I MATIU 4:2 - Wunta Mempori

² Ka umari-Do mepuasa, patopulu oleo ka patopulu wongi, poko'ariano mokoninggo Iramo i Yesu.

I MATIU 4:2 ပူးပေါင်းရင်းမြစ်များ

1 Mokole 19:8

Mewanguomo kai pongkaa ka mo'inu. Hangano kaanga atuu onaemo kai moroso melempa pato pulu oleo ka pato pulu wongi hawe i torukuno Hore, torukuno-Do Ue Ala.

Peluarakoa 24:18

I Musa mewinso a laro nseru ka ipotilalo morake a ntorukuno atuu. Onae mo'ia a ntorukuno atuu pato pulu oleo ka pato pulu wongi.

Peluarakoa 34:28

I Musa mo'ia i ra'ai saru Ondae i Ue, pato pulu oleo ka pato pulu wongi tehineno. Nahi pongkaa roti ka nahi po'inu uwoi. Onae burio a orua watu poburia songka atuu luwuno pau pedandia, Hopulu Songka.

I MATIU 21:18

Tempono mo'oru a laro pelempaa-Do mekule i kota, mokoninggo Ira i Yesu.

I MATIU 25:35

Hangano tempono Kumokoninggo, imempaka Aku; tempono kumokoranga, impopo'inu Aku; tempono Ongkue mia hawe, impetotoka Aku;

I MATIU 25:42

Hangano tempono Kumokoninggo, nahi mempaka Aku; tempono Kumokoranga, nahi mpopo'inu Aku;

I MARAKUSU 11:12

Tisomono umari-Do i Yesu ka ana guru-Do mebitao Betenia, Ondae i Yesu mompemokoninggo.

I LUKASI 4:2

I tu'ai Dopo'ia pato pulu oleo tehineno ka i Mosa'o umara-arahako Ira. Tempono i tu'ai nahi Dopongkaa hapa-hapa ka umarino tempo atuu mokoninggo Ira.

I YOHANE 4:6

I tu'ai hinao sumuruno i Yako. Ondae i Yesu tedoa mokendo hangano pelempaa, onaemo ka Dopentoro a wiwi nsumuru atuu. Tempo atuu bara'ura langku hopulu ka orua.

Winali 18:18

Asa nabi Aku tumenaako ira i olono pepaekompodo, kana ongkue andio. Aku numaao pau-Ku a laro ngangano, ka onae ta pauako ira luwuno anu Kuparentaakono.

Winali 9:18

Umarino atuu menggolontu aku i aro-Do i Ue pato pulu oleo ka pato pulu wongi tehineno, kana anu amba-ambano; nahi kupongkaa roti ka nahi kupo'inu uwoi. Nde, tedoa komiu ntehala, mpoweweu anu mosa'o a pongkita-Do i Ue, ranta mokotesingkao tekuda-Do.

Winali 9:25

Onaemo ka kupenggolontu i aro-Do i Ue pato pulu oleo ka pato pulu wongi tehine, hangano mepau Iramo i Ue Ira rumopu komiu.

Winali 9:9

Mansaku morake i torukuno aku tumarimao watu poburia songka, watu pedandia anu wineweu-Do i Ue saru omiu, ka mo'ia aku pato pulu oleo ka pato pulu wongi tehineno i torukuno atuu. Nahi kupongkaa roti ka nahi kupo'inu uwoi.