I MATIU 5:18 - Wunta Mempori

¹⁸ Hangano Kupauakomiu: Menteeano ba napi tampula langi ka tolino andio, maupo te'asa hurupu ke maupo te'asa titi nahi ta inonini inso a Songka, ba napi gagi luwu.

I MATIU 5:18 ပူးပေါင်းရင်းမြစ်များ

Po'unde-unde 102:26

I ndi'ipua Ipokogagiomo tolino, ka langi onaemo wineweuno kae-Miu.

Po'unde-unde 111:8

moroso mpiha ka nahina tampulaano ka iwineweu mentee ka moleo aroa.

Po'unde-unde 119:152

Lano tehineomo kuto'orio luwuno pepopoto'ori-Miu, anu pinakosi-Miu ranta nahina tampulaano.

Yesaya 40:8

Ewo gagi mokari, bunga gagi moleu, sine pau-Do Ue Alato kongko mpiha ranta nahina tampulaano.”

Yesaya 44:26

Ongkuemo anu mokorosoo pinauno tetenaa-Ku ka weweuo tinoo anu pinaleledo tinena-Ku; Ongkuemo anu mepau mongkona Yerusale: Moikoomo ipino'iangi! ka mongkona luwuno kotano Yehuda: Moikoomo iwinangu, Aku wali wanguo terawono!

Yesaya 51:6

Po'aroomo matamu i langi ka pengkitamo i tolino i totono; hangano langi ta tampula kana ahu, tolino kanaomo tahu sangka ka palilino ira memate kana tiporo. Sine, tekaduduia inso ndi Ongkue ta kongko mpiha ranta nahina tampulaano, ka moleoa-Ku nahi ta menaa-naa.

I MATIU 10:15

Kupauakomu: Menteeano a oleo pobitaraa Sodomo ka Gumora ta monongkoopo tinembino sekono kota atuu.”

I MATIU 10:23

Tewala domeweweu nsa'o komiu a laro ngkota anu aasa, impolaimo a ngkota anu susua; hangano Kupauakomiu: Menteeano napi me'umari mesompoo luwuno kota i Isaraeli, hawe Iramo i Ana Manusia.

I MATIU 10:42

Ka ba isema mompowee uwoi morini maupo te'asa sangkirimo koa a mia anu kodei andio, hangano onae ana guru-Ku, Kupauakomiu: Menteeano nahi ta tetadi tambono inso ndi onae.”

I MATIU 11:11

Kupauakomiu: Menteeano i olodo anu pine'anaakodo beine nahi hori hina anu lalu langkai sekono i Yohane Puu Mpobaho, sine anu lalu kodei a Poparentaa suruga langkaiopo sekono onae.

I MATIU 13:17

Hangano Kupauakomiu: Menteeano hadio nabi ka mia mentee mingki mengkitao hapa anu mengkinitamiu, sine nahi domengkitao, ka mingki merongeo hapa anu merinongemiu, sine nahi domerongeo.

I MATIU 16:28

Kupauakomiu: Menteeano i olodo mia anu mekongko i ndi'ai hinao anu nahi ta mate ba napi domengkita Ira i Ana Manusia hawe gagi Mokole a laro Poparentaa-Do.”

I MATIU 17:20

Dopotaeako ira, ”Hangano kodei pompe'ala-alamiu. Hangano Kupauakomiu: Menteeano ba hinao pompe'ala-alamiu kanamo koa langkaino wuku rawoho komiu mpokompotaeakono torukuno andio: Pelimba raane inso a mpo'ianga andio – asalakono torukuno andio melimba, ka nahina anu nahi ta gagi ndi omiu. [

I MATIU 18:18

Kupauakomiu: Menteeano hapa anu winutumiu i wawontolino andio ta tewutu i suruga ka hapa anu pinotolamiu i wawontolino andio ta tepotola i suruga.

I MATIU 18:3

Ka Do'amba motae, ”Kupauakomiu, menteeano tewala nahi ntepidi ka gagi kana nana'ote kodei andio, nahi komiu mpewinso a laro Poparentaa Suruga.

I MATIU 19:23

Dopotae i Yesu a ana guru-Do, ”Kupauakomiu, menteeano motungko ntu'u mia kaea mpewinso a Poparentaa Suruga.

I MATIU 19:28

Motae Ira i Yesu ndi ondae, ”Kupauakomiu, menteeano i tempono wali pinokowo'ohu, tewala i Ana manusia mentoro a ngkadera poparentaa marambaa-Do, omiu, anu mentonda Akumo, komiu mpentoro mbo'u a wawo hopulu ka orua kadera poparentaa ka imebitarao hopulu ka orua suku Isaraeli.

I MATIU 21:21

Dosangki ira i Yesu, ”Kupauakomiu, menteeano tewala mpompe'ala-ala komiu ka nahi menanta-nanta, komba butu komiu mpokoweweuo hapa anu wineweu-Ku a ngkeu ara atuu, sine mbo'u tewala impotaeakono torukuno andio: Pelimbamo ka utetadiako a laro ntahi! Anu kanatuu ta gagi.

I MATIU 21:31

Isemake i olodo orua mia atuu anu weweuo po'eheno amado?” Mesangki ira, ”Anu pokotompa.” Motae Ira i Yesu ndi ondae, ”Kupauakomiu, menteeano luwuno puu popumpu sima'ulu ka beine mebelesu ira mpese'elungi komiu mpewinso a Poparentaa-Do Ue Ala.

I MATIU 23:36

Kupauakomiu: Menteeano luwuno andio ira mensusuruo mia andiodo!”

I MATIU 24:2

Dopotaeako ira, ”Imengkitao luwuno atuu? Kupauakomiu, menteeano nahina maupo te'asa watu i ndi'ai ta pino'inee mo'ia i wawono watu anu susua; luwuno ta hinoa.”

I MATIU 24:47

Kupauakomiu: Menteeano ueno atuu ta motoroo onae gagi puu mpodagai luwuno arataano.

I MATIU 25:12

Sine sumangki: Kupauakomiu, menteeano nahi kuto'ori komiu.

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I MATIU 25:45

Ka Ira sumangki: Kupauakomiu, menteeano luwuakoano anu nahi imeweweuo tiano asa mia inso ndi ondae anu tedoa mongkokolaro andio, nahi meweweuo mbo'u ndi Ongkue.

I MATIU 5:26

Kupauakomiu: Menteeano nahi komeluarako inso i ra'ai, ba napi u'owahio pasuamu hawe ka ileso.

I MATIU 6:16

”Ka tewala mempuasa komiu, si mpopokitao rupamiu mompemasusa kana mia mo'onde-onde. Domebalio rupado, ka domengkitao koa mia nine kontongaado mempuasa. Kupauakomiu: Menteeano mpohawe iramo tambodo.

I MATIU 6:2

Gagi tewala komompowee anu mentee, si paleleo mongkona atuu, kana anu wineweudo mia mpo'onde-onde a luwuno raha tepumpua ka a luwuno sala kodei, ka dome'unde-unde ira mia. Kupauakomiu: Menteeano mpohawe iramo tambodo.

I MATIU 8:10

Mansa-Do rumongeo i Yesu mongkona atuu, kohali-hali Iramo ka Dopotae ndi ondae anu tumonda Ira, ”Kupauakomiu, menteeano pompe'ala-ala langkai kanandio nahi Kuhori mohawe maupo te'asa mia i olodo to Isaraeli.

I MARAKUSU 10:15

Kupauakomiu: Menteeano ba isema nahi tarimao Poparentaa-Do Ue Ala kana aasa nana'ote kodei, onae nahi ta mewinso i larono.”

I MARAKUSU 10:29

Sumangki Ira i Yesu, ”Kupauakomiu, menteeano sompo mia anu hangano Ongkue ka hangano Lele Mawongkoa ka ibintao rahano, pepaekompono tama ke pepaekompono beine, ineno ke amano, luwuno anano ke lereno,

I MARAKUSU 11:23

Kupauakomiu: Menteeano ba isema motaeakono torukuno andio: Pelimbamo ka tetadiako a laro ntahi! Poolo nahi nanta-nanta aroano, sine ipe'ala-alao, nine hapa anu pinauno atuu ta gagi, asalakono atuu ta gagi ndi onae.

I MARAKUSU 12:43

Onaemo ka Dopoboi ira ana guru-Do ka Dopotaeako ira, ”Kupauakomiu, menteeano tuwu beine mongkokolaro andio mompowee hadioopo sekono luwuno mia anu mpowinso doi a laro burua ponaapa pesomba.

I MARAKUSU 13:30

Kupauakomiu: Menteeano mia andiodo nahi ira metampula, ba napi gagi luwuno atuu.

I MARAKUSU 14:18

Tempono dompentoro i tu'ai ka kontongaado mpongkaa, Dopotae i Yesu, ”Kupauakomiu, menteeano aasa mia i olomiu ta meweenga-Kune, onaemo onae anu mongkaa saru Ongkue.”

I MARAKUSU 14:25

Kupauakomiu, Menteeano nahi Aku mo'inu mbo'u hasilino keu anggoro hawe a oleo ka Ku'inuo, onaemo anu wo'ohu, a laro Poparentaa-Do Ue Ala.”

I MARAKUSU 14:30

Ka Do'amba i Yesu motaeakono, ”Kupauakomu, menteeano a oleo andio, wongi koa mbo'u andio napi pendua ikokoroido manu, pentolumo uhapu Aku.”

I MARAKUSU 14:9

Kupauakomiu: Menteeano i suamo koa ipinalele Lele Mawongkoa i asa wawontolino, hapa anu wineweuno andio ta pinau mbo'u gagi rorambeno.”

I MARAKUSU 3:28

Kupauakomiu: Menteeano luwuno hala ka pompepaukido anano mia ta inampuni, oo, luwuno pompepaukiako anu pinaudo.

I MARAKUSU 6:11

Ka tewala hinao asa po'ianga anu nahi dobehe mentarima komiu ka tewala nahi dobehe mperorongeakomiu, impeluarakomo inso i tu'ai ka imetantamio awu a ngkarumiu gagi pepopoto'ori ndi ondae.”

I MARAKUSU 8:12

Menaa runse Ira ka Dopotae, ”Tembio mia andiodo ka dompo'ema petondoni? Kupauakomiu, menteeano a mia andiodo nahi ira hori mempinoweeako petondoni.”

I MARAKUSU 9:1

Dopotaeako ira mbo'u, ”Kupauakomiu, menteeano i olono mia anu mehawe i ndi'ai hinao anu nahi ta mate ba napi domengkitao nine Poparentaa-Do Ue Ala haweomo saru pabawa.”

I MARAKUSU 9:41

Kupauakomiu: Menteeano ba isema mpo'inuakomiu uwoi te'asa sangkiri hangano omiu tumonda Ira i Kerisituu, nahi ta tetadi tambono.”

I LUKASI 11:51

mompu'u inso a reano i Habeli hawe a reano i Sakaria anu pinepateomo i olono meda pontunua pesomba ka Raha-Do Ue Ala. Tendeano Kupauakomiu: Luwuno atuu ta tinuntu inso a mia andiodo.

I LUKASI 12:37

Meme'ura iramo ata anu ihawe ira uedo mpedaga-dagai tempono ihawe. Kupauakomiu: Menteeano onae ta meboo ntonga ka itena ira mpentoro mpongkaa, ka onae ta aiwa mekakaako ira.

I LUKASI 13:35

Menteeano rahamiu andio ta bininta ka gagi boni-boni. Sine Kupauakomiu: Nahi komiu mengkita Aku mbo'u hawe a tempono ka impotae: Rinonso Iramo anu hawe a nee-Do i Ue!”

I LUKASI 16:17

Moruanaopo itampula langi ka tolino sekonopo aasa titi inso a songka Taura nahi tinonda.

I LUKASI 18:17

Kupauakomiu: Menteeano ba isema nahi tarimao Poparentaa-Do Ue Ala kana aasa nana'ote kodei andio, nahi ta mewinso i larono.”

I LUKASI 18:29

Motae Ira i Yesu ndi ondae, ”Kupauakomiu, menteeano sompo mia anu hangano Poparentaa-Do Ue Ala ka ibintao rahano, beineno ke pepaekompono, mia mota'uno ke luwuno anano,

I LUKASI 23:43

Motae Ira i Yesu ndi onae, ”Kupauakomu, menteeano oleo koa mbo'u andio omue kohawe meronga saru Ongkue i Paradesi.”

I LUKASI 4:24

Ka Dopotae mbo'u, ”Kupauakomiu, menteeano nahina nabi anu tinudu a mpo'ianga insoano.

I YOHANE 1:51

Ka Do'amba i Yesu motaeakono, ”Kupauakomu, menteeano kokumitao langi te'ungkahi ka mala'eka-Do Ue Ala ira mpetii ka mpewuatako ndi Ana Manusia.”

I YOHANE 10:1

”Kupauakomiu: Menteeano isema anu mewinso a laro rahano bimba nahi telalo a mpewowa, sine momaru a rere watu, onae mia anu monako ka mia puu mporontu;

I YOHANE 10:7

Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo.

I YOHANE 12:24

Kupauakomiu: Menteeano tewala wuku gandu nahi tedonta a wita ka mate, onae asa wuku koa mpiha; sine tewala onae mate, ta mewua hadio.

I YOHANE 13:16

Kupauakomiu: menteeano aasa ata komba mantandeopo sekono ueno, ke maupo aasa mia tinena sekonopo onae anu tumenao.

I YOHANE 13:38

Sumangki Ira i Yesu, ”Komeweengakono penaamu hangano Ongkue? Menteeano Kupauakomu: Napi kumokoroido manu, pentolumo uhapu Aku.”

I YOHANE 14:12

Kupauakomiu: Menteeano ba isema me'ala-ala Aku, onae ta weweuo mbo'u luwuno anggaa anu wineweu-Ku, tendeano anggaa anu langkaiopo sekono atuu. Hangano Aku lumako ndi Ondae i Ama;

I YOHANE 16:20

Kupauakomiu: Menteeano komiu mpengese ka mposabangi, sine wawontolino ta mo'unde; komiu mpompemasusa, sine pompemasusamiu ta bali gagi po'undea.

I YOHANE 16:23

Ka a oleo atuu nahi komiu mpompesikenoako hapa-hapa ndi Ongkue. Kupauakomiu: Menteeano luwuakoano anu inemamiu ndi Ondae i Ama, Ira weeakomiu a nee-Ku.

I YOHANE 21:18

Kupauakomu: Menteeano tempono da umongura meboo ntongako omuemu ka upelempa ba isuamo koa inehemu, sine tewala mota'ukomo, kotumasio kaemu ka mia susua ta umonggoko ka wawako a mpo'ianga anu nahi ukakahanio.”

I YOHANE 3:11

Kupauakomu, menteeano omami mpepau mongkona hapa anu tino'orimami ka mpesakosii mongkona hapa anu kinitamami, sine nahi imentarimao ponsakosiimami.

I YOHANE 3:3

Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 5:19

Ka Do'amba i Yesu sumangki ira, Dopotae, ”Kupauakomiu, menteeano, Ana nahi pokompo'angga maupo hapa inso a ngkoroi-Do Ondae-Do, tewala nahi Dokitao Do'anggao Ama-Do; hangano hapa anu inangga-Do Ama, onae koa mbo'u anu inangga-Do Ana.

I YOHANE 6:26

Sumangki Ira i Yesu, ”Kupauakomiu, menteeano ime'ungke Aku, komba hangano imengkita iramo petondoni, tendeano hangano mpongkaa komiumo roti atuu ka memowohi komiu.

I YOHANE 6:32

Ka motae Ira i Yesu ndi ondae, ”Kupauakomiu, menteeano komba i Musa anu moweeakomiu roti inso i suruga, tendeano Ondae Ama-Ku anu moweeakomiu roti anu mentee inso i suruga.

I YOHANE 6:47

Kupauakomiu, menteeano ba isema mompe'ala-ala, onae hinaomo tuwua anu nahina tampulaano.

I YOHANE 6:53

Ka motae Ira i Yesu ndi ondae, ”Kupauakomiu, menteeano tewala nahi imengkaano koroi-Do i Ana Manusia ka me'inuo rea-Do, nahina tuwua a ngkoroimiu.

I YOHANE 8:34

Motae Ira i Yesu ndi ondae, ”Kupauakomiu, menteeano sompo mia anu moweweu hala, onaemo atano hala.

I YOHANE 8:51

Kupauakomiu: Menteeano ba isema tumondao Pau-Ku, nahi ta membasaio matea hawe nahina tampulaano.”

I YOHANE 8:58

Dopotae i Yesu, ”Kupauakomiu, menteeano napi gagi i Burahima, kongko Akumo.”

1 PETURU 1:25

sine pau-Do i Ue kongko mpiha ranta nahina tampulaano.” Ndiomo pau anu pinohaweno Lele Mawongkoa ndi omiu.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.