka Dotarimao pabawa, ka kaeaa, ka ponto'ori anu mentee, ka roso, ka pompelangkai, ka marambaa, ka po'unde-unde!”