I MATIU 3:7 - Wunta Mempori

⁷ Sine tempono ikitao hadio ira to Parisi ka to Saduki me'aiwa ira mpepebaho, ipotaeako ira, ”Hei omiu inuleno ule me'ipo. Isemake pauakomiu, nine komiu mpokompolai inso a tekuda anu ta hawe?

I MATIU 3:7 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Powadi 28:4

Mia anu nahi perioo songka umunde-undeo mia mosa'o gauno, sine mia anu me'ini a songka umewai ira.

Yesaya 59:5

Ondae mpowotu su'uluino ule beluda, ka mpohoru inenano kaangga; isema anu mongkaa su'uluino atuu ta mate, ka tepeha i dinanso, meluarakoomo asa ule beluda.

Yeremia 51:6

Polaimo inso i tonga-tongano Babeli, asalakono sompo mia kumaduduio penaano, ka si merinopu hangano salado! Hangano onaemo andio tempo pombaloa-Do i Ue; Ira mompowee pohuku ndi onae.

Yeremia 6:10

Ndi semake asalakono aku mepau ka mompowee pepopoto'ori, ka dobehe mporonge? Mentee ntu'u, birino tetutuwi, nahi domporonge! Mentee ntu'u, pau-Do Ue gagi po'unde-unde, nahi dompe'eheo!

I MATIU 12:24

Sine mansado merongeo to Parisi, dompotae, ”Saru pabawano i Belesebu, tadulakodo onitu nsa'o, Doponsaariako onitu nsa'o.”

I MATIU 12:34

Hei omiu inuleno ule me'ipo, kana'umpeke ka komiu mpokopau ira anu moiko, kahinaano omiu mia memosa'o? Hangano anu pinauno wiwi meluarako inso i aroa.

I MATIU 15:12

Ka mehawe iramo ana guru-Do ka dompesikeno ndi Ondae, ”Ito'orio koake nine pinau-Miu atuu gagiomo watu tetiduado to Parisi?”

I MATIU 16:1

Ka i'amba mehawe iramo to Parisi ka to Saduki ira me'ara-arahako Ira i Yesu. Dome'emao ka Dopopokitao ndi ondae te'asa petondoni inso i suruga.

I MATIU 16:6

Dopotaeako ira i Yesu, ”Impedagaimo ka impetangkoro a ragido to Parisi ka to Saduki.”

I MATIU 22:15

Ka i'amba melako iramo to Parisi; menteriso ira ba kana'umpe ka dompoko'oho Ira i Yesu mesala a aasa pesikeno.

I MATIU 22:23

A oleo atuu mehawe iramo ndi Ondae i Yesu ba opia to Saduki, anu montonda pohawedo nine hinao pewangua. Mpesikeno ira ndi Ondae,

I MATIU 22:34

Tempono domerongeo to Parisi, nine Doweweu iramo i Yesu to Saduki atuudo mengkomino, mpepumpu iramo

I MATIU 23:33

Hei omiu ule, hei omiu inuleno ule me'ipo! Kana'umpeke ka komiu mpokotola inso a mpohukua i naraka?

I MATIU 5:20

Onaemo ka Kupauakomiu: Tewala tuwu pe'agamamiu nahi laluopo mentee sekonopo tuwu pe'agamado anu mponto'ori Taura ka to Parisi, menteeano nahi komiu mpewinso a laro Poparentaa Suruga.

I MARAKUSU 12:13

Ka i'amba mentinena ba opia ira to Parisi ka to Herodiani melako ndi Ondae i Yesu ka dompete'umala mpauako Ira aasa pesikeno.

I MARAKUSU 12:18

Mehawe iramo ba opia to Saduki, anu pohawedo, nine nahina pewangua. Mpesikeno ira ndi Ondae,

I MARAKUSU 8:15

Ka Do'amba i Yesu mopoto'oriako ira, Dopotae, ”Impedagaimo ka imetangkoroo ragido to Parisi ka ragino i Herode.”

I LUKASI 16:14

Luwuno atuu domerongeo to Parisi, anu memodokoako doi atuu, ka dompokoko'awatiako Ira.

I LUKASI 18:11

To Parisi atuu mentade ka ipekakai i laro aroano kanandio: Oo Ue Ala, montarima kasi aku ndi Omiu, hangano nahi kupengkena kana luwuno mia mehano, komba puu mporontu, komba mia lambaha, komba anu monsosabo ka komba kana puu popumpu sima'ulu andio;

I LUKASI 7:30

Sine to Parisi ka anu mponto'ori Taura nahi domentarimao tinoo-Do Ue Ala a ngkoroido, hangano nahi domebehe ibaho ira i Yohane.

I YOHANE 1:24

Ka i olodo mia anu mentinena atuu hinao ba opia ira to Parisi.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

I YOHANE 9:40

Pau atuu domerongeo ba opia ira to Parisi anu mekongko i tu'ai ka dompotaeako Ira, ”Nde pengkonaano atuu nine omami mbo'uke memorawu?”

WINEWEUDO TINENA 15:5

Sine ba opia ira mia inso a bawaado to Parisi, anu mpompe'ala-ala iramo, mehawe ka dompotae, ”Mia anu komba to Yahudi asalakono tinindi ka asalakono ka itondao songkano i Musa.”

WINEWEUDO TINENA 20:31

Onaemo pu'uno impentangkoromo ka impewowoloo, nine ongkue otolu nta'u tehineno, meene wongi, nahi kupenaa-naa patudu komiu nte'o'asa mia meronga uwoi mata.

WINEWEUDO TINENA 26:5

Tehineomo domento'ori aku ka bakanaano domebehe, ira mpokompesakosii, nine tuwu akumo kana aasa to Parisi montonda pompaguru ka gau anu moroso ntu'u a agamato.

WINEWEUDO TINENA 5:17

Poko'ariano mpompu'u iramo Sando Mpesomba Langkai ka luwuno anu mentondao, onaemo luwuno mia inso a pepumpudo to Saduki, mpopokitao pabawado hangano tedoa ira mengkohili.

ROMA 1:18

Hangano tekuda-Do Ue Ala mengkaa inso i suruga a luwuno gau mosa'o ka lambahano mia, anu mokonsiio menteea saru lambaha.

ROMA 5:9

Tamoako, hangano ontae kanandio-andio mempinokomentee kitamo hangano rea-Do, manasa kita mengkinadudui inso a ntekuda-Do Ue Ala.

1 TESALONIKA 1:10

ka sumikorio hawe-Do ana-Do inso i suruga, anu Dowangu Iramo inso i olodo mia mate, onaemo Ondae i Yesu, anu kumadudui kita inso a pontekudaako anu ta hawe.

IBARANI 11:7

Hangano pompe'ala-ala, onaemo i Noho – saru pontiso-Do Ue Ala mongkona hapa anu napi tengkita – saru metenunu ipatindao Bangka kaduduido pe'asa rahano ka hangano pompe'ala-ala atuu ihukuo wawontolino, ka onae tinantui montarima menteea, menunu saru pompe'ala-alano.

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.