I MATIU 5:22 - Wunta Mempori

²² Sine Kupauakomiu: Sompo mia anu tekuda a mpepaekompono asalakono hinuku; isema anu motaeakono pepaekompono: Mia melahumoa! Asalakono pino'aro a Puu mpobitara Agama ka isema anu motae: Benge-benge! Asalako tinende a laro api naraka anu kolanga-langa.

I MATIU 5:22 ပူးပေါင်းရင်းမြစ်များ

Tegagia 37:4

Mansado mengkitao pepaekompono nine amado laluaopo ipehohawao i Yusupu sekonopo luwuno pepaekompono, onaemo ka dome'o'aliaakono ka nahi dompepauakono moi-moiko.

Tegagia 37:8

Dompotae pepaekompono ndi onae, ”Nde mingkikoke gagi mokolemami? Nde mingkikoke pabawai kami?” Tekense dome'o'aliaakono hangano mo'ipino ka hangano pinauno atuu.

2 Samueli 16:7

Kanandiomo pauno i Simei tempono ipontotonaa, ”Polai, polaimo, omue puu mpo'uwu rea, mia mosa'o!

2 Samueli 6:20

Tempono i Daudi mekule ta rumonso ira pe'asa rahano, i Mikali anano i Saulu meluarako tumotowoo i Daudi ka ipotae, ”Tedoa pinelangkai mokoledo to Isaraeli, pogauno oleo andio ipokokoiio koroino i arodo ata beinedo pegawaino, kana asa mia mongkokolaro anu mokoko'iio koroino onaeno!”

1 Mokole 21:4

Ka i'amba i Ahabi mewinso a laro langkanaeno, saru mosa'o aroano ka tekuda hangano pau anu pinauno i Nabo to Yisire'eli atuu ndi onae, ”Nahi aku weeakomiu tia pusakado uempu'uku.” Onae mepombole a mpoturiano ka ipo'opoo rupano, ka nahi behe mongkaa.

2 Tawarika 16:10

I Asa tekuda a puu mpongkita atuu. Iwinsoo a laro torungku, hangano onae tedoa tekuda ndi onae a mpinauno atuu. I tempo atuu i Asa bobarasaio mbo'u ba'opia mia inso a mpalili.

2 Tawarika 19:5

Ipotoro ira mbo'u puu mpobitara a luwuno wita, onaemo i luwuno kota anu mebente i Yehuda, i sompo-sompo kota.

Nehemia 5:8

Kupotaeako ira, ”Omami wela mpe'usaha ka kimpokotolosi ira pe'asa nto Yahudi anu inasa a luwuno tongku susua. Sine omiu tendeano me'asa ira pepaekompomiu, ka dome'inasa mbo'u ndi omami!” Mansa mengkomino hangano nahi dompoko'ewai ira.

Po'unde-unde 109:3

saru luwuno pau mpo'o'alia domengkadu aku ka mpeteaakune nahina pu'uno.

Po'unde-unde 14:1

Tiano petewawado anu mpenani. Inso ndi Daudi. Mia monge-monge motae i laro aroano, ”Nahina Ue Ala.” Mosa'o ka mokoburu poweweudo, nahina moweweu moiko.

Po'unde-unde 25:3

Oo, luwuno mia anu sumikori Komiu nahi ta pinokoko'ii; po'ineeomo domempinokoko'ii anu moruana mohapu pedandia.

Po'unde-unde 35:19

Osi'i ntu'u impo'undeakune luwuno mia anu me'iwaliakune nahina pepu'uano, ke megiru-giruo matado mia anu umo'aliaakune nahina pu'uno.

Po'unde-unde 37:8

Penaa-naamo tekuda ka bintaomo mokulano aroa atuu, si bamburu, atuu butu mowawa a mosa'oa.

Po'unde-unde 49:10

ka ipotilalo tuwu mpiha, ka nahi kitao kekeno kaburu.

Po'unde-unde 69:4

Telusa aku hangano meboo-booli, motu'i burokoku; mataku mooro hangano merorohi Ira Ue Alaku.

Po'unde-unde 7:4

Oo Ue, Ue Alaku, tewala ongkue moweweu andio: tewala hinao molengkua a ngkaeku,

Po'unde-unde 92:6

Langkai ntu'u luwuno inangga-Miu, oo Ue, ka tedoa ondalo luwuno sinongka-Miu.

Powadi 14:16

Mia pande mosongka mompe'inandai ka olaiakono mosa'oa, sine mia monge-monge moweweu po'eheno aroano ka momperodo.

Powadi 18:6

Wiwino mia monge-monge mompokohina pe'u'uaa, ka ngangano mebooli mo'ema petunduhi.

Yeremia 17:11

Kana torato anu mo'opoti nahi pesu'uluiakono, kanatuumo mia anu mopumpu kaea anu komba tiano. A entongano tinuwuno onae ta tetadi luwu, ka a tompaano tinuwuno onae butumo koa asa mia nahi montaso pinewowolono.

Ponsabangi 3:52

Kana manu-manu linulu aku mpiha hangano ondae anu gagi iwaliku nahina pu'uno.

Danieli 3:13

I tempo koa mbo'u atuu a laro tesingkano tekudano, i Nebukanesa meparenta ka domewinawa i Sadaraki, i Mesaki ka i Abenego mpe'aro. Mansado mewinawa mia atuudo mpe'aro ndi mokole,

Danieli 3:19

Tedoaomo lansara tekudano i Nebukanesa ndi Sadaraki, Mesaki ka ndi Abenego, ka rupano bali. Ka i'amba meparenta ka iwineweu pompotuwua api atuu meluka pepintu lalu mokula inso anu biasa.

Obaja 1:10

Hangano pobobarasaia a mpepaekompomu i Yako, tataa ta lumimbuko, ka omue kopinokotampula mpiha.

Obaja 1:12

Si pe'uru-uruo pepaekompomu, a oleo urasa'ono, si po'undeako ira to Yehuda a oleo mateado; ka si hadio mpau a oleo masukaraano.

I MATIU 10:17

Sine impetangkoro a luwuno mia; hangano hinao anu ta meweengakomiu a majelisi agama ka ira mensepi komiu a raha tepumpuado.

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

I MATIU 12:24

Sine mansado merongeo to Parisi, dompotae, ”Saru pabawano i Belesebu, tadulakodo onitu nsa'o, Doponsaariako onitu nsa'o.”

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I MATIU 18:21

Ka i'amba aiwaomo i Peturu ka motaeako Ira i Yesu, ”Ue, hawe pempia asalakono aku umampunio halano pepaekompoku tewala onae tehala ndi ongkue? Hawe tepepintu?”

I MATIU 18:35

Ka Ondae Ama-Ku anu i suruga Ira moweweu kanatuu mbo'u ndi omiu, tewala singge mia nahi ampunio pepaekompono tompaano aroano.”

I MATIU 23:15

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imesompoomo wawo ntahi ka wawo wita, komiu mpokontepidio te'asa miamo koa gagi tumondao agamamiu ka umarino tepidi, impokogagio miano naraka, anu meluka mpendua mosa'ono sekono omiu.

I MATIU 23:33

Hei omiu ule, hei omiu inuleno ule me'ipo! Kana'umpeke ka komiu mpokotola inso a mpohukua i naraka?

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

I MATIU 26:59

Luwuno petewawado sando mpesomba, tendeano luwuno Puu mpobitara mpo'ungke sakosii megaupi umewai Ira i Yesu, ka dompokohuku mate Ira,

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

I MATIU 5:34

Sine Kupauakomiu: Osi'i ntu'u impesumpa, moiko mesakosiiako langi, hangano langi po'ianga-Do Ue Ala,

I MATIU 5:44

Sine Kupauakomiu: Pehohawa iramo iwalimiu ka pekakaiako ira anu bobarasai komiu.

I MARAKUSU 14:55

Luwuno petewawado sando mpesomba, maupo luwuno Puu mpobitara Agama mpo'ungke anu sumakosii Ira i Yesu ka dompokohuku mate Ira, sine nahi dompohawe.

I MARAKUSU 15:1

Mo'o-mo'oru ntu'u luwuno petewawado sando mpesomba saru mia memota'u ka anu mponto'ori Taura ka luwuno Puu Mpobitara Agama domempakosiomo. Domempongu Ira i Yesu ka do'amba mewawa Ira ka mpeweengako Ira ndi Pilatu.

I LUKASI 12:5

Aku koa tumisoakomiu isemake anu asalakono imedoitoako Ira. Imedoitoako Iramo, anu umari mompepate, hinao pabawa mompetadiako mia a laro naraka. Menteeano Kupauakomiu, imedoitoako Iramo!

I LUKASI 22:66

Ka mansano meene mpepumpu iramo nteriso luwuno mia memota'udo tongku Yahudi ka petewawado sando mpesomba ka guru agama, ka do'amba mewawa Ira i arono Puu mpobitara Agamado,

I YOHANE 11:47

Ka do'amba petewawado sando mpesomba ka to Parisi mpoboio Puu Mpobitara Agama ka dompepumpu ka dompotae, ”Hapake anu asalakono kita mpobio? Hangano mia atuu moweweu hadio anu kinohali-haliako.

I YOHANE 15:25

Sine pau anu teburi a wunta songka Taura asalakono dome'ihiio: Dome'o'aliaa-Kune nahina pu'uno.

I YOHANE 7:20

Mesangki ira mia hadio atuu, ”Ipewinsoki-Komiu onitu nsa'o; isemake mo'ungke-ungkeako ta mepate Komiu?”

I YOHANE 8:48

To Yahudi mesangki Ira i Yesu, ”Nahi menteeke ba kimpotae nine Omiu to Samaria ka anu pinewinsokino onitu nsa'o?”

WINEWEUDO TINENA 17:18

Ka ba opia ira mbo'u pande mpompewowolo inso a bawaa i Epikurosi ka i Sitoa mpesangki-sangki pau saru onae ka hinao anu motae, ”Hapake anu mingki pinauno mia me'asengi andio?” Sine anu mehano mpotae, ”Engke-engkeno onae anu mompalele pompagurudo pinesombai susua.” Hangano ipaleleo Lele Mawongkoa mongkona Ondae i Yesu ka mongkona pewangua-Do.

WINEWEUDO TINENA 22:30

Sine petewawado sorodadu atuu ineheno tumo'orio ntu'u hapa anu domentuluriakono to Yahudi ndi Paulu. Onaemo pu'uno tisomono onae metena umalao i Paulu inso a ntorungku ka meparenta, ka dompepumpu petewawado sando mpesomba ka luwuno Puu Mpobitara Agama. Ka i'amba winawa i Paulu inso a mpo'iangado sorodadu ka ipino'aro ndi ondae.

WINEWEUDO TINENA 23:1

Kontongaano mengkita a Mpuu Mpobitara Agama, motae i Paulu, ”Hei pepaekompoku, hawe a oleo andio tuwu aku mpiha a laro moputeno aroaku i aro-Do Ue Ala.”

WINEWEUDO TINENA 24:20

Sine po'ineeomo mia anu mekongko i ndi'ai kanandio-andio mempokomengkaao wineweu mosa'o hapa anu hinawedo, tempono ongkue i arodo Puu Mpobitara Agama.

WINEWEUDO TINENA 4:15

Ka mansado mentena ira tinena atuu ka dobintao terisoa, nteriso iramo,

WINEWEUDO TINENA 5:21

Dotondao pe'oliwi atuu, ka tamo mo'oru mewinso iramo a Raha-Do Ue Ala, ka dopompu'u mompaguru i tu'ai. Kontongaano atuu Sando Mpesomba Langkai ka anu mentondao mentena ira mpepumpu Pobitara Agama, onaemo luwuno majelisi pinemota'udo tongku Isaraeli, ka dompetena umala ira tinena atuu inso a ntorungku.

WINEWEUDO TINENA 5:27

Domewawa iramo orua ira ka dontepo'aroako ira Puu Mpobitara Agama. Sando Mpesomba Langkai mompu'u sumikeno ira,

WINEWEUDO TINENA 6:12

Kanatuumo pesalaado mpoweweu aasa tepotowoa i olodo mia hadio saru mia memota'u ka anu mponto'ori Taura; domerakoo i Setepanu, merendeo ka domewawao i arono Puu Mpobitara Agama.

WINEWEUDO TINENA 6:15

Luwuno mia anu mpentoro a nterisoa Pobitaraa agama atuu mekokontoo i Setepanu, ka do'amba mengkitao rupano i Setepanu mengkena kana rupano aasa mala'eka.

WINEWEUDO TINENA 7:37

I Musa koa mbo'u andio anu motaeako ira to Isaraeli: Aasa nabi kana ongkue andio Ira mokohinaakomiu Ue Ala inso i olodo pepaekompomiu.

ROMA 12:10

Asalakono ka imambe pehohawa kana pepaekompo ka mambepese'elungi a mpompelangkai.

1 KORINTI 6:10

anu mponako, mia memodoko, mara molangu, anu momposebe ka anu mompopo'oo nahi ira mpohawe tia a laro Poparentaa-Do Ue Ala.

1 KORINTI 6:6

Hinaoke pepaekompo anu aasa mo'ungke moleoa a mpepaekompo anu susua, ka tendeano a mia anu nahi dompompe'ala-ala?

Winali 15:11

Hangano mia mongkokolaro nahi'otu, ta hina mpiha i wita atuu. Onaemo pu'uno kupoweeakomiu parenta, kanandio, ”Asalakono imewileo kaemiu temalua a mpepaekompomiu, anu tepokonsii ka mongkokolaro i witamiu.”

Winali 16:18

Luwuno puu mpobitara ka luwuno anu mpo'angga ndi ondae, asalakono potoro ira i luwuno kota anu Doweeakomiu i Ue, Ue Alamiu, montonda luwuno sukudo. Ondae asalakono mpopau kara-karado tongku atuu saru pomputusi anu mentee.

1 TESALONIKA 4:6

ka mongkona luwuno andio mia ka si poweweu anu nahi moiko a mpepaekompono ke mopo'oo. Hangano Ondae i Ue mombaloakono luwuno andio, kana anu kimempauomo ka mpokomanasaa komiu i ndi'upua.

TITU 3:2

Si dompomposebe, si dompengenge, tendeano ka domemauru ka mpe'aroa a luwuno mia.

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

YAKOBU 2:20

Hei mia anu monge-monge, behekoke mangakuakono kanandio-andio, nine pompe'ala-ala nahina wineweu onaemo pompe'ala-ala anu mooa?

YAKOBU 3:6

Elo mbo'u onemo api; onae kana aasa wawontolino mosa'oa ka mo'ala po'ianga i olodo parewa ngkoroito kana aasa anu mokonsosa'aio asa ngkoroi ka molangao pelempano tumuwuto, sekono onae ipolangao api naraka.

1 PETURU 2:23

Tempono Dopinepauikiako, nahi Dopombaloako pompepauki; tempono Dotebobarasai, nahi Dopompokodoito, sine Dopeweengakono ndi Ondae, anu moleo Dopobitara.

1 PETURU 3:9

ka mosa'oa si mpombaloako mosa'oa, ke pompepauikiako saru pompepaukiako, sine tendeano, po'ineeomo imporonso, hangano onaemo ka imempinoboi, onaemo ka impohawe ronso. Hangano,

1 YOHANE 2:9

Ba isema motae, nine onae kongko a laro mewine, sine i'o'aliaakono pepaekompono, onae kongko a laro wongi-wongia hawe kanandio-andio.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

1 YOHANE 5:16

Tewala hinao asa mia kumitao pepaekompono moweweu hala, onaemo hala anu komba mowawa matea, po'ineeomo ka ipekakai ndi Ondae Ue Ala ka Ira moweeakono tuwua, onaemo ondae, anu mpoweweu hala anu komba mowawa matea. Hinao hala anu mowawa matea; mongkona atuu komba kupauo, nine asalakono ka ipekakai.

YUDASI 1:9

Sine i Mikaeli tadulakodo mala'eka, tempono a laro aasa teposisalaa megaga saru i Mosa'o mongkona wata ngkoroino i Musa, nahi sapa humukuakono i Mosa'o pau pompepaukiako, sine ipotae, ”Po'ineeomo Ondae i Ue kumuahakomu!”

MENGKAAA 20:14

Ka i'amba matea ka poparentaano matea atuu pinetadiako iramo a laro ntahi api. Onaemo atuu matea anu ko'orua: tahi api.