I MATIU 5:16 - Wunta Mempori

¹⁶ Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I MATIU 5:16 ပူးပေါင်းရင်းမြစ်များ

Peluarakoa 34:35

to Isaraeli mengkitao rupano i Musa mewanta kuli rupano. Onaemo kai wali mokonao pesoumbuno a rupano ranta kai pewinso me'aro ndi Ondae i Ue ka ipepau saru Ondae.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Yesaya 58:8

I tempomo atuu mewinemu ta mewanta kana towea ka mobelamu ta ronga tompa; menteea gagi baresi i aromu ka maramba-Do i Ue baresi i bungkumu.

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

I MATIU 23:5

Luwuno anggaa anu mewineweudo butu tinoodo ka domengkitao mia; mpopokona ira peboo pekakaido anu molue ka wuakino lemba anu meloe;

I MATIU 23:9

Ka si mpopewua ama maupo isema i tolino andio, hangano aasa koa Amamiu, onaemo Ondae anu i suruga.

I MATIU 5:45

Hangano anu kanatuu omiu megagi luwu ana-Do Amamiu anu i suruga, anu mosabao mata oleo tiado mia anu mpoweweu mosa'o ka mia anu mpoweweu moiko ka motiio usa tiado mia anu mentee ka mia anu nahi mentee.

I MATIU 6:16

”Ka tewala mempuasa komiu, si mpopokitao rupamiu mompemasusa kana mia mo'onde-onde. Domebalio rupado, ka domengkitao koa mia nine kontongaado mempuasa. Kupauakomiu: Menteeano mpohawe iramo tambodo.

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

I MATIU 9:8

Ka mia hadio anu mengkitao anu gagi atuu medoito ka do'amba me'unde-unde Ira Ue Ala anu mompowee Iramo pabawa kanatuu a mia.

I LUKASI 11:2

Dosangki ira i Yesu, ”Tewala komiu mpekakai, impotaemo: Ama, nee-Miu ka ipinokomempori; Poparentaa-Miu ka ihawe.

I YOHANE 15:8

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

WINEWEUDO TINENA 9:36

I kota Yope hinao asa ana guru beine meneeako i Tabita – a mpau Yunani i Dorokasi. Beine atuu hadio ntu'u wineweuno anu moiko ka mompowee pontulungi.

1 KORINTI 14:25

Luwuno anu tewuni i laro aroano ta gagi mengkaa, onaemo ka ta menggolontu mesombai Ira Ue Ala ka mangaku, ”Mentee ntu'u, Ondae Ue Ala kongko Ira i tonga-tongamiu.”

2 KORINTI 9:13

Ka hangano peteahakomiu a pompekakaakoa atuu, dome'unde-unde Ira Ue Ala hangano pomperorongeakomiu a Lele Mawongkoa-Do i Kerisituu ka hangano pe'aroamiu mpetia luwuakoano saru ondae ka saru luwuno mia,

GALATIA 1:24

Ka dome'unde-unde Ira Ue Ala hangano ongkue.

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 5:8

Lano i ndi'upua mewongi-wongi komiu, sine kanandio-andio memewine komiu ndi Ondae i Ue. Onaemo pu'uno imentuwumo gagi anano mewine,

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

1 TIMOTIU 2:10

sine ka ipesangkaakono wineweu moiko, kana tekonano a beine anu mesomba.

1 TIMOTIU 5:10

ka anu mengkaa mo'anggaomo anu moiko, kana mompekaria ana, ineheno metotoka, mowo'ohi karudo pepaekompo pe'asa pompe'ala-ala, montulungi mia anu laro pompema'isoa – owowaano ondae anu mempakeomo luwuno tempo mpoweweu moiko.

1 TIMOTIU 5:25

Kanandio koa mbo'u wineweu moiko atuu ronga mengkaa ka tewala komba kanandio, nahi ta mokompo'ia mpiha tewuni.

1 TIMOTIU 6:18

Pauako iramo atuu poweweu moiko, gagi kaea a laro mpoweweu moiko, inehedo pompowee ka mpontia

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

TITU 2:7

ka pokogagiomo koroimu omuemu aasa pandiri a mpoweweu moiko. Asalakono ka umoleo ka pompesu'ui a pompagurumu,

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

TITU 3:4

Sine mansano mengkaa pe'aroa-Do Ue Ala, Puu pongkaduduito, ka pompehohawa-Do a mia,

IBARANI 10:24

Ka aiwamo ka tomemambekita ka memambepokowali a pompehohawa ka a anggaa moiko.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 3:1

Kanandio koa mbo'u omiu, hei luwuno beine mpekombia, impetuundumo a ntamamiu, tewala hinao i olodo anu nahi petenunu a mpau-Do i Ue, maupo nahina pau ka domponangiako peleluno beinedo,

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

1 PETURU 4:14

Meme'ura komiumo, tewala mentinata komiu hangano nee-Do i Kerisituu, hangano Penaa marambaa, onaemo Penaa-Do Ue Ala kongko ndi omiu.