I MATIU 5:7 - Wunta Mempori

⁷ Me'uraomo mia anu me'aroa, hangano ira mpohawe pe'aroaa.

I MATIU 5:7 ပူးပေါင်းရင်းမြစ်များ

2 Samueli 17:28

poturia, bolusa uwoi, kuro ka gandu, jelai, tarigu, gandu rinarami, sanggore kara, sanggore motaha,

2 Samueli 22:26

A mia anu metenunu, Ikongkomi ira, a mia anu nahina wineweuno mosa'o, Ipehohawa ira,

Po'unde-unde 112:4

A laro wongi-wongi saba mewine tiano mia mentee; onae me'aroa ka mompehohawa, ka moleo.

Po'unde-unde 112:9

Saru pe'aroano onae montia-tia a mia mongkokolaro; poweweuno anu moiko nahi bali ranta nahina tampulaano, tandu rosono pinoko'ondau a laro marambaa.

Po'unde-unde 18:25

Onaemo pu'uno Ondae i Ue humuku aku menunu saru menteeku, menunu saru memporino kaeku a pongkita-Do.

Po'unde-unde 37:26

sompo oleo onae mompehohawa ka mompesaboako, ka inuleno gagi ronso.

Powadi 11:17

Mia anu mompehohawa moweweu moiko a ngkoroino onaeno, sine mia anu lambaha bobarasaio koroino onaeno.

Powadi 11:25

Isema hadio ipompowee ronso, pinoweeako hadio ntu'u, isema mompopo'inu, onae ta pinopo'inu.

Powadi 14:21

Isema mompokokurama pe'asa miano moweweu hala, sine me'uraomo mia me'aroa a mia anu mongkokolaro.

Powadi 19:17

Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Yesaya 57:1

Mia mentee mate, nahina maupo te'asa mia anu mekakaakono; luwuno mia moleo tebite penaano, nahina maupo te'asa mia anu merioo; mentee ntu'u, hangano lumeleno wineweu mosa'o, tebiteomo penaano mia mentee

Danieli 4:27

Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Hosea 1:6

Ka i'amba beine atuu mentia mbo'u ka me'anaako asa ana beine. Mepau Iramo i Ue ndi Hosea, ”Poponeeakonomo i Lo-Ruhama nana'ote atuu, hangano nahi Aku mehohawao mbo'u suku Isaraeli, ka nahi Aku umoniniako ira ntu'u halado.

Hosea 2:1

”Tuntuomo inemu, tuntuomo, hangano onae komba beine-Ku, ka Ongkue komba tamano. Asalakono pebelesuno ipoko'olaio inso i arono, ka ponsosabono inso i olono wua radano,

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

I MARAKUSU 11:25

Ka tewala mpentade komiu mpekakai, ime'amampuniomo ari ba mansa hinao kodei aroamiu a mpe'asa miamiu, ka Ondae mbo'u Amamiu i suruga umampunio luwuno salamiu.” [

I LUKASI 6:35

Sine omiu, impehohawa iramo iwalimiu ka impoweweumo temoiko ndi ondae ka impoweeako ira mponsabo nahi mpomperorohi sulono, ka tambomiu ta langkai ka komiu megagi ana-Do Ue Ala Anu Lalu i Wawono, hangano moiko Ira a mia anu nahi domponto'ori mpontarimakasi ka a mia memosa'o.

ROMA 11:30

Hangano mengkena kana omiu i ndi'upua nahi mpetenunu ndi Ondae Ue Ala, sine kanandio-andio mpohawe pe'aroa hangano nahi dompetenunu,

1 KORINTI 7:25

Kanandio-andio mongkona luwuno ana beine. Mongkona ondae nahi kupohawe parenta inso ndi Ondae i Ue. Sine kupauo pohaweno aroaku kana asa mia anu pine'ala-ala hangano pe'aroa anu tinarimano inso ndi Ondae Ue Ala.

2 KORINTI 4:1

Hangano pe'aroa-Do Ue Ala kimentarimaomo anggaa andio. Onaemo pu'uno nahi motewe aroamami.

EPESU 4:32

Sine po'ineeomo ka imemambe pe'aroaako, buke pompehohawa ka mambe'ampuni, kana Ondae Ue Ala Do'ampunikomiumo ndi Ondae i Kerisituu.

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

1 TIMOTIU 1:13

ongkue anu se'eluno asa mia anu mompepaukiako ka asa mia anu mobobarasai ka asa mia anu lambaha, sine Dopehohawa akumo, hangano luwuno atuu kuweweuo nahina ponto'oriku onaemo nahina pompe'ala-ala.

1 TIMOTIU 1:16

Sine onaemo pu'uno ka kupinehohawa, ka Dopopokitao i Yesu Kerisituu luwuno sabara-Do a ngkoroiku andio, gagi mia anu tehala ntu'u. Nde ba kanandio gagi aku pandirido anu lembui dompe'ala-ala Ira ka mohawe tuwua anu nahina tampulaano.

IBARANI 4:16

Onaemo pu'uno ime'aiwamo tomemosia me'umpedaakono kadera poparentaa pe'aroa, ka tomentarimao pompehohawa ka mehaweo pe'aroa ka tomehaweo pontulungi a tempono.

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 PETURU 2:10

Omiu, anu i ndi'upua komba bawaa-Do Ue Ala, sine anu kanandio-andio megagi komiumo bawaa-Do, anu i ndi'upua nahi mempinehohawa sine kanandio-andio mpohawe komiumo pe'aroa.