I MATIU 5:10 - Wunta Mempori

¹⁰ Me'uraomo mia anu binobarasai hangano menteea, hangano ondae anu mpe'umbuo Poparentaa Suruga.

I MATIU 5:10 ပူးပေါင်းရင်းမြစ်များ

Po'unde-unde 37:12

Mia mosa'o gauno mosongka mosa'oa a mia mentee ka ipokingkiakono;

Yesaya 66:5

Rongeomo pau-Do i Ue, hei omiu anu medoitoakono pau-Do! Ondae pepaekompomiu anu umo'aliaakomiu, ka lumiahako komiu hangano nee-Ku, mpotae iramo, ”Moikoomo Dopopokitao i Ue maramba-Do, ka kimengkitao mawongkomiu!” Sine, tendeano ondaemo anu ira mempinokoko'ii.

I MATIU 10:23

Tewala domeweweu nsa'o komiu a laro ngkota anu aasa, impolaimo a ngkota anu susua; hangano Kupauakomiu: Menteeano napi me'umari mesompoo luwuno kota i Isaraeli, hawe Iramo i Ana Manusia.

I MATIU 19:14

Sine Dopotae i Yesu, ”Po'inee iramo nana'ote atuudo, si me'onsoi ira me'aiwa ndi Ongkue; hangano miamo anu kanatuudo anu mpe'umbuo Poparentaa Suruga.”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MATIU 5:3

”Me'uraomo mia memongkokolaro i aro-Do Ue Ala, hangano ondaemo anu mpe'umbuo Poparentaa Nsuruga.

I MARAKUSU 10:14

Mansa-Do kumitao i Yesu anu gagi atuu, tekuda Ira ka Dopotaeako ira, ”Po'inee ira nana'ote atuudo me'aiwa ndi Ongkue, si me'onsoi ira, hangano mia anu kana ondaemo atuu anu mpe'umbuo Poparentaa-Do Ue Ala.

I MARAKUSU 10:30

mia atuu kanandio-andio i tempo koa mbo'u andio ta wali tumarimao meluka asa etu: raha, pepaekompo tama, pepaekompo beine, ine, ana ka lere, maupo tinondaako mperupa-rupa pobobarasaia, ka a tempo anu ta hawe onae ta tumarimao tuwua anu nahina tampulaano.

I LUKASI 21:12

Sine se'eluno luwuno atuu komiu merinako ka mebinobarasai; komiu mempineweengako a hadio raha tepumpua ka torungku, ka komiu mempino'aro a hadio mokole ka anu mempabawa hangano nee-Ku.

I LUKASI 22:29

Ka Ongkue tumantuiakomiu luwuno tiano Poparentaa, mengkena kana Ongkue Dotantuia-Kune Ama-Ku,

I LUKASI 6:20

Ka Do'amba i Yesu mengkita a ana guru-Do ka Dopotae, ”Meme'ura komiumo, hei omiu anu memongkokolaro, hangano omiumo anu mpe'umbuo Poparentaa-Do Ue Ala.

I LUKASI 6:22

Meme'ura komiumo, tewala hangano i Ana Manusia ka dome'o'aliaakomiu mia, ka tewala domentadi komiu, ka mentata komiu saru mpokomosa'oo neemiu.

I YOHANE 15:20

Impewowoloomo hapa anu umari Kupauakomiu: Aasa tetenaa nahi lalua inso a ueno. Tewala domeweweu nsa'o Akumo, ira meweweu nsa'o komiu mbo'u; tewala domentondaomo pau-Ku, ira koa mentondao mbo'u pinaumiu.

WINEWEUDO TINENA 5:40

Dompoboi ira tinena atuudo, ka do'amba mensepi ira ka dome'onto ira mpompaguru a nee-Do i Yesu. Umarino atuu dompotola ira.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

PILIPI 1:28

saru nahi impondendeakono maupo tedei anu umewai komiu. Ndi ondae luwuno atuu onaemo tondonino matea, sine ndi omiu petondoni tekaduduia, ka anu atuu haweno inso ndi Ondae Ue Ala.

2 TIMOTIU 2:12

tewala mpompesu'ui kita, kita koa mbo'u mpetonda mpomparenta saru Ondae; tewala tomehapu Ira, Ira koa mbo'u humapu kita;

2 TIMOTIU 3:11

Omue metondaakomo marasaiako pobobarasaia ka masukaraa kana anu kupemarasaio i Antiokia ka i Ikoniu ka i Lisitera. Luwuno pobobarasaia atuu kupemarasaio ka Dopotola akumo i Ue inso ndi onae.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 5:11

Menteeano kimempau ira meme'ura, onaemo andio anu mpompedato iramo; imerongeomo mongkona pompedatono i Ayubi ka imento'oriomo hapa anu poko'ariano Dopatiandaakono i Ue, hangano Ondae i Ue tedoa mompehahowa ka buke pe'aroa.

1 YOHANE 3:12

komba kana i Kai, anu tepu'u inso ndi Mosa'o ka anu mepateo uaino. Ka hapake pu'uno ka ipepateo? Hangano luwuno wineweuno mosa'o ka wineweuno uaino mentee.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.