I MATIU 3:6 - Wunta Mempori

⁶ Ka do'amba memangakuakono halado ibaho ira i Yohane a ngkoro Yarade.

I MATIU 3:6 ပူးပေါင်းရင်းမြစ်များ

Esera 10:1

Kontongaano i Esera menggolontu mekakai ka ipengese mangakuakono hala i arono Raha-Do Ue Ala, tepumpuomo bawaa to Isaraeli hadio ira ntu'u umpeda ndi onae, tama, beine, ka nana'ote. Mia atuudo mpengese meroku ntu'u.

Po'unde-unde 32:5

Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Powadi 28:13

Isema wunio halano nahi ta me'ura, sine isema mangakuakono ka bintao ta pinehohawa.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Danieli 9:4

Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

Imama 16:21

I Haruni asalakono numaao orua kaeno a wawo uluno bembe lakino anu da tuwu atuu ka i wawono uluno bembe atuu imangakuakono luwuno salado to Isaraeli saru luwuno pe'ewado, maupo hapa mbo'u halado. Asalakono ipopotembiakono luwuno atuu a wawo uluno bembe lakino atuu ka i'amba motolao a mpada one molalo asa mia anu mepatindaomo atuu.

Imama 26:40

Sine tewala domemangakuakono salado ka salado uempu'udo, onaemo tebali nahi dompetenunu ndi Ongkue ka me'akuio mbo'u nine mentuwu ira umewai Aku,

Podoaa 5:7

Asalakono imangakuakono hala anu wineweuno atuu, umowahio luwu pontolosi saru tumiangio asa ntia olimano, ka i'amba meweengakono a mia ba ndi sema ipoweweu sala.

I MATIU 3:11

Kubahoakomiu uwoi gagi tondonino tepidia, sine Ondae anu hawe lembui umarino ongkue pabawa Irapo sekono ongkue ka nahi pototoku lumohuo sapatu-Do. Ondae Ira bahoakomiu Penaa Mempori ka saru api.

I MARAKUSU 1:5

Ka i'amba mehawe iramo ndi onae mia inso i asa wawo wita Yudea ka luwuno palilino Yerusale, ka kontongaado memangakuakono halado mebinaho ira a ngkoro Yarade.

I LUKASI 1:16

onae ta weweuo hadio to Isaraeli mpepokule ndi Ondae i Ue, Ue Alado,

I LUKASI 3:16

Sumangki i Yohane ka ipotaeako ira luwuno mia atuu, ”Ongkue bahoakomiu uwoi, sine Ondae anu lalu pabawa sekono ongkue Ira hawe ka maupo kumaleo onggono sapatu-Do nahi pototoku. Ira bahoakomiu Penaa Mempori ka api.

WINEWEUDO TINENA 1:5

Hangano i Yohane mobahoako uwoi, sine nami tehine mbo'u komiu mebinahoako Penaa Mempori.”

WINEWEUDO TINENA 11:16

Ka kupokompewowoloomo pau-Do i Ue: I Yohane mobahoako uwoi, sine omiu, komiu mebinahoako Penaa Mempori.

WINEWEUDO TINENA 19:18

Hadio i olodo anu mpompe'ala-ala iramo, mehawe ka memangaku i arodo mia hadio, nine mehori ira mpoweweu kana wineweu atuu.

WINEWEUDO TINENA 22:16

Ka kanandio-andio, tembio ka da unanta-nanta? Pentademo ka pepebahomo ka luwuno halamu pinokomempori ka upebooli a nee-Do i Ue!

1 KORINTI 10:2

Ka domegagi mpetonda ndi Musa mebinaho iramo luwu a laro nseru ka a laro ntahi.

KOLOSE 2:12

hangano mengkinaburu komiu saru Ondae a mpebahoa, ka ndi Ondae mpetonda komiu mbo'u mewinangu hangano pompe'ala-alamiu a mpo'anggano pabawa-Do Ue Ala, anu wangu Iramo inso a mpo'iangado mia mate.

IBARANI 6:2

onaemo pompaguru mongkona mperupa-rupa pebahoa, modampoako kae, pewanguado mia mate ka pohuku anu nahina tampulaano.

IBARANI 9:10

hangano luwuno atuu, umarino kaanga, inua ka mperupa-rupa powo'ohia, butu koa luwuno atora mentuwu tolino, anu butu tinonda ranta haweno tempo pompokowo'ohua.

YAKOBU 5:16

Onaemo pu'uno ka imemambe mangakuakono halamiu ka memambe pekakaiako, ka imetompa. Pekakaino mia mentee, tewala ipe'ala-alao ntu'u ipinekakaiako, langkai ntu'u pabawano.

Yosua 7:19

Mepauomo i Yosua ndi Akani, ”Anaku pelangkai Ira i Ue, Ue Alado to Isaraeli, ka umangakumo ndi Ondae; pauo ndi ongkue hapa anu wineweumu, silako wunio ndi ongkue.”

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.