I MATIU 5:12 - Wunta Mempori

¹² Impo'unde ka memawongkomo, hangano tambomiu langkai i suruga, hangano kanandio koa mbo'u dontebobarasai luwuno nabi anu mpese'elungi komiu.”

I MATIU 5:12 ပူးပေါင်းရင်းမြစ်များ

Tegagia 15:1

Ka i'amba haweomo pau-Do i Ue ndi Burama a laro asa pongkita, ”Siimo doito, Burama, Ongkuemo kantamu; tambomu ta tedoa langkai.”

1 Mokole 18:13

Nahi ipinauako ke ueku hapa anu kuweweuomo tempono i Isebeli mepate ira nabi-Do i Ue, kana'umpe kuwuni ira asa etu mia nabi-Do i Ue a laro kunepo, lima pulu mia asa bawaa ka mompatindaako ira kaanga ka inuado?

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

1 Mokole 19:2

I Isebeli tumenao asa mia lumako ndi Elia saru pe'oliwi, ”Po'ineeomo luwuno pinesombai humuku aku mobea maupo torea mbo'u, tewala tisomo tempo kanandio nahi kupepateko mengkena kana asa mia i olodo atuu.”

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

2 Mokole 1:9

Ka i'amba mokole tumenao asa petewawa sorodadu saru lima pulu ana buano ndi Elia. Petewawa sorodadu atuu mewuatako tepohaweakono i Elia anu tekonai mentoro a punsuno torukuno ka ipotaeakono, ”Tetenaa-Do Ue Ala, dopotae mokole: Petiimo!”

2 Tawarika 16:10

I Asa tekuda a puu mpongkita atuu. Iwinsoo a laro torungku, hangano onae tedoa tekuda ndi onae a mpinauno atuu. I tempo atuu i Asa bobarasaio mbo'u ba'opia mia inso a mpalili.

2 Tawarika 36:16

Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Po'unde-unde 19:11

masuliopo olino sekono wulaa, sekono maupo hadio wulaa mpena; ka mo'ahiopo sekono siu hoani, maupo sekono siu hoani iiti inso a inenano hoani.

Po'unde-unde 58:11

Mia mentee ta mo'unde, hangano onae kumitao pombaloa, onae ta wo'ohio karuno a laro reano mia mosa'o gauno.

Powadi 11:18

Mia mosa'o gauno moweweu untu anu nahina tuduno, sine isema morawo menteea, mohawe sulono anu nahi bali.

Yesaya 3:10

Pauako iramo mia mentee, moiko ntu'u teweweudo a lembuiano, hangano ira mpongkaa hasilino inanggado.

Yeremia 2:30

Nahina pengkonaano Kutunduhi ira anamu, pontunduhi nahi domperioo; ponaimu isa'a pingko ira nabimu kana singa mongura anu mongkaa rinakono.

Yeremia 26:8

Mansano umari i Yeremia pauo a luwuno palili luwuno anu Dopeparentaako i Ue ka ipohaweo, luwuno sando mpesomba, luwuno nabi, ka luwuno palili merakoo saru mpotae, ”Omue asalakono hinuku mate!

Yeremia 37:14

Sumangki i Yeremia, ”Pegaupi atuu, komba aku me'alaako a nto Kasidimi!”, sine i Yeria nahi perioo. Kongkono rumakoo i Yeremia ka wawao me'aro a luwuno mia pinemota'u.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I MATIU 6:16

”Ka tewala mempuasa komiu, si mpopokitao rupamiu mompemasusa kana mia mo'onde-onde. Domebalio rupado, ka domengkitao koa mia nine kontongaado mempuasa. Kupauakomiu: Menteeano mpohawe iramo tambodo.

I LUKASI 13:34

Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararu Kumingki pumpu ira anamu, mengkena kana ineno manu pumpu ira anano a ntoto panino, sine nahi imebehe.

I LUKASI 6:23

Impo'undemo i tempo atuu ka imemawongkomo, hangano menteeano, tambomiu langkai i suruga; hangano kanatuu koa mbo'u uempu'udo doweweu ira nabi.

I LUKASI 6:35

Sine omiu, impehohawa iramo iwalimiu ka impoweweumo temoiko ndi ondae ka impoweeako ira mponsabo nahi mpomperorohi sulono, ka tambomiu ta langkai ka komiu megagi ana-Do Ue Ala Anu Lalu i Wawono, hangano moiko Ira a mia anu nahi domponto'ori mpontarimakasi ka a mia memosa'o.

WINEWEUDO TINENA 16:25

Sine mansano ta porontonga wongi mekakai ira i Paulu ka i Silasi ka dopenani umunde-unde Ira Ue Ala ka domeronge ira mia mehinuku anu mehano.

WINEWEUDO TINENA 5:41

Domebintao tinena atuu terisoado Puu Mpobitara Agama saru mawongko aroado, hangano pinetekona iramo mpembasaio mokoko'iia hangano Nee-Do i Yesu.

ROMA 5:3

Ka komba butu onae atuu. Tendeano kita koa mpo'unde mbo'u a laro marasaiato, hangano tomento'orio, nine marasaia atuu mompokohina pompedato,

1 KORINTI 3:8

Moiko anu mompaho maupo anu monsiwui mengkena koa; ka singge mia ta tumarimao tambono menunu saru inanggano onaeno.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

PILIPI 1:29

Hangano ndi omiu mewineeako komba butu ka impe'ala-ala Ira i Kerisituu, tendeano ka imemarasaiako Ira koa mbo'u,

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

KOLOSE 1:24

Kanandio-andio kupo'undeakono marasaiku hangano omiu, ka mokosompoo a ngkoroiku hapa anu makura a ntebobarasai-Do i Kerisituu, tiano koroi-Do, onaemo bawaa.

KOLOSE 3:24

Imento'orio, nine insomo ndi Ondae i Ue komiu mpontarima tia anu imempinakosiako gagi tambo. Ondaemo i Kerisituu pe'uea ka omiu ata-Do.

1 TESALONIKA 2:15

Tamoako to Yahudi atuudo dompepate Iramo Ue Yesu ka luwuno nabi ka domeweweu nsa'o kamimo. Hapa anu pinemoiko-Do Ue Ala nahi domperioo ka luwuno mia dompe'iwaliako ira,

IBARANI 10:34

Lano memarasai komiumo saru mia anu mehinuku ka tempono irinontu arataamiu, mawongko aroamiu mentarimao mongkona atuu, hangano imento'orio, nine hinao arataamiu anu lalu moiko ka anu kongko mpiha.

IBARANI 11:26

Pompokongkodeia hangano Ondae i Kerisituu ituduo gagi kaeaa anu lalu langkai sekonopo luwuno arataa i Masiri, hangano pinewowolono ipo'aroo a ntambo.

IBARANI 11:33

anu hangano pompe'ala-ala ka domenangi iramo poparentaa, mpoweweu menteea, mehaweo hapa anu dinandi, mpokopuo ngangado singa,

IBARANI 11:6

Sine ba nahina pompe'ala-alano mia nahi Ira memoikoo Ue Ala. Hangano ba isema rumangkuhi Ira Ue Ala, asalakono ipe'ala-alao nine kongko Ira Ue Ala, ka nine Ondae Ue Ala moweeakono tambo mia anu umungke Ira ntu'u.

YAKOBU 1:2

Luwuno pepaekompoku, tuduomo kana aasa me'uraa, tewala ntedonta komiu a laro mperupa-rupa po'ara-arahako,

YAKOBU 5:10

Pepaekompo luwu-luwu, imentondaomo pandiri tebobarasaia ka sabarado luwuno nabi anu mpepau iramo a nee-Do i Ue.

1 PETURU 4:13

Tendeano, impo'undemo, menunu saru tia anu hinawemiu a ntebobarasai-Do i Kerisituu, ka impohawe koa mbo'u mawongko ka mpo'unde a tempo Dopokomengkaao maramba-Do.

Ruti 2:12

Ondae i Ue anu sumuloo wineweumu atuu, ka Dopoweeakomu tambo te'inso ndi Ondae i Ue, Ue Alado to Isaraeli, anu i totono pani-Do haweko mepetulungi.”