I MATIU 5:6 - Wunta Mempori

⁶ Me'uraomo mia anu mokoninggo ka mokorangaako menteea, hangano ira mempinokoteende.

I MATIU 5:6 ပူးပေါင်းရင်းမြစ်များ

Po'unde-unde 107:9

hangano Dopotendeo sumanga anu mokoranga, ka sumanga anu mokoninggo Dopokomowohiakono moikoa.

Po'unde-unde 145:19

Ondae umihiio po'eheno mia anu doitoako Ira, merorongeakono peraalido mpepetulungi ka kumadudui ira.

Po'unde-unde 17:15

Sine ongkue, a laro menteea aku kumitao rupa-Miu, ka i tempono kupewangu aku gagi teendeako rupa-Miu.

Po'unde-unde 63:5

Kanatuumo aku umunde-unde Komiu asa ntinuwuku ka pauo nee-Miu saru kae tetande.

Po'unde-unde 65:4

hangano mensala. Luwuno halamami lumaloio rosomami, sine Omiumo anu pahihio.

Po'unde-unde 84:2

Tedoa kukekewoio po'ianga-Miu, oo Ueno luwuakoano!

Powadi 10:24

Hapa anu mokodoitoo mia mosa'o gauno, onaemo anu ta umaluo, sine po'eheno mia mentee ta ininduako.

Powadi 21:21

Isema umungkeo menteea ka pompehohawa ta mohawe tuwua, menteea, ka pompelangkai.

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 25:6

Ondae Ueno luwuakoano Ira mompatinda i torukuno andio tiado luwuno tongku, asa pelimbua saru ninahu anu mentaba, asa pelimbua saru uwoi anggoro motu'a, ninahu anu mentaba ka me'unto wukulaa, anggoro motu'a anu tinirisa upeno.

Yesaya 41:17

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, Ue, Aku sumangki ira, Ongkue, Ue Alado to Isaraeli, nahi Aku binta ira.

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 65:13

Onaemo pu'uno, kanandiomo pau-Do Ue Ala, ”Menteeano, luwuno tetenaa-Ku ira mpongkaa, sine omiu komiu memarasai mokoninggo. Menteeano, luwuno tetenaa-Ku ira mpo'inu sine omiu komiu memarasai mokoranga. Menteeano, luwuno tetenaa-Ku ira memawongko, sine omiu komiu mpohawe mokoko'ii.

Yesaya 66:11

ka impo'uo ka gagi tende inso a uwoi uo anu mokorosokomiu, ka impo'oso ka mpenamio uwoi uo inso a uo anu me'ihi.

Yeremia 31:25

Hangano Ongkue moweakono roso anu mokendo, ka sompo mia anu telusa Aku wali mokorosoo.”

I LUKASI 1:53

Dopokohadioako ira ntu'u luwuno anu moiko a mia anu mokoninggo, ka tumenao mia anu kaea lumako saru kae mooa;

I LUKASI 6:21

Meme'ura komiumo, hei omiu anu kanandio-andio memokoninggo, hangano komiu mempinotende. Meme'ura komiumo, hei omiu anu kanandio-andio mpengese, hangano komiu mpengingisi.

I LUKASI 6:25

Memasola komiumo, anu kanandio-andio memowohi, hangano komiu memokoninggo. Memasola komiumo, anu kanandio-andio mpengigisi, hangano komiu mpopemasusa ka mpengese.

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

I YOHANE 7:37

Ka a oleo pokotompa, onaemo oleonomo ntu'u porame-ramea atuu, mentade Ira i Yesu ka Dopebooli, ”Ba isema mokoranga, ka i'aiwa ndi Ongkue ka ipo'inu!

MENGKAAA 7:16

Nahi ira memarasaiako mokoninggo ka mokoranga mbo'u, ka mata'oleo ke mokula ntu'u nahi ta umalu ira mbo'u.