I MATIU 5:5 - Wunta Mempori

⁵ Me'uraomo mia anu molusa aroado, hangano ira mpe'umbuo tolino.

I MATIU 5:5 ပူးပေါင်းရင်းမြစ်များ

Po'unde-unde 147:6

Ondae i Ue wali mokorosoo mia anu tepokonsii, sine mia mosa'o gauno pinotii hawe a wita.

Po'unde-unde 149:4

Hangano Ondae i Ue memoiko ira bawaa-Do, mia anu me'urumako Doramba-ramba uluakono tekaduduia.

Po'unde-unde 22:26

Hangano Omiu ongkue menaniako po'unde-unde a laro bawaa anu langkai; tinangaku aku umowahio i arodo anu doitoako Ira.

Po'unde-unde 25:13

Mia atuu ta mo'ia mpiha a laro me'uraa ka ana'ueno ira mpe'ueo wita.

Po'unde-unde 25:9

Ondae tumaateo mia anu me'urumako melempa montonda songka, ka Dopaguruakono pesalaa-Do a mia anu me'urumako.

Po'unde-unde 37:11

Sine mia anu me'urumako ta me'ueo wita andio ka mo'unde hangano manangaia anu hadio ntu'u.

Po'unde-unde 37:22

Menteeano, mia anu rinonso-Do i Ue ta me'ueo wita andio, sine luwuno mia anu tinotonaa-Do ira mempinokotampula.

Po'unde-unde 37:29

Mia mentee ta me'ueo wita andio ka wela mo'ia i ra'ai.

Po'unde-unde 37:34

Sikori Iramo i Ue ka tondaomo mpiha pesalaa-Do, ka Ira tumandeko ka upe'ueo wita andio, ka kokumitao mia mosa'o gauno pinokotampula.

Po'unde-unde 37:9

Hangano mia anu moweweu mosa'o ta pinokotampula, sine mia anu sumisikori Ira i Ue ta me'ueo wita andio.

Po'unde-unde 69:32

hangano mongkona atuu Dopemoikoopo i Ue sekonopo sapi lakino, sekonopo ana nsapi lakino anu metandu ka mekuku tebansi.

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 29:19

Mia ntebobarasai ira mpo'unde mbo'u ndi Ondae i Ue, ka mia anu tedoa memongkokolaro ira mengkokora-kora mpo'unde ndi Ondae Anu Tedoa Mempori, Ue Alado to Isaraeli!

Yesaya 60:21

Palilimu luwuno mia mentee, ondae mpe'ueo wita ranta nahina tampulaano; ondae onaemo tumba anu Kupotuwuo Ongkue-Ku mopokitao maramba-Ku.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

Podoaa 12:3

Kanatuumo i Musa asa mia anu tedoa mauru, laluaopo sekono sompo mia i wawontolino.

I MATIU 11:29

Imentembiomo tinembi anu Kupopotembia komiu ka impepagurumo ndi Ongkue, hangano Ongkue mauru ka me'urumako ka sumangamiu ta mohawe rodoa.

I MATIU 21:5

”Pauakono ana beine Sioni: Kitao, Mokolemu hawe ndi omue, Ondae mauru ka mesawi a ngkalide, aasa kalide pateke anu mongura.”

ROMA 4:13

Nde komba hangano songka Taura ka idinandiako i Burahima ka inuleno, nine onae ta me'umbuo wawontolino, sine hangano menteea, me'empehiako pompe'ala-ala.

GALATIA 5:23

maurua, pabawaio koroi. Nahina songka anu umewaio mongkona luwuno atuu.

EPESU 4:2

Iwela koa mpekoko'unduako, memauru, ka sabara. Impopokitaomo pompehohawamiu a laro mongkona mambe tulungi.

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

1 TIMOTIU 6:11

Sine omue hei mia-Do Ue Ala, olaiakonomo luwuno atuu, ungkeomo moleoa, pesomba, petenunua, pompehohawa, pompedato ka mauru.

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

TITU 3:2

Si dompomposebe, si dompengenge, tendeano ka domemauru ka mpe'aroa a luwuno mia.

YAKOBU 1:21

Onaemo pu'uno imentadiomo luwuakoano anu mokoburu ka anu mosa'o anu hadio ntu'u atuu ka imentarimaomo te molusa-lusa pau anu tepaho i laro aroamiu, anu pabawa kumaduduio sumangamiu.

YAKOBU 3:13

Isema i olomiu anu pande mosongka ka molino pinewowolono? Moikoomo ipokomengkaao wineweuno a gau ntumuwu anu moiko hangano ponto'ori mentee anu hiina inso a mpe'urumako.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,

1 PETURU 3:4

sine ramba-rambamiu onaemo mia i laro aroa anu tewuniako ramba-ramba anu nahi bali anu tepu'u inso a mpenaa anu mauru ka sintuwu, anu masuli ntu'u olino a pongkita-Do Ue Ala.